Matalikilo 23:19 - Baibo Busansulushi Bwa Libuku Ili

¹⁹ Lyalo Abulaamu wakabika mukaakwe mulobe mucimfwengo ico mucishi ca Kenani.

Matalikilo 23:19 Referans Kwoze

Shikushimikila 12:7

Mibili ilaakuboolela kubulongo nkoyakaswa. Awalo muuya ulaakuboolela kuli Lesa wakoobikaamo.

Shikushimikila 12:5

Ulaakunooloonda kutanta tulundu tulaamfu nabi kuya ceenda mumikwakwa. Ulaakuba amfwi mumutwi kukucembela alimwi cilaakuba ciyumu kweenda kuli ndiwe. Teshi ukanoociteewo nkusu shakucita cili coonse. Muntu ulaakuya kumusena wakwe wamuyayaya alimwi kulaakuba kulila mumikwakwa.

Shikushimikila 6:3

Muntu ulakonsha kuba abaana bali mwaanda akwikala myaaka iinji. Sombi na wabula kusangalala mukuswitilila kwakwe nabi na wabula kulilwa kabotu, nebo ndaamba ayi kafunga nkabotu kwiinda nguwe.

Jobo 30:23

Ndeshiba kale ayi mutoontola kulufu. Ndushinisho mutoontola kuya bantu boonse.

Matalikilo 50:25

Lyalo Josefu wakasenga bamakwabo, bana bakwe Isilaeli, ayi balumbile. Wakaamba ayi, “Amunshomeshe kwaamba ayi Lesa akumutanjilila kumutola kucishi ico, mulaakutolelela amafuwa angu.”

Matalikilo 50:13

Bakanyamuna mubili wakwe, bautola kuKenani akuubika mucimfwengo ca Makipela, kwicwe lya Mamule, mumuunda Abulaamu ngwaakoola kuli Efuloni mwine Iti, kwaamba ayi abe maanda.

Matalikilo 47:30

Ndisuni kubikwa kwakabikwa bamashali bangu bakulukulu. Mukanyamune kunkusha muIjipiti akumbika kooko nkobakabikwa.” Mpeeke Josefu wakakumbula ayi, “Ndaakucita bweenka mbomwaamba.”

Matalikilo 3:19

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Matalikilo 23:18

Bene Iti boonse bakalinga palibungano apo bakeshiba ayi muunda ngwakwe Abulaamu.

Matalikilo 23:20

Aboobo muunda uyo wakalinga wa bene Iti, alimwi cimfwengo ico cakalingaamo shakaba shakwe Abulaamu kwaamba ayi shibe maanda.

Matalikilo 37:14

Baishi bakaamba ayi, “Koya ukabone na bamakwanu bali kabotu alimwi mbelele ampongo na shili kabotu. Lyalo ukese ukandwiite.” Mpeeke baishi bakamutuma kuswa mucinyika ca Ebuloni. Josefu wakashika kuShekemu