Matalikilo 28:17 - Baibo Busansulushi Bwa Libuku Ili

¹⁷ Wakaloonda akwaamba ayi, “Uno musena ulaloondesha abuumbi! Palyeelete kuba mpopaŋanda yakwe Lesa alimwi ngomwinjililo wakuya kwiculu.”

Matalikilo 28:17 Referans Kwoze

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

Shikushimikila 5:1

Kamucenjela ndyemuya muŊanda yakwe Lesa. Ncibotu kuya kuŊanda yakwe Lesa mukwiiya kwiinda kuya mukubenga milambu bucita baluya bateshi cibotu acibiibi.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Luka 2:9

Mpeeke munjelo wa Mwaami Lesa wakaboneka kuli mbabo, lyalo bakaloonda abuumbi mukwiinga mpobakalinga kushiite pakaboolabo tuu kubulemu bwakwe Lesa.

2 Makani 5:14

Mpeeke bapailishi bakaalilwa kucita mulimo wabo mukwiinga muŊanda yakwe Lesa mwakesula likumbi lya bulemu bwa Mwaami Lesa.

Boomboloshi 13:22

Mpeeke Manowa wakaambila mukaakwe ayi, “Ncakwiila tutoofwa ceebo twaboona Lesa.”

Matalikilo 28:22

Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?

Bene Ebulu 10:21

Tulicite Mupailishi Munene weendelesha Ŋanda yakwe Lesa ya kwiculu.

Luka 8:35

Lyalo bantu bakesa mukubona cakacitika. Ndibakashika bakacana musankwa Jesu ngwaakakusha bashikaswa ulishiite muliimfwa lyakwe, kaafwete, amaano kaakwenebo kabotu. Lyalo bantu bakaloonda.

Mateyo 17:6

Ono bashikwiiya ndibakanyumfwa boobo, bakaloonda abuumbi cakwaamba ayi bakawa bufubeme.

Kulumbaisha 68:35

Lesa uyu, ee, Lesa wa bene Isilaeli ulaloondesha abuumbi ndyaaba muŋanda yakwe Isalalite. Ono ulapa nkusu abulemu kubantu bakwe. Aalumbaishikwe Lesa!

Matalikilo 28:18

Jakobo wakabuka macuunsa bushiku bwakaboolaawo, wabwesa libwe ilyo ndyaakataaminaawo akuliimika kwaamba ayi libe ciibalusho. Kuswawaawo wakapuumwitawo mafuta a olifi ayi libe lisalalite kuli Lesa.

Kulonga 3:5

Lesa wakamwaambila ayi, “Imikana peenkaapo. Fuula nkwabilo shako mukwiinga pamusena apo mpooimfwi palisalalite.