15 Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”
Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.
Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.
Balaakukulwana sombi teshi bakakukomeewo ceebo ndi awebo alimwi ndanookufuna. Nebo neMwaami Lesa ndaamba.”
Anu amuyume akulishoma. Mutabaloondi nabi kututuma ceebo Mwaami Lesa, Lesa wanu unanooli amwebo. Teshi akamushiyeewo nabi kumusuula.”
Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”
Lyalo Mwaami Lesa wakamwaambila ayi, “Koya kucishi ca bamashali bako bakulukulu, kubeshikamukowa bako. Nebo ndanooli awebo.”
Kala muno, alimwi ndanooli awebo akukupa coolwe. Ndaakupa cishi coonse ici kuli ndiwe abamulunyungu lwako. Ndaakucita kweelana ambondakalasha iso Abulaamu.
Liculu alimwi acishi ca panshi shilaakumana, sombi maswi angu teshi akamaneewo, sobwe.
Mukwiinga apo pabungana bantu bobilo nabi botatwe muliina lyangu, anebo mpoondi pali mbabo.”
Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.
Mwaami Lesa, Lesa wesu aabe aswebo bweenka mbwaakalinga abamashali besu bakulukulu. Atatushiyi cisuukila nabi kutusuula.
Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.
Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”
Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.
Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.
Lyalo Jakobo wakaambila Josefu ayi, “Ndi pafwaafwi kufwa. Nacibi boobo Lesa unanooli awebo akukuboosha kucishi ca bamashali bako bakulukulu.
Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.
Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.
Mpomunyaawo Mwaami Lesa wakamwaambila ayi, “Ndaakunooli andiwe, ulaakubacaya bene Midyani boonse cakufwambaana anga ngumuntu womwibo.”
Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.
Sombi Mwaami Lesa wakalinga aJosefu alimwi wakamupa coolwe, cakwaamba ayi shintolongo wakakondwa buumi bwakwe.
Mwaami Lesa wakalinga aJosefu alimwi wakamulengesha kuswitilila. Wakalinga kwikala muŋanda ya mwaami wakwe mwine Ijipiti,
Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”
Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”
Mpomunyaawo Jakobo wakapaila ayi, “Lesa wa bakaapa baAbulaamu alimwi abaIsaki bata, amunkutike! Nkambo, mwakandwiita ayi mpiluke kucishi cine misheesu alimwi kuli beshikamukowa bangu. Mwakaamba ayi mulaakunyenshela kabotu shintu shoonse.
Ntooya awebo kuIjipiti, alimwi bamulunyungu lwako ndaakubaboosha kucishi cino. Josefu ulaakunooliiwo waakufwa.”
Lesa wakalinga amwaana uyo mukukula kwakwe. Mwaana uyo wakakulila muluyanga lwa Palani akuba shikufwima ucibwene.
Mpeeke wakabaambila ayi, “Ndaboona kwaamba ayi baishiwanu batalika kunshinamina ubo buteshi mbobakalinga pakataanshi. Nacibi boobo Lesa wa bata walinga anebo.
Ndime Lesa uyo wakaboneka kuli ndiwe kuBetelo uko nkowakeemika libwe ayi cibe ciibalusho akulipuumwita mafuta a olifi. Alimwi nkokooko nkowakashomeshesha cakulumbila kuli ndime. Ono libambile kupiluka kucishi nkowakashalilwa.’ ”
Tutooswaako kuno akuya kuBetelo uko nkweshi nkayakile Lesa cipaililo, uyo wakancafwa muciindi ca makatasho alimwi uyo wakalinga anebo kuli koonse nkondakaya.”
“Mwaami Lesa ulaakumutola mucishi ca bene Kenani, ico ncaakashomesha ndimwe alimwi abamashali banu bakulukulu cakulumbila ayi ndaakumupa,
‘Mwaami Lesa aamupe coolwe akumulama.
Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.
lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.
Mwaami Lesa mwiine ngweshi anookutanjilila alimwi unanooli awebo. Teshi akakushiyeewo nabi kukusuula. Aboobo tooelete kuloonda nabi kutyongola.”
Josefu ndyaakashalwa Jakobo wakaambila Labani ayi, “Amunsuminishe ono mboolele kumisheesu.
ndaakwiibaluka cipangano cangu capali Jakobo, Isaki alimwi aAbulaamu. Lyalo ndaakulasha kupa bantu bangu cishi kweelana ambondakabalasha kataanshi.
Ndaakwiibaluka cipangano ico ncendakapanga abamashali babo bakulukulu, ndindakabonesha nkusu shangu kumishobo yoonse kwiinda mukukusha bantu bangu mucishi ca Ijipiti ayi nebo inga ndaba Lesa wabo. Nebo ndime Mwaami Lesa.”
Lyalo Lesa ulaakutuma baanjelo bakwe ayi bakakulaame, ncakwiila balaakunookutabilila koonse nkweshi ukaye.
Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi cakumatwa amushishi shimwi shoonse nshaakabatandilaamo.’ Balaakunoocita boobo ceebo ndaakubapilusha mucishi ico ncendakapa bamashali babo bakulukulu. Nebo neMwaami Lesa ndaamba.”