Matalikilo 3:19 - Baibo Busansulushi Bwa Libuku Ili

¹⁹ Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Matalikilo 3:19 Referans Kwoze

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Jobo 34:15

ncakwiila bantu inga bafwa alimwi akuboolela kubulongo boonse.

Kulumbaisha 104:29

Na mwashifutatila shilaloonda abuumbi, Na mwashinyaya muuya wanu shilafwa, shilaboolela kubulongo uko nkoshakaswa.

Matalikilo 2:7

Lyalo Mwaami Lesa wakabwesa bulongo panshi akubumbaamo muntu. Mpeeke wakamuyoyela muuya upa buumi mumashono, mpomunyaawo muntu uyo wakaba abuumi.

Kulumbaisha 90:3

Mwebo mulaboosha muntu mbwaakalinga, kumuboosha kubulongo nkwaakaswa.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

Shikushimikila 3:20

Shoonse shilaya kumusena womwi. Ncakwiila shakaswa kubulongo alimwi shilaakuboolela kubulongo.

Matalikilo 18:27

Abulaamu wakabooshaawo alimwi ayi, “NoBaami baLesa, ndaseenga mundekelele kutolelela kwaamba amwebo. Nebo ndibo anga ndusuko nabi milota alimwi nshicite nkusu shakwaamba cili coonse.

Danyelo 12:2

Bantu baanji baanji abo boona mubulongo bwa cishi ca panshi balaakubuka. Bamwi balaakubukila kuba abuumi butamaani, sombi bamwi balaakubukila kulenshekwa nsoni akuba cintu ceelete kushibulukwa kwalyoonse alyoonse.

Shikushimikila 1:3

Anu nciinshi muntu ncaacana kuswa kuncito njaacita pacishi ca panshi?

Kulumbaisha 22:15

Mukanwa mwangu mwayuma nta anga ncikula, awalo mulaka wangu wacatilila kwiculu. Mwebo mwandekelesha ayi ndifwiite mulusuko.

Matalikilo 23:4

“Nebo ndimuswamashi ushiitaanu kuno. Amungulisheewo musena mbikeewo bakaangu.”

2 Bene Tesalonika 3:10

Nditwakalingaanu twakalinga kumulwiita ayi, “Na muntu wakaka kusebensa, akulya mutamusuminishi.”

Kulumbaisha 103:14

Ceebo ulishi mbwaakatulenga, ulishi ayi twakaswa kubulongo.

1 Bene Tesalonika 2:9

Nobamakwesu, muliingashite mbotwakasebensa cankusu? Twakalinga kusebensa malumwi amashiku kwaamba ayi tutamupenshi mushintu nshetwakalinga kuyanda kusebensesha, nditwakalinga kumushimikila Makani Abotu aswa kuli Lesa.

Shikushimikila 5:15

Muntu ulaswa maansabo mumala muli banyina, ono bweenka mbwaakesa, mbweshi akaye aakufwa. Taaku nabi comwi ncaatolelela kuswa kumilimo yakwe, ncakwiila taaku nabi comwi ncaafumbatilawo mulyaansa.

Shikushimikila 1:13

Ndakalyaaba kwaamba ayi njiye akwishiba kwiinda mubusongo shintu shoonse shicitika pacishi ca panshi. Maawe walema mukuli uyo ngwaakatupa Lesa!

Tushimpi 21:16

Muntu upambuka munshila ya maano akunyumfwisha shintu, ulaakuya mukwikala pantu pomwi abafu.

Kulumbaisha 22:29

Balisumpula boonse balaakufukama pameenso akwe. Muntu woonse uboola kubulongo, ulaakufukama kunembo lyakwe. Nkokwaamba ayi uyo woonse weenga taalilamini buumi.

Jobo 21:26

Sombi boonse aba balafwa akoona mubulongo. Ndushinisho boonse balalitwa pantu pomwi kumapila.

Jobo 19:26

Ono nabi cikanda cangu camana kunyonyoolwa, sombi mumubili wangu uyu weenka ndaakubona Lesa.

Jobo 1:21

“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”

1 Bene Kolinto 15:47

Adamu mutaanshi wakalinga wa pacishi ca panshi alimwi wakaswa kubulongo, sombi Adamu wabili, wakaswa kwiculu.

Bene Ebulu 9:27

Muntu uli woonse ulafwa linkanda lyomwi, kuswawaawo ndyaaomboloshekwa.

Matalikilo 3:18

Alimwi mubulongo mulaakunoomena nsaku amyuumfwa. Webo ulaakunoolya shisepo sha muluundu.

Jobo 4:19

Ino inga ceela kuli kubantu bakaswa kubulongo, abo bakaswabo kulusuko bashanyonwabo anga nkabambala?

Kulumbaisha 104:23

Lyalo bantu balaya kumilimo yabo, akusebensa kushikila macolesha.

Kulumbaisha 127:2

Mulalipenshabo kubuka macuunsacuunsa alimwi akucelwa kuya mukoona, kwaamba ayi mucane cakulya kwiinda mukuyuwaana. Ceebo Mwaami Lesa ulapa cakulya kubaabo mbwaasuni kabacilete.

Matalikilo 5:5

Mpeeke wakafwa kaacite myaaka ili 930.

Jobo 10:9

Amuyeeye kwaamba ayi mwakamumba abulongo. Sa mulisuni kumpilushisha kulusuko alimwi?