Matalikilo 32:4 - Baibo Busansulushi Bwa Libuku Ili

⁴ Wakabalwiita ayi baambile Esau ayi, “NeJakobo musebenshi wanu unyumfwila, ntooluula kuli Esau mwaami wangu ayi ndakalinga kwikala abaLabani alimwi ayi ndakacelwa kupiluka kushika sunu.

Matalikilo 32:4 Referans Kwoze

1 Pita 3:6

Sala mbwakalinga ubo. Wakalinga kunyumfwila Abulaamu akumwiita ayi, “Nkambo.” Aboobo inga mwaba anga mbana bakwe Sala kwiinda mukucita shiluleme alimwi akutaloonda cintu nabi comwi.

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

Shikushimikila 10:4

Na muleli wakukalalila, utatakati mulimo wako. Mukwiinga kukalika moyo kulamana milandu inene.

Tushimpi 15:1

Kukumbula kabotu kulabombya bukali, sombi kukumbula cakucenena kulabusonkomona.

Tushimpi 6:3

Ono omwanaangu ubo ingayi uli mumaansa ashikamukobonyoko. Anu mbooelete kucita kwaamba ayi waanguluke mbulya. Fwambaana uye kuli nguwe ukaliboombye akumukombelela ayi akwaangulule.

1 Baami 20:32

Lyalo bakafwala masaka antaambo munshingo akuya kumwaami Aabu akwaamba ayi, “Musebenshi wanu Benadadi wamusenga ayi mutamucaayi.” Aabu wakakumbula ayi, “Sa ngumuumi abobulya? Cabota! Ngumukwesu!”

1 Samwelo 26:17

Mpomunyaawo Saulo wakalishiba liswi lyakwe Defedi akwiipusha ayi, “Sa ncakwiila ndiswi lyako ilyo Defedi omwanaangu?” Defedi wakakumbula ayi, “Ee, ndendilyo nkambo nobaami bangu.”

Kulonga 32:22

Aloni wakakumbula ayi, “Mutankalalili nkambo. Mwebo mulishi bantu aba mbobasuminite kucita cibiibi.

Matalikilo 33:8

Kuswawaawo Esau wakeepusha ayi, “Ino likoto limwi lilya ndindakumanya lilaambanshi?” Jakobo wakakumbula ayi, “Nkwaamba ayi mukondeleshe, nkambo.”

Matalikilo 32:18

ulyeelete kukumbula ayi, ‘Nsha musebenshi wanu Jakobo. Watumina Esau mwaami wakwe ayi ncipo. Jakobo mwiine utoosa mwisule lyesu.’ ”

Matalikilo 32:5

Ndicite ŋombe, mbongolo, mbelele, mpongo alimwi abasha basankwa abanakashi. Ono nkambo, ndatuma maswi mukulangila kwaamba ayi inga ndacana kulekelelwa.”

Matalikilo 27:37

Isaki wakakumbula Esau ayi, “Ndalengesha kale ayi abe mwaami wako, alimwi ayi boonse beshikamukowa bakwe babe basha bakwe. Ndamupa shili anga ngamaila awaini. Ono taaku cacaala nceshi nkupe, omwanaangu!”

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Matalikilo 23:6

“Amukutike kuli ndiswe nkambo, swebo tulamulanga ayi muli batanjilili beshinkusu shoonse. Amubike bakaanu mucuumbwe ciindaawo kubota pasheesho nshetucite. Uli woonse pakati kesu inga wakondwa kumupa cuumbwe kwaamba ayi mubikeemo bakaanu.”

Matalikilo 4:7

Necalinga cakwaamba ayi wacita cintu ciluleme naakwiinga walinga kusangalete. Ono ceebo cakwaamba ayi wacita citaluleme, cibiibi citookupensha mumoyo. Citooyanda kwaamba ayi cikweendeleshe sombi ulyeelete kucikoma.”

Matalikilo 31:41

Myaaka yoonse makumi obilo mbondakalinga kwikala amwebo ubo. Ndakatola myaaka likumi ayone kusebensela ayi njebe bana banu bobilo, iyi imwi yosanwe awomwi ndakalinga kusebensela mbelele ampongo. Nakubi boobo, mwakapilula malipilo angu mankanda likumi.

Tushimpi 25:15

Kwiinda mukubula ncimwa mweendeleshi ulakonsha kutekeneshekwa. Ncakwiila mulaka ubombu ulakonsha kumana mapensho ali woonse.

Matalikilo 25:30

Aboobo wakaambila Jakobo ayi, “Endesha mpeewo musushi usalala uyo, ndafwa nsala.” Nceceeco ncaakalinga kwiitilwa ayi Edomu.

Matalikilo 33:14

Nkambo, amutanjile anebo ndanoosa paniininiini. Ndanoosa mumukanyu ukonsha shifubwa abanike kushikila nkamucane kuEdomu.”

Matalikilo 36:8

Aboobo Esau wakekala mucishi ca tulundu ciitwa ayi Edomu.

Matalikilo 36:9

Bamulunyungu lwakwe Esau nkokwaamba ayi bashali bakulukulu ba bene Edomu mbaaba.

Boomboloshi 5:4

“NoBaami baLesa, ndimwakaswa kuSiya, ncakwiila ndimwakaswa kucishi ca Edomu, cishi cakatenkaana, mfula yakaloka, Ee maanshi akaswa mumakumbi.

Isaya 21:11

Aya ngamaswi aamba pacishi ca Edomu. Umwi muntu kuswa kuEdomu utokoolobesha kuli ndime ayi, “Oshikulindilila, mashiku atoomana lili? Oshikulindilila, mashiku atokwiinda lili?”