Matalikilo 3:13 - Baibo Busansulushi Bwa Libuku Ili

¹³ Mwaami Lesa wakeepusha mwanakashi ayi, “Ino wacitilanshi bobulya?” Alakwe wakakumbula ayi, “Ninsoka yambeca, lyalo ndalya.”

Matalikilo 3:13 Referans Kwoze

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

1 Timoti 2:14

Peculu lya waawo teshi Adamu wakabecekwa, ngumwanakashi wakabecekwa akusotoka mulawo wakwe Lesa.

Joni 18:35

Pilato wakaamba ayi, “Sa nebo ndi muJuda? BaJudanyoko abamatanjilili ba bapailishi mbobakuleta kuli ndime. Ino wakacitanshi?”

2 Samwelo 3:24

Mpomunyaawo Joabu wakaya kumwaami akwiipusha ayi, “Mwacitilanshi bobulya nkambo? Abina walingaako kuno kuli ndimwe, ino mwamulekelanshi ayi aye? Ncakwiila bulya wasakana!

Matalikilo 44:15

Mpeeke Josefu wakaamba ayi, “Ino mwacitanshi? Sa temwalinga kwishi kwaamba ayi muntu uli mbuli ndime inga weshiba shintu kwiinda mukulotela?”

1 Samwelo 13:11

Sombi Samwelo wakaamba ayi, “Ino nciinshi ncewacita?” Saulo wakakumbula ayi, “Bantu bakalinga batalika kunshiya, alimwi tamukwe kushika paciindi ncemwakaamba ayi inga mwesa. Kuteshibo boobo bweenka, bene Filisiti abalo babungana kale kuMikimashi.

Bene Loma 7:11

Ceebo bubi bwakacana nshila muMilawo alimwi kwiinda muMilawo bwakambeca akuncaya.

1 Samwelo 15:15

Saulo wakakumbula ayi, “Bashilumamba bakashikusha kubene Amaleki. Tabakwe kucaya mbelele aŋombe shakalinga kwiindaawo kubota kwaamba ayi tukabenge milambu kuMwaami Lesa, Lesa wanu. Sombi shimwi shoonse twakamana kushicaya.”

Matalikilo 12:18

Lyalo Falawo wakatuma nkombe ayi Abulamu ese. Mpeeke wakamwiipusha ayi, “Nciinshi ncewakacita kuli ndime? Tookwe kundwiitilanshi ayi mwanakashi uyu ngumukaako?

Bene Lefi 12:5

“Ono na wapulukamo mwaana mwanakashi, taasalalite kweelana aMilawo kwanshiku shili makumi obilo ashone kuswa pabushiku ndyaakapulukaamo, bweenka mbwaatasalalite na wakubala. Lyalo palaakwiinda nshiku shili makumi osanwe alyomwi alimwi anshiiku shosanwe abomwi, kwaamba ayi asalashikwe kweelana aMilawo ceebo ca bulowa bwakwe bwakaswa.

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Jona 1:10

Mpeeke Jona wakabalwiita ayi utooloboka Mwaami Lesa. Lyalo beshikweensha bwaato bakaloonda abuumbi ndibakanyumfwa cikani ici akumwiipusha ayi, “Ino wacitanshi?”