Matalikilo 22:3 - Baibo Busansulushi Bwa Libuku Ili

³ Macuunsacuunsa bushiku bwakaboolaawo wakatimbula nkuni shakutentesha mulambu, watantika pambongolo yakwe akunyamuna Isaki pantu pomwi abasebenshi bobilo. Bakanyamuka akuya kumusena Lesa ngwaakamulwiita.

Matalikilo 22:3 Referans Kwoze

Kulumbaisha 119:60

Ndafwambaana kucita kweelana amilawo yanu, ncakwiila nshishingooki napaceyuubo.

Mateyo 10:37

“Uyo woonse usuni baishi nabi banyina kwiinda ndime, taaelete kuba shikwiiya wangu. Uyo woonse usuni mwanaakwe musankwa nabi mwanakashi kwiinda ndime, taaelete kuba waangu.

Luka 14:26

“Muntu uli woonse usuni kuba shikwiiya wangu ulyeelete kusuna ndime kwiinda baishi abanyina, bakaakwe abana bakwe, banandumi abanankashi shakwe, ee, nabi buumi bwakwe mwiine.

Bene Galatiya 1:16

Cakamukonda kunjubulwita Mwanaakwe kwaamba ayi nkashimikile Makani Abotu aamba pali nguwe kubaswamashi bakunsengwe. Nshikwe kuya kumuntu mukwiipusha bwakucita,

Shikushimikila 9:10

Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.

Matalikilo 21:14

Ndibwakaca, Abulaamu wakapa Aga shakulya ankomwi ya cipaya keeswite maanshi. Mpeeke wakabwesa mwaana wamubelekesha akumwaambila ayi anooya. Aga wakanyamuka kaaya ceendaanabo muluyanga lwa Biyasheba.

Matalikilo 17:23

Pabushiku bweenka ubo Abulaamu wakacita bwakamulwiita Lesa akupalula mwanaakwe Ishimaeli alimwi abasankwa bamwi boonse bamuŋanda yakwe, pantu pomwi abasha boonse bakashalilwa muŋanda yakwe alimwi abaabo mbaakoolabo.

Bene Ebulu 11:8

Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.

Matalikilo 22:2

Lesa wakaamba ayi, “Bwesa mwanaako musankwa, mwaana eenkabo ngoocite, uyo ngoosuni abuumbi, uye kucishi ca Moliya. Uko ntookutondesha kalundu mpweshi umubengele ayi ngumulambu kuli ndime.”

Matalikilo 22:4

Pabushiku bwatatu, Abulaamu wakaubona musena uyo palaale.

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Joshuwa 8:10

Mpeeke macuunsacuunsa pabushiku bwakaboolaawo, Joshuwa wakabunganya bashilumamba bakwe. Lyalo lakwe alimwi abamatanjilili ba bene Isilaeli, bakatanjila kunembo akunooya kuAi.

Joshuwa 3:1

Ndibwakaca macuunsacuunsa, Joshuwa alimwi abene Isilaeli boonse bakaswa kuShitimu uko nkobakalinga akuya mukuyaka misumba kuMulonga wa Joodani pakunoolindila kuusubuka.