Matalikilo 29:20 - Baibo Busansulushi Bwa Libuku Ili

²⁰ Jakobo wakasebensa myaaka yosanwe ayobilo kwaamba ayi eebe Lakelo. Myaaka iyo kuli nguwe yakabonekabo anga ninshiku shiniinibo ceebo wakalinga kusuni Lakelo abuumbi.

Matalikilo 29:20 Referans Kwoze

1 Bene Kolinto 13:7

Lusuno talulengeshiiwo kuboola pesule. Sombi lulalengesha kushoma, kulangila abushimoyonteeka mumapensho lyoonsebo.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Osiya 12:12

Jakobo wakacicila kucishi ca Silya. Isilaeli wakasebensa kwaamba ayi eebe mukaakwe. Ee, kwaamba ayi amulipilile, wakeembela mbelele.

Matalikilo 24:67

Mpeeke Isaki wakenjisha Labeka mutente yakalinga koonaamo Saala, banyina, lyalo wakamweeba. Isaki wakalinga kumusuni Labeka abuumbi, aboobo wakacileka kuyeeya banyina bakafwa.

2 Bene Kolinto 5:14

Lusuno lwakwe Klistu ndolutweendelesha ceebo tulashoma kwaamba ayi muntu womwi wakafwita bantu boonse, paceebo ceeco boonse bakafwa kwiinda muli nguwe.

Matalikilo 30:26

Amumpe bamakaangu abana bangu abo mbondakacana kwiinda mukumusebensela. Mwacita boobo ntoonyamuka nooya. Mwebo mulishi mbondalinga kumusebensela kabotu.”

Matalikilo 29:19

Labani wakakumbula ayi, “Ee, webo inga ndakusuminisha kuleka umwi uli woonse. Anu katwikala soonse.”

Matalikilo 31:15

Batootucita anga mbaswamashi. Bakatuulisha, ono alimwi banyonyoola maali oonse ngobakalipilwa ceebo cesu.

1 Samwelo 18:23

Bacinenenene abo bakaya bamwiindilaamo maswi ayo Defedi. Sombi Defedi wakeepusha ayi, “Sa mwebo mutooyeeya ayi nkantu kaniini kuba mukwe wa mwaami? Nebo ndi mukandubo alimwi nshipukiteewo bunene.”

Matalikilo 29:27

Lindila nsondo yakusekelela bwiinga buno imane, ndaakukupa Lakelo na ulaakunsebensela aimwi myaaka yosanwe ayobilo.”

Matalikilo 29:30

Jakobo wakakumanaakwe Lakelo alakwe alimwi wakalinga kumusuni kwiinda Leya. Lyalo wakasebensela Labani myaaka aimwi ili yosanwe ayobilo.

Matalikilo 34:19

Aboobo cikula bwangu uyo taakwe kumana ciindi mukucita ceeco cakaambwa ayi acite, ceebo wakalinga kumusuni abuumbi mwanaakwe Jakobo mwanakashi. Cikulabwangu uyo wakalinga muntu ulemekwa abuumbi pakati ka bamuŋanda ya baishi.

Osiya 12:13

Nebo neMwaami Lesa ndakatuma mulaluki kwaamba ayi akushe bene Isilaeli kuswa muIjipiti. Ndakabeembela kwiinda mumulaluki uyo.