Matalikilo 22:17 - Baibo Busansulushi Bwa Libuku Ili

¹⁷ Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Matalikilo 22:17 Referans Kwoze

Matalikilo 15:5

Mwaami Lesa wakatola Abulamu pansengwe akwaamba ayi, “Langilisha mwiculu alimwi weeleshe kubelenga nyenyeenshi. Ncakwiila ulaakuba abamulunyungu lwako baanji anga ninyenyeenshi.”

Jelemiya 33:22

Ndaakufusha bamulunyungu lwa musebenshi wangu Defedi abapailishi ba mumukowa wakwe Lefi cakwaamba ayi balaakunokwaala akubelengekwa bweenka mbocaala kubelenga nyenyeenshi mwiculu nabi museese wa muloombe lwa lweenge.”

Matalikilo 13:16

Ndaakukupa baana baanji cakwaamba ayi taaku eshi akakonshe kubabelenga. Nkokwaamba ayi na muntu wakonsha kubelenga museese, inga wakonsha kubelenga abamulunyungu lwako.

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Matalikilo 24:60

Mpeeke bakapa coolwe Labeka mumaswi akwaamba ayi, “Onankashi yesu, koya ukashale shuulu ashuulu. Bana bako abakakonshe kukoma mandabala anene a balwani babo.”

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Dutolonomi 1:10

Mwaami Lesa, Lesa wanu wamufusha anga ninyenyeenshi shili mwiculu.

Matalikilo 32:12

Amwiibaluke kwaamba ayi mwakandasha ayi mulaakunyenshela shintu shoonse kabotu akumpa bamulunyungu abo muntu mbaatakoonshi kubelenga, nkokwaamba ayi baanji anga ngumuseese wa muloombe lwa lweenge.”

1 Bene Kolinto 15:57

Sombi aalumbwe Lesa wakalengesha ayi tukome kwiinda muMwaami wesu Jesu Klistu.

Jelemiya 32:22

Kuswawaawo mwakabapa cishi ici muli bubile abulongo bubotu kweelana ambomwakashomesha bamashali babo bakulukulu.

Mika 1:9

Cilonda ca ndabala inene ya Samaliya tacishilikiki. Ono cishi ca Juda citooyanda kuba acilonda ca mushobo womwi. Ncakwiila cashika apamwinjililo wa bantu bangu, ee, cashika akundabala inene ya Jelusalemu iine.”

1 Baami 9:26

Mwaami Solomoni wakapanga amaato kuEsiyoni Geba, ndabala iyo ili kufwaafwi aElati, muloombe lwa Lweenge Lusalala, mucishi ca Edomu.

Dutolonomi 21:19

baishi abanyina balyeelete kumutola kubamaloba mukumoombolosha mundabala njeekalaamo.

Matalikilo 28:3

Lesa Shinkusu shoonse aakape coolwe cikwati cako akukupa baana baanji kwaamba ayi ukabe mushali mukulukulu wa mishobo iinji!

Matalikilo 17:6

Ndaakukupa bamulunyungu lwako baanji cakwaamba ayi bamwi balaakuba bamaami. Bamulunyungu lwako balaakufula cakuba mishobo iinji.

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Bene Loma 4:13

Lesa wakashomesha Abulaamu abamulunyungu lwakwe kwaamba ayi cishi cilaakuba cabo. Ici tacikwe kucitika ceebo Abulaamu wakakonkela Milawo, sombi mukwiinga wakashoma Lesa. Aboobo Lesa wakamubona ayi uliluleme.

Bene Loma 9:27

Alakwe Isaya mulaluki mukulukulu wakaamba cankusu pabene Isilaeli ayi, “Nakubi kwaamba ayi bene Isilaeli mbaanji anga ngumuseese uli muloombe lwa lweenge, sombi mbaniini beshi bakapulushikwe.

Bene Ebulu 6:14

Wakaamba ayi, “Ndashomesha ayi ndaakukupa coolwe alimwi akufusha bamulunyungu lwako.”

Bene Ebulu 11:12

Nakubi kwaamba ayi Abulaamu wakalinga anga ngumuntu ufwite, mumuntu womwi uyu mwakaswa bamulunyungu lwakwe baanji anga ninyenyeenshi sha mwiculu alimwi anga ngumuseese wa muloombe lwa lweenge.

Matalikilo 25:11

Abulaamu ndyaakafwa, Lesa wakapa coolwe abuumbi Isaki mwanaakwe, uyo wakalinga kwikala pafwaafwi aMukalo wa Wooyo Muumi Umbona.

Matalikilo 26:24

Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”

Matalikilo 28:4

Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”

Dutolonomi 10:22

Bamashali banu bakulukulu ndibakaya kuIjipiti bakalingabo makumi osanwe aobilo. Sombi bulya Mwaami Lesa, Lesa wanu wamufusha anga ninyenyeenshi mwiculu.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

1 Makani 27:23

Mwaami Defedi taakwe kubelenga bantu bakalinga kucite myaaka makumi obilo akwisa panshi mukwiinga Mwaami Lesa wakabashomesha ayi ulaakufusha bene Isilaeli anga ninyenyeenshi mwiculu.

2 Makani 1:9

Ono noBaami baLesa, baLesa bangu, amucite kweelana ambomwakashomesha bata. Mwanengesha kuba mwaami wa bantu aba baanji anga ngumuseese.

Osiya 1:10

“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’

Matalikilo 32:13

Jakobo wakoona apo. Lyalo bushiku bwakaboolaawo wakabambila Esau mukwabo cipo. Wakapatula

Kulonga 32:13

Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”

Dutolonomi 1:11

Ono Mwaami Lesa wa bamashali banu bakulukulu, aamufuushe mankanda cuulu kwiinda mbomubete akumusumpula kweelana ambwaakashomesha!

Dutolonomi 13:18

kulilabo na mukanookonkela milawo yakwe yoonse iyo njendamulwiita sunu alimwi akucita nshaasuni.

2 Samwelo 17:11

Nebo muyeeyo wangu ngwakwaamba ayi mubunganyebo beene Isilaeli boonse kuswa kuDani tibili akuBiyasheba, kwaamba ayi bafule anga ngumuseese wa kuloombe lwa lweenge. Lyalo mwebo nobeene mubatanjilile kuya kunkondo.

1 Baami 4:20

Bene Juda abene Isilaeli bakafula anga ngumuseese wa kuloombe lwa lweenge. Bakalinga kulya akunwa, alimwi bakalinga kusangalete.

Neyemiya 9:23

Mwakalengesha baana babo kufula anga ninyenyeenshi mwiculu alimwi mwakabalengesha kukoma cishi ico ncemwakashomesha kupa bamashali babo bakulukulu.

Isaya 48:19

Bamulunyungu lwanu naakwiinga bakafula anga ngumuseese, ncakwiila bana banu naakwiinga taaku ukonsha kubabelenga. Aalo meenaabo naakwiinga taaloobi, ee, naakwiinga taashiminganishikwi kunembo lyangu.”

Osiya 2:1

Bene Isilaelinyoko basankwa kobatumba ayi, ‘Bantu bangu’ abalo banakashi ayi, ‘Basunikwi bangu.’