Matalikilo 20:6 - Baibo Busansulushi Bwa Libuku Ili

⁶ Lyalo Lesa wakamwaambila muciloto ayi, “Ee ndishi kwaamba ayi ici wakacicita amiyeeyo iluleme. Aboobo ndakulama kwaamba ayi utabishi pameenso angu kwiinda mukumushika pamubili.

Matalikilo 20:6 Referans Kwoze

1 Samwelo 25:34

Sombi ndalumbila Mwaami Lesa, Lesa wa bene Isilaeli wanciba ayi ntabi amulandu wakutila bulowa, ayi bweenka mbocibete lushinisho ayi ngumuumi, nootakwe kufwambaana kuncinsha, taaku mwanaakwe Nabali musankwa wakalinga kweelete kunoociliiwo kushika ciilo macuunsa.”

1 Samwelo 25:26

Ono ceebo cakwaamba ayi nobaami bangu Mwaami Lesa wamulengesha ayi mutabooshi cishole akutaba amulandu wakucaya muntu, ndalumbila ayi bweenka mbocibete lushinisho ayi Mwaami Lesa ngumuumi alimwi amwebo mbomuli boomi, boonse batoopinga kumucisa bakapekwe mulandu mbweenka mbuli Nabali ibaangu.

Tushimpi 21:1

Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.

Matalikilo 35:5

Jakobo abana bakwe ndibakalinga kunyamuka, bantu ba mumandabala akalinga pafwaafwi bakanyumfwa boowa buswa kuli Lesa. Aboobo tabakwe kubakonkela ayi babalwaane.

Matalikilo 31:7

Ono bakancenjeeka akusandula malipilo angu mankanda likumi. Sombi Lesa taakwe kubasuminisha ayi banciise.

2 Bene Tesalonika 2:7

Bulya bantu batoocita kale bubi alimwi inga twabushibabo ceebo ca sheesho nshaakayubulula Lesa. Sombi uyo utoolengesha ayi butacitiki patuba utootolelela kucita boobo kushikila Lesa akamukusheewo.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Kulonga 34:24

Na nkamane kutanda mishobo iyo kunembo lyanu alimwi akukomenyako cishi canu, taaku nabi womwi ngweshi akeeleshe kukoma cishi canu paciindi cakusekelela uko kucitwa mankanda otatwe.

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Kulumbaisha 81:12

Lyalo ndakabaleka acimpamya cabo. Ndakabaleka ayi bakonkele nshila shabo.

Kulumbaisha 51:4

Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

Matalikilo 39:9

Muŋanda ino ndicite nkusu shiinji anga nsheesho shaacite, alimwi taaku ncaakankashaawo muŋanda ino kulekabo ndimwe. Ono nebo inga ndacita buyani cintu cibiibi ca mushobo uyu pameenso akwe Lesa?”

Matalikilo 20:18

Ceebo cakwe Saala muka Abulaamu, Mwaami Lesa wakalengesha ayi banakashi boonse ba kuŋanda yakwe Abimeleki babule nshalo.

2 Bene Tesalonika 2:11

Ono paceebo ceeco Lesa ulaakubalengesha kulubilabo limwi cakuswa munshila, kwiinda mukushoma sha bubeshi.

1 Bene Kolinto 7:1

Ntooyanda nkumbule miipusho njemwakanembela. Kuteeba ncibotu.

Bene Lefi 6:2

“Mulambu ulyeelete kupekwa na umwi wabisha alimwi akubula kushomeka kuli ndime neMwaami Lesa kwiinda mukukaka kuboosha ceeco cakamupa mwine Isilaelinyina ayi alame, kwiipila mubye, kumucenjeeka,

Matalikilo 26:11

Mpeeke Abimeleki wakacenjesha bantu boonse ayi, “Uyo woonse eshi akatakooshe musankwa uyu nabi mukaakwe ulaakucaikwa.”

Matalikilo 3:3

sombi kukushakobo cisamu cili pakati ka muunda. Lesa wakatukasha kulyaako shisepo nabibo kucataako. Na twacita boobo, tulaakufwa.”

Mateyo 27:19

Pilato ndyaakalinga kushiite pacuuna cakoombolosheshaawo, mukaakwe wakatumya maswi akwaamba ayi, “Mutaciti cintu nabi comwi pamuntu uyo utacite mulandu ceebo sunu mashiku ndapenshekwa abuumbi muciloto ceebo ca nguwe.”

Matalikilo 31:24

Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”

Tushimpi 6:29

Mbweeke ubo mbocibete akumuntu ukumana amuka mubye. Uyo woonse ucita camushobo uyo ulaakupengelaamo.