Matalikilo 23:4 - Baibo Busansulushi Bwa Libuku Ili

⁴ “Nebo ndimuswamashi ushiitaanu kuno. Amungulisheewo musena mbikeewo bakaangu.”

Matalikilo 23:4 Referans Kwoze

Bene Ebulu 11:9

Kwiinda mulushomo ndomunya, wakekala anga ngumuswamashi mucishi ico Lesa ncaakamushomesha. Isaki aJakobo abo abalo bakatambula kushomesha kwakwe Lesa, bakalinga kwikala mumatente mbuli Abulaamu.

1 Makani 29:15

NoBaami baLesa mulishi kwaamba ayi mubuumi tuli anga mbeensu beendilite bweenka mbocakaba kubamashali besu bakulukulu. Inshiku shesu shili anga nshimfule shitokweenda alimwi lufu tatukoonshi kuluyuba.

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Kulumbaisha 119:19

Ndi mweensu pacishi ca panshi cino, aboobo mutanshishi milawo yanu.

Milimo ya Batumwi 7:5

Paciindi ico Lesa kaatana kumupa cishi naciceyi, sombi wakamushomesha ayi ulaakupa cishi ici kuli nguwe alimwi alunyungu lwakwe nakubi kwaamba ayi taakalinga kucite mwaana.

Kulumbaisha 39:12

Amunyumfwe mupailo wangu noBaami baLesa, amukutike kusenga lucafwo kwangu. Mutapuululi kukulila kwangu, mukwiinga ndi mweensu bweenka mbuli bamashali besu bakulukulu.

Bene Lefi 25:23

“Muunda wanu tooelete kuulishikwa cakutolela limwi ceebo teshi waanu, ngwakwe Lesa. Mwebo mulibo anga mbaswamashi abo mbondakasuminisha kuusebensesha.

Matalikilo 49:30

kuMakipela kwicwe lya Mamule mucishi ca Kenani. Abulaamu wakoola cimfwengo amuunda kuli Efuloni kwaamba ayi abe maanda.

1 Pita 2:11

Nomusunikwi, ntoomusenga cankusu, mbuli beensu bapalangene mucishi ca panshi, amuswe kulunkumbwa lwa mubili ulo lulwana amuuya wanu.

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Shikushimikila 12:5

Ulaakunooloonda kutanta tulundu tulaamfu nabi kuya ceenda mumikwakwa. Ulaakuba amfwi mumutwi kukucembela alimwi cilaakuba ciyumu kweenda kuli ndiwe. Teshi ukanoociteewo nkusu shakucita cili coonse. Muntu ulaakuya kumusena wakwe wamuyayaya alimwi kulaakuba kulila mumikwakwa.

Shikushimikila 6:3

Muntu ulakonsha kuba abaana bali mwaanda akwikala myaaka iinji. Sombi na wabula kusangalala mukuswitilila kwakwe nabi na wabula kulilwa kabotu, nebo ndaamba ayi kafunga nkabotu kwiinda nguwe.

Jobo 30:23

Ndeshiba kale ayi mutoontola kulufu. Ndushinisho mutoontola kuya bantu boonse.

Matalikilo 50:13

Bakanyamuna mubili wakwe, bautola kuKenani akuubika mucimfwengo ca Makipela, kwicwe lya Mamule, mumuunda Abulaamu ngwaakoola kuli Efuloni mwine Iti, kwaamba ayi abe maanda.

Matalikilo 47:9

Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.”

Matalikilo 3:19

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Milimo ya Batumwi 7:16

Mituntu yabo yakatolwa kuShekemu uko nkobakeefukila mushuumbwe isho nshakoola maali Abulaamu kubana bakwe Amo.

Matalikilo 23:5

Balo bakakumbula ayi,

Kulonga 2:22

Wakamushalila mwaana musankwa. Mpomunyaawo Mose wakayeeya mwiine ayi, “Nebo ndi muswamashi mucishi cino, aboobo mwanaangu uyu ntoomutumba ayi Geshomu.”