Matalikilo 3:10 - Baibo Busansulushi Bwa Libuku Ili

¹⁰ Alakwe wakakumbula ayi, “Ndamunyumfwa kamweendeenda mumuunda. Ono ndaloonda akuyuba ceebo ndimatakosha.”

Matalikilo 3:10 Referans Kwoze

Matalikilo 2:25

Musankwa amukaakwe bakalinga matakosha, sombi tebakalinga kufwa nsoni.

Isaya 57:11

Ono Mwaami Lesa waamba ayi, “Anu mbalesanshi abo bamulenga boowa cakwaamba ayi nebo kamumbeca akundubililaakobo limwi? Sa nceebo cakwaamba ayi ndoomuna bunene ncemwacilekela kunoonda?

Isaya 47:3

Bantu batookubona koolibo nduno. Lyalo nsoni shitookucata cakuyanda kukupisha panshi. Ncakwiila ntooboosha cishole alimwi taaku weshi ankaashe.”

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

1 Joni 3:20

Na myoyo yesu yatushinina, tuleshiba ayi lushibo lwakwe Lesa ndunene kwiinda lwa myoyo yesu alimwi ayi lakwe ulishi shintu shoonse.

Jobo 23:15

Nceceeco ncentutumina kunembo lyakwe. Ee, na ndayeeya shoonse ishi, ndamuloonda abuumbi.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”

Kulonga 32:25

Mose wakabona ayi Aloni wakabaleka bantu ayi bacite bubi akulilensha nsoni pameenso a balwani babo.

Matalikilo 3:7

Ingayi bamanebo kulya, meenso abo akacaluka akubona ayi bali matakosha. Aboobo bakatunga matewu a mukuyu kwaamba ayi bafweke mibili yabo.

Matalikilo 3:11

Lesa wakeepusha ayi, “Ngani wakulwiita ayi uli matakosha? Sa walya shisepo nshindakamukasha kulya?”

Kulonga 20:18

Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.

Kulonga 20:19

Lyalo bakaambila Mose ayi, “Twaambilebo webo weenka, tutoonyumfwa. Tutooloonda ayi na Lesa aambe aswebo, tutoofwa.”

Dutolonomi 5:25

Ono tufwitenshi? Mulilo ulya utootunyonyoola. Na Mwaami Lesa, Lesa wesu aambe aswebo alimwi, tutoofwa.

Jobo 31:33

“Bantu bamwi balashisa shibiibi shabo, sombi nebo nshikwe kushisawo shibiibi shangu, sobwe.