Matalikilo 22:4 - Baibo Busansulushi Bwa Libuku Ili

⁴ Pabushiku bwatatu, Abulaamu wakaubona musena uyo palaale.

Matalikilo 22:4 Referans Kwoze

1 Bene Kolinto 15:4

Ncakwiila kweelana aMalembo eenka ayo wakabikwa mucuumbwe akubushikwa pabushiku bwatatu.

Luka 13:32

Sombi Jesu wakabakumbula ayi, “Kamuya mukamwaambile uyo ucite maano a busulwe ayi, ‘Ntookusha bashikaswa akushilika bantu sunu aciilo. Ono pabushiku bwatatu ndaakumanisha ncito yangu.’

Mateyo 17:23

abo beshi bakamucaaye, sombi ulaakubushikwa kuswa kubafu pabushiku bwatatu.” Ndibakanyumfwa boobo, bashikwiiya bakwe bakacatwa buumba.

Osiya 6:2

Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.

Esita 5:1

Pabushiku bwatatu bwakulikasha kulya Esita wakafwala shakufwala shakwe sha bwaami akuya mukwiimikana kulubansa lwa mukati lwa ŋanda ya bwaami kaalangite kucipinda cinene ca cuuna ca bwaami. Mwaami wakalinga kushiite pacuuna cakwe kaalangite kumulyango.

2 Baami 20:5

“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.

1 Samwelo 26:13

Kuswawaawo Defedi wakeenda kulubasu lumwi lwa cinyika akwiimikana kantalamukila peculu lya kalundu kamwi. Pakalingabo musena unene pakati kabo.

Joshuwa 1:11

“Beendeemo mumisumba kunoolwiita bantu ayi, ‘Amubambile limwi cakulya. Pabushiku bwatatu kuswa sunu, mulaakusubuka Mulonga wa Joodani, ayi mukabwese cishi ico Mwaami Lesa, Lesa wanu ncaatoomupa.’ ”

Shakubelenga 31:19

Ono mwebo noonse nomwacayawo muntu nabi kukumya mutuntu, mulyeelete kwikala pansengwe lya misumba kwanshiku shosanwe ashobilo. Pabushiku bwatatu abwasanu ashobilo mulyeelete kulisalasha pantu pomwi abanakashi abo mbomwacata.

Shakubelenga 19:19

Ono pabushiku bwatatu apabwasanu ashobilo, muntu usalalite kweelana aMilawo ulyeelete kusanseela maanshi pamuntu uyo utasalalite. Lyalo pabushiku bwasanu ashobilo ulyeelete kumusalasha. Alakwe na wamana kusalashikwa ulyeelete kucapa shakufwala shakwe akusamba pamubili, lyalo ulaba usalalite kweelana aMilawo pakwipila lisuba.

Shakubelenga 19:12

Ulyeelete kulisalasha amaanshi akusalasha pabushiku bwatatu alimwi abwasanu ashobilo, lyalo ndyeenga waba muntu usalalite. Sombi na wabula kulisalasha pabushiku bwatatu abwasanu ashobilo, teshi akanoosalalite.

Shakubelenga 10:33

Ono bantu ndibakaswa kuSinayi, kalundu kasalalite, bakeenda nshiku shotatwe. Libokoshi lya Cipangano lya Mwaami Lesa lyoonse lyakalinga kunembo lyabo kuya cibayandweeta musena wakuyakilaawo.

Bene Lefi 7:17

Nyama yoonse yeenga yacaalaawo kushikila apabushiku bwatatu ilyeelete kutentwa.

Kulonga 19:15

alimwi Mose wakabaambila ayi, “Isona mukanoolibambite alimwi bulya paciindi ici tamweelete kukumana abamakaanu.”

Kulonga 19:11

akulibambila isona. Ceebo ubo bushiku ndaakwisa pakalundu ka Sinayi kwaamba ayi bantu boonse bakamboone.

Kulonga 15:22

Kuswawaawo Mose wakatanjilila bene Isilaeli kuswa kuLweenge Lusalala kuya muluyanga lwiitwa ayi Sheli. Bakeenda nshiku shotatwe muluyanga, sombi tabakwe kucanawo maanshi.

Kulonga 5:3

Mpeeke Mose aAloni bakakumbula ayi, “Lesa wa bene Ebulu waliyubulula kuli ndiswe. Anu amutusuminishe ayi tweende nshiku shotatwe muluyanga ayi tukabenge milambu kuMwaami Lesa, Lesa wesu uyo. Na tubule kucita boobo, utootucaya kumalwashi nabi munkondo.”

Matalikilo 22:3

Macuunsacuunsa bushiku bwakaboolaawo wakatimbula nkuni shakutentesha mulambu, watantika pambongolo yakwe akunyamuna Isaki pantu pomwi abasebenshi bobilo. Bakanyamuka akuya kumusena Lesa ngwaakamulwiita.

Matalikilo 22:5

Mpeeke wakaambila basebenshi bakwe ayi, “Amucaale pano ambongolo. Nebo amwanaangu tutooyookulya mukulambila, tutooboola alimwi.”