Matalikilo 31:49 - Baibo Busansulushi Bwa Libuku Ili

⁴⁹ Labani alakwe wakaamba alimwi ayi, “Mwaami Lesa kaatubona soonse sobilo ciindi nditutabete pantu pomwi.” Paceebo ceeco musena ulya wakatumbwa alimwi liina lya Misipa.

Matalikilo 31:49 Referans Kwoze

Boomboloshi 11:29

Mpomunyaawo Mushimu wa Mwaami Lesa wakesa pali Jefuta. Lyalo wakeenda muGilyadi amucishi ca bene Manase. Kuswawaawo wakaboolela kuMisipa mucishi ca Gilyadi ngooyo kuAmoni.

Boomboloshi 10:17

Mpeeke bashilumamba ba bene Amoni bakalibambila kulwana akuyaka misumba kuGilyadi. Bene Isilaeli abalo bakabungana akuyaka misumba yabo kuMisipa.

Osiya 5:1

“Amunyumfwishe mwebo nobapailishi, amuteye matwi kumakani aya mwebo nobene Isilaeli, ee, mukutikishe mwebo nobaana ba kubwalo! Mulandu utoomushikila, mwalinga anga nkoose kuMisipa, ncakwiila anga nkoombe kayalwa kuKalundu ka Tabo.

1 Baami 15:22

Lyalo mwaami Asa wakatuma nkombe mucishi coonse ca Juda iyo yakalinga kwaamba ayi muntu womwi awomwi, kwakubula ucaala, aye mukucafwa kunyamuna mabwe amapulanga ayo mwaami Baasha ngwaakalinga kuyakisha kuLama. Shintu ishi Asa wakashisebensesha kumulimo wa mushobo womwi kuMisipa aGeba mandabala ali mucishi ca bene Benjameni.

Boomboloshi 11:11

Aboobo Jefuta wakaya abamaloba abo ba kuGilyadi, mpeeke bantu bakamupa butanjilili bwa bashilumamba abuleli. Lyalo Jefuta wakabooshaawo maswi ngaakaambila bamaloba kuMisipa kunembo lya Mwaami Lesa.

1 Samwelo 20:23

Ono pacikani webo anebo ncetwakapangana, ibaluka kwaamba ayi Mwaami Lesa ngokamboni pakati kesu lyoonse.”