Matalikilo 27:14 - Baibo Busansulushi Bwa Libuku Ili

¹⁴ Aboobo wakaya waleta tupongo kuli mbabo, mpeeke bakateleka cakulya cibotu ceenka baishi ncebasunishi.

Matalikilo 27:14 Referans Kwoze

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

Kulumbaisha 141:4

Mutalekeli moyo wangu kusuna shibiibi. Mutandekeleshi ayi ncite shibiibi pantu pomwi abamucita shibi. Ee, kutandekelesha ayi ndye shilyo shabo shapakusekelela kwabo.

Matalikilo 27:31

Alakwe wakateleka cakulya cilya cibotu akutola kuli baishi. Mpeeke wakabaambila ayi, “Ta, amubuke mulyeeko nyama ya muluundu kwaamba ayi mumpe coolwe canu.”

Matalikilo 27:17

Mpomunyaawo wakamupa cakulya cibotu cilya pantu pomwi ashinkwa ngobakapanga.

Matalikilo 27:9

Koya kulitanga lya mpongo usale tupongo twaana tobilo twiinite kwaamba ayi nteleke akubamba cakulya cilya ncebasuni bunene baiso.

Matalikilo 27:7

‘Undetele nyama akumambila cakulya cilya cibotu. Ndamana kulya ntookupa coolwe pameenso aMwaami Lesa kaantana kufwa.’ ”

Matalikilo 27:4

Utelekeewo cakulya cilya cibotu ico ncensuni, undetele. Ndamana kulya ntookupa coolwe cakweelaako kaantana kufwa.”

Matalikilo 25:28

Isaki wakalinga kusunishi Esau ceebo wakalinga kusuni kulya tunyama ntwaakalinga kucaya, sombi Labeka wakalinga kusunishi Jakobo.

Matalikilo 27:13

Banyina bakakumbula ayi, “Omwanaangu, lishingo lili lyoonse alise pali ndime. Citabo mbondakwaambila, uye undetele tupongo.”

Matalikilo 27:15

Lyalo wakabwesa shakufwala shiindaawo kubota shakwe Esau mwanaakwe musankwa munenebantu, isho nshaakalinga kusungite muŋanda, akufwalika Jakobo mwanikebantu.