Matalikilo 2:2 - Baibo Busansulushi Bwa Libuku Ili

² Pabushiku bwasanu ashobilo Lesa wakalinga kumanishite kale shoonse nshaakalinga kucita. Pabushiku ubo wakookesha.

Matalikilo 2:2 Referans Kwoze

Bene Ebulu 4:4

MuMalembo akwe Lesa, pamwi palaamba shabushiku bwasanu ashobilo ayi, “Lesa wakookesha pabushiku bwasanu ashobilo, kucileka milimo yoonse njaakalinga kucita.”

Kulonga 31:17

Bushiku ubo nkeshibilo ka nshiku shoonse pakati kabene Isilaeli alimwi anebo, ceebo nebo neMwaami Lesa ndakalenga liculu alimwi acishi ca panshi munshiku shosanwe abomwi, ono pabushiku bwasanu ashobilo, ndakacileka kusebensa akookesha.”

Dutolonomi 5:14

Sombi bushiku bwasanu ashobilo, mbushiku bwangu ubo mboweelete kookesha. Taaku muntu weelete kusebensa pabushiku ubo, webo, bana bako, basha bako, shifubwa shako nabi baswamashi bekala mucishi cako. Basha banu balyeelete kookesha bweenka mbuli ndimwe.

Kulonga 23:12

“Musebense milimo yanu yoonse kwanshiku shosanwe abomwi munsondo, sombi pabushiku bwasanu ashobilo tamweelete kusebensa, kwaamba ayi basha banu alimwi abaswamashi bamusebensela bookeshe kubikaawo ashifubwa shanu shoonse.

Joni 5:17

Jesu wakabakumbula ayi, “BaTa balasebensa ciindi coonsebo, aboobo anebo ndyeelete kusebensa.”

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Matalikilo 1:31

Lesa wakabona ayi shoonse nshaakalenga nshibotu abuumbi. Lyalo kwakaba macolesha amacuunsa, ubu bwakaba mbushiku bwasanu abomwi.

Bene Ebulu 4:10

Mukwiinga uyo woonse Lesa ngweshi akalengeshe ayi ookeshe kweelana ambwaakashomesha, ulaakookesha pakumanisha milimo yakwe, bweenka mbuli Lesa mbwaakookesha ndyaakamanisha milimo yakwe mwiine.

Matalikilo 2:3

Bushiku ubu wakabupa coolwe akubusalasha, mukwiinga mbobushiku mbwaakookesha kuswa kumulimo woonse wakulenga ngwaakacita.

Kulonga 31:15

Mulicite nshiku shosanwe abomwi nshemweelete kusebensa milimo yanu, sombi bushiku bwasanu ashobilo, mbushiku bwangu ubo busalalite kuli ndime neMwaami Lesa. Uyo woonse weenga wasebensa mulimo uli woonse pabushiku ubo, ulyeelete kucaikwa.