Matalikilo 21:6 - Baibo Busansulushi Bwa Libuku Ili

⁶ Saala wakaamba ayi, “Lesa wanengesha nseko. Boonse beshi bakanyumfwe cikani ici balaakuseka anebo.”

Matalikilo 21:6 Referans Kwoze

Isaya 54:1

Ono Mwaami Lesa waamba ayi, “Olobesha cakusangalala webo Jelusalemu ee, webo ooli anga ngumwanakashi ŋumba. Imba nyimbo akoolobesha cakukondwa webo nootana kunyumfwawo mwaana mbwaanyona. Ceebo baana ba mwanakashi wakashiiyikwa kuli ibaye mbaanji kwiinda ba wooyo uli aibaye.

Kulumbaisha 126:2

Twakasekelela abuumbi. Twakeemba cakusangalala. Mishobo imwi yakatalika kwaamba ayi, “Mwaami Lesa wabacitila shintu shinene.”

Matalikilo 17:17

Abulaamu wakafukama akushisha ciwa panshi, sombi wakatalika kuseka ndyaakayeeya ayi, “Sa musankwa ulakonsha kuba amwaana na waba amyaaka ili 100? Sa Saala inga washala mwaana bulya mbwaashisha myaaka ili 90?”

Luka 1:58

Bashimukobonyina abamakwabo ndibakanyumfwa mbuli Lesa mbwaakacitila nkumbu shiinji Lisabeti bakasekelela pantu pomwi anguwe.

Luka 1:14

Ulaakukondwa akusangalala alimwi abantu baanji abalo balaakusekelaamo ceebo cakushalwa kwakwe.

Isaya 49:21

Lyalo mulaakulyaamboosha mumyoyo yanu ayi, ‘Ngani wakanshalila baana boonse aba? Ndakalinga ndaba anga ndafwitwa baana boonse alimwi anga nshishali. Ndakalinga ndatandaanishikwa muno mumisheesu akukakwa. Ino ono wakaleta baana boonse aba ngani? Ncakwiila ndakalinga ndacaalabo neenka, ino aba boonse baswa kuli?’ ”

Kulumbaisha 113:9

Lakwe ngoopa baana kuŋumba muŋanda yakwe, ee, akumulengesha kusangalala kwiinda mukumupa baana. Amulumbaishe Mwaami Lesa!

Bene Loma 12:15

Amusangalale abaabo basangalete alimwi mulile abaabo batoolila.

Bene Ebulu 11:11

Ndushomo lwakalengesha ayi Abulaamu abe amwaana musankwa, nakubi kwaamba ayi wakalinga wacembela abuumbi alimwi alakwe Sala wakalinga wacembelabo kaatacitewo mwaana. Abulaamu wakashoma ayi Lesa ulaakucita kweelana akushomesha kwakwe.

1 Samwelo 1:26

Lyalo Aana wakamwaambila ayi, “Nkambo, sa mwanyingashila? Ndime walutundu ulya ngomwakabona kaaimfwi apa, kaapaila kuMwaami Lesa.

Isaya 49:15

Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!

Jelemiya 20:15

Aashinganwe musankwa wakatola nkombe kuli bata, ndushinisho muntu uyo wakabasangalasha mukubalwiita ayi, “Kwashalwa mwaana musankwa!”