Matalikilo 28:13 - Baibo Busansulushi Bwa Libuku Ili

¹³ Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

Matalikilo 28:13 Referans Kwoze

Matalikilo 13:15

Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.

Matalikilo 48:3

Jakobo wakaambila Josefu ayi, “Lesa Shinkusu shoonse wakaboneka kuli ndime kuLusi mucishi ca Kenani akumpa coolwe.

Matalikilo 35:12

Ndaakukupa cishi ncendakapa Abulaamu aIsaki alimwi ndaakucipa abamulunyungu lwako webo waakufwa.”

Matalikilo 26:24

Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Matalikilo 35:1

Lesa wakaambila Jakobo ayi, “Bulya onoono koya kuBetelo ukekaale nkuko. Ukanjakile cipaililo uko, neLesa uyo wakaboneka kuli ndiwe ndiwakalinga kucica nandumi yako Esau.”

Bene Ebulu 11:16

Sombi cishi ncebakalinga kulangila cakalinga kwiindaawo kubota, cishi ca kwiculu. Aboobo, Lesa taanyumfwi nsoni pakumwiita ayi Lesa wabo ceebo ngowakabayakila andabala inene.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Mateyo 22:32

‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’ Nkokwaamba ayi teshi Lesa wa bafu, sombi nguLesa wa boomi.”

Matalikilo 46:3

Lyalo Lesa wakaamba ayi, “Ndime Lesa, Lesa wa baiso, utaloondi kuya kuIjipiti. Bamulunyungu lwako ndaakubalengesha kuba mishobo inene uko kweenka.

Matalikilo 35:17

Mumala ndimwakashinisha kunyona, shikutumbusha wakaamba ayi, “Mutaloondi baLakelo ngumusankwa alimwi.”

Matalikilo 32:9

Mpomunyaawo Jakobo wakapaila ayi, “Lesa wa bakaapa baAbulaamu alimwi abaIsaki bata, amunkutike! Nkambo, mwakandwiita ayi mpiluke kucishi cine misheesu alimwi kuli beshikamukowa bangu. Mwakaamba ayi mulaakunyenshela kabotu shintu shoonse.

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

Matalikilo 28:4

Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”

Matalikilo 26:3

Kala muno, alimwi ndanooli awebo akukupa coolwe. Ndaakupa cishi coonse ici kuli ndiwe abamulunyungu lwako. Ndaakucita kweelana ambondakalasha iso Abulaamu.

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Milimo ya Batumwi 7:5

Paciindi ico Lesa kaatana kumupa cishi naciceyi, sombi wakamushomesha ayi ulaakupa cishi ici kuli nguwe alimwi alunyungu lwakwe nakubi kwaamba ayi taakalinga kucite mwaana.

Kulumbaisha 105:11

Wakaamba ayi, “Ndaakukupa cishi ca Kenani kwaamba ayi cikabe caako.”

Matalikilo 35:15

Mpomunyaawo wakatumbaawo ayi Betelo.

Matalikilo 13:17

Ono koya ucishinguluke cishi coonse ici mukwiinga ntookupa coonse.”

Matalikilo 15:18

Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,

Matalikilo 31:5

Mpeeke wakabaambila ayi, “Ndaboona kwaamba ayi baishiwanu batalika kunshinamina ubo buteshi mbobakalinga pakataanshi. Nacibi boobo Lesa wa bata walinga anebo.

Matalikilo 31:13

Ndime Lesa uyo wakaboneka kuli ndiwe kuBetelo uko nkowakeemika libwe ayi cibe ciibalusho akulipuumwita mafuta a olifi. Alimwi nkokooko nkowakashomeshesha cakulumbila kuli ndime. Ono libambile kupiluka kucishi nkowakashalilwa.’ ”

Matalikilo 31:53

Lesa wakwe Abulaamu alimwi aNawoli ulaakoombolosha pakati kesu.” Lyalo muliina lyakwe Lesa uyo Isaki, ishi ngwaakalinga kulambila, Jakobo wakashomesha cakulumbila ayi ulaakulama cipangano ici.

Kulonga 2:24

alakwe wakabanyumfwa akwiibaluka cipangano cakwe kuli Abulaamu, Isaki alimwi aJakobo.

Kulonga 4:5

Mwaami Lesa wakaamba ayi, “Anu ukacite bobulya kubene Isilaeli kwaamba ayi bakashome ayi Mwaami Lesa, Lesa wa bamashali babo bakulukulu, Lesa wakwe Abulaamu, Isaki alimwi aJakobo, wakaboneka kuli ndiwe.”

Kulonga 6:4

Alimwi ndakapanganaabo ayi ndaakubapa cishi ca Kenani, umo mobakalinga kwikala anga mbaswamashi.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 9:5

Teshi kwaamba ayi muli bantu kabotu alimwi mulacita shiluleme Mwaami Lesa ncaatoomusuminishila kubwesa cishi cabo. Ulaakubatandaamo ceebo mbamucita shibi alimwi ceebo ulisuni kulama cipangano ncaakashomesha bamashali banu bakulukulu, nkokwaamba ayi Abulaamu, Isaki alimwi aJakobo.

Dutolonomi 34:4

Kuswawaawo Mwaami Lesa wakaambila Mose ayi, “Cilya ncecishi ncendakashomesha Abulaamu, Isaki aJakobo ayi ndaakupa bamulunyungu lwabo. Ndakubonesha, sombi teshi ukalyateemo napaceyi.”

Amosi 7:7

Mbulya Mwaami Lesa mbwaakambonesha mucili anga nciloto. Muli ncico ndakamubona kaaimfwi kufwaafwi alubumbu ulo lwakayakwa mukusebensesha ntambo. Wakalinga kucite antaambo yakuyakisha mulyaansa lyakwe.

Matalikilo 32:10

Nebo nsheeleteewo ankuumbu shoonse nshimwakabaasho akushomeka nkomwantondesha nemusebenshi wanu. Ndakasubuka mulonga wa Joodani kaantaciteewo kantu nakaceyi sombibo nkoli, ono ndapiluka amakoto obilo aya.

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

1 Makani 16:16

Ulaakulama cipangano ncaakapanga aAbulaamu, kushomesha nkwaakalumbila kuli Isaki.

1 Makani 16:18

Wakaamba ayi, “Ndaakukupa cishi ca Kenani kwaamba ayi cikabe caako.”

Esekelo 28:25

Mwaami Lesa Shinkusu shoonse waamba ayi, “Ndaakubunganya bene Isilaeli kuswa mumishobo iyo njendakabapalanganishilaamo. Ndaakulitondesha ayi ndisalalite pakati kabo pameenso a mishobo imwi. Kuswawaawo balaakunookala mucishi cabo ico ncendakapa musebenshi wangu Jakobo.