Matalikilo 24:3 - Baibo Busansulushi Bwa Libuku Ili

³ Ndisuni kwaamba ayi ushomeshe cakulumbila muliina lya Mwaami Lesa, Lesa wa kwiculu acishi ca panshi ayi teshi ukeebele mwanaangu pabanakashi ba momuno muKenani.

Matalikilo 24:3 Referans Kwoze

1 Bene Kolinto 7:39

Mwanakashi uleendeleshekwa amulawo wa ibaye kulilabo kaali muumi ibaye uyo. Nakubi boobo ibaye na wafwa mwanakashi inga weebwa kumusankwa uli woonse ngweenga kaasuni. Ono musankwa uyo ulyeelete kuba mushomi.

Neyemiya 13:25

Lyalo ndakabakalalila, kubashingana, bamwi ndakabooma akubanonkoola misusu. Ndakabaambila ayi bashomeshe cakulumbila ayi balo abana babo teshi bakacibooshewo kweebana abaswamashi.

Matalikilo 28:8

Ono Esau wakeshiba ayi baishi tebakalinga kunsuni banakashi bene Kenani.

Jelemiya 10:11

Balwiite makani aya akwaamba ayi, “Balesa abo batakwe kulengako liculu acishi ca panshi, balaakunyonyoolwa. Teshi bakabonweewo tubili mucishi ca panshi coonse.”

2 Baami 19:15

akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Kulonga 34:16

Ono bana banu inga baakweeba banakashi baswamashi abo beenga babakusha kuli ndime, akutalika kulambila balesa babo.

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

2 Makani 2:12

Aalumbaishikwe Mwaami Lesa, Lesa wa bene Isilaeli wakalenga liculu acishi ca panshi! Wapa mwaami Defedi mwaana musongo, uswite lushibo mumilimo iinji, uyo utooyanda kutalika kumuyakila Ŋanda alimwi akuliyakila ŋanda ya bwaami.

Joshuwa 2:12

Pacecino ciindi, ndamusenga ayi mushomeshe cakulumbila muliina lya Mwaami Lesa ayi mulaakunyumfwila nkumbu bamakwesu bweenka mbondamucitila, alimwi mumpe cishibilo cakwaamba ayi

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Shakubelenga 5:21

Mwaami Lesa akushingane pakati ka bene mishaanu. Aalengeshe ayi bwanakashi bwako bunyane alifumo lyako kushimba.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Matalikilo 50:25

Lyalo Josefu wakasenga bamakwabo, bana bakwe Isilaeli, ayi balumbile. Wakaamba ayi, “Amunshomeshe kwaamba ayi Lesa akumutanjilila kumutola kucishi ico, mulaakutolelela amafuwa angu.”

Matalikilo 27:46

Labeka wakaambila Isaki ayi, “Bamakaakwe Esau baswamashi bandemya. Na Jakobo alakwe akeebe womwi pakati ka banakashi bene Iti, anu anebo ncibotu kufwabo.”

Matalikilo 21:23

Ono amushomeshe cakulumbila kuli Lesa kwaamba ayi teshi mukacenjeekeewo ndime, bana bangu, nabi bamulunyungu lwangu. Ndashomeka kuli ndimwe, amwebo amushomeshe ayi munanooshomeka kuli ndime alimwi akucishi cino umo momutekwikala.”

Matalikilo 14:19

Wakapa coolwe Abulamu akwaamba ayi, “Lesa wakwiculu Wiindaawo, uyo wakalenga liculu acishi ca panshi, ape coolwe Abulamu.

Matalikilo 6:4

Munshiku isho akunembo, kwakalinga basankwa abanakashi bapolomene pacishi ca panshi abo bakashalwa kubanakashi bakeebwa kubana bakwe Lesa. Mbobaabo bakalinga kupukite kuciindi ca nkondo alimwi bakalinga nshenkalakata shiindaawo.

Matalikilo 6:2

Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.

Bene Ebulu 6:16

Bantu balalumbila muliina lya muntu wiinda pali mbabo, paceebo ceeco, kulumbila kwancinencine kwa mushobo wooyu, kulamanisha shimpikisha shoonse pakati kabo.

Sefaniya 1:5

Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Isaya 65:16

Lyalo woonse weshi akasenge coolwe mucishi ico, ulaakucita boobo muliina lyangu, nebo neLesa utabeci. Alakwe uyo weshi akashomeshe cakulumbila mucishi ico, ulaakulumbila muliina lyangu, nebo neLesa utabeci. Ceebo mapensho oonse akulukulu alaakulubwa alimwi teshi akabonekeewo tubili mumeenso angu.”

Isaya 48:1

Amukutike makani aya mwebo nobamulunyungu lwakwe Jakobo. Amukutike mwebo nomwaambwa ayi bene Isilaeli, mwebo nobamulunyungu lwakwe Juda, ee, mwebo nomusebensesha liina lya Mwaami Lesa pakushomesha cakulumbila. Amukutike mwebo nomupaila muliina lyakwe Lesa wa bene Isilaeli, sombi kuteshi mulushinisho nabi mukululama.

Isaya 45:23

Ndashomesha cakulumbila muliina lyangu nemwiine. Mulomo wangu waamba cakushinisha, kwaamba maswi eshi akabule kusandulwaawo akwaamba ayi, ‘Linungo lya muntu woonse lilaakufukama kunembo lyangu alimwi mulomo wa muntu womwi awomwi ulaakunoolumbila muliina lyangu.’

Kulumbaisha 115:15

Aamupe coolwe Mwaami Lesa uyo wakalenga liculu acishi ca panshi.

1 Samwelo 20:17

Lyalo kwiinda mulusuno Jonasani wakalengesha Defedi kushomesha cakulumbila pacipangano cabo alimwi, mukwiinga wakalinga kumusuni bweenka mbwaakalinga kulisuni mwiine.

Bene Lefi 19:12

Mutanoolumbila muliina lyangu na ulishi ayi teshi ukacite cintu ico, ceebo na wacita boobo, nkucobola liina lyangu. Nebo ndime Mwaami Lesa wanu.

Kulonga 22:11

uyo muntu walinga kulama ulyeelete kuya kumusena wakunambililaako neMwaami Lesa akwaamba pameenso angu ayi teshi ngowakeepa cifubwa ca mubye. Na cifubwa ico tacikwe kwiipwa, mwine cifubwa ulyeelete kusumina ayi cakasowekabo. Aboobo uyo wakalinga kumulaminaako teelete kulipila.

Matalikilo 14:22

Abulamu wakakumbula ayi, “Ndashinisha pameenso aMwaami Lesa wakwiculu Wiindaawo, mulengi wa liculu acishi ca panshi,

Matalikilo 24:7

Mwaami Lesa, Lesa wa kwiculu uyo wakankusha muŋanda ya bata mucishi cine misheesu alimwi uyo wakaamba kuli ndime wakashomesha cakulumbila ayi, ‘Bamulunyungu lwako ndaakubapa cishi ici.’ Ulaakutuma munjelo kootana kushika kulya kwaamba ayi ukakonshe kucanina mwanaangu, mwanakashi wakweeba.

Matalikilo 28:1

Isaki wakeeta Jakobo, wamwaansha, akumwaambila ayi, “Utakeebi mwanakashi mwine Kenani.

Matalikilo 47:31

Mpomunyaawo Jakobo wakaamba ayi, “Shomesha cakulumbila ayi ulaakucita ubo.” Josefu wakashomesha cakulumbila. Lyalo Jakobo wakalumba kaali pabulo bwakwe.

Boomboloshi 14:3

Lyalo baishi abanyina bakamukumbula ayi, “Sa taaku mwanakashi wa mumukowa wesu nabi pakati ka bantu bene misheesu ngweenga weeba? Ceebonshi ulisuni kweebela kubene Filisiti bantu batashomi Mwaami Lesa?” Sombi Samusoni wakabaambila ayi, “Nebo ngomwanakashi ngoonsuni ayi munjebele ceebo ngowankonda.”

Kulumbaisha 136:26

Amulumbe Lesa wa kwiculu, ee, mukwiinga lusuno lwakwe ndwamuyayaya.

Matalikilo 34:9

Atusuminishanye kwaamba ayi kube kweeba akweebesha pakati ka bantu besu abene mishaanu.

Matalikilo 38:2

Uko Juda wakakumanya mwanakashi mwine Kenani mwanaakwe Shuwa. Wakamweeba akukumanaakwe.

1 Samwelo 30:15

Mpomunyaawo Defedi wakeepusha ayi, “Sa inga wantoola kubete likoto lya bashilumamba ilyo ndiwakalingaalyo?” Alakwe wakakumbula ayi, “Inga ndamutola nkolibete na mwanshomesha cakulumbila muliina lyakwe Lesa ayi teshi muye mukancaaye nabi kumboosha kumwaami wangu.”

Esila 5:11

“Ono bakatukumbula ayi, ‘Tuli basebenshi ba baLesa ba kwiculu apacishi ca panshi. Tutooyaka alimwi Ŋanda yakwe Lesa iyo kalekale mwaami shinkusu umwi wa bene Isilaeli njaakayaka akumanisha.

Jelemiya 29:6

Amweebe mukashale baana basankwa abanakashi. Mukeebele bana banu basankwa akweebesha bana banu banakashi kwaamba ayi abalo bakashalane. Amushalane mukafuule. Tamweelete kuceya.