Matalikilo 19:3 - Baibo Busansulushi Bwa Libuku Ili

³ Loti wakatolelela kubasenga, lyalo kumamanino bakasumina kuyaakwe kuŋanda. Mpeeke Loti wakapanga cimaande akubambila beensu cakulya cibotu. Ndicakabambwa bakalya.

Matalikilo 19:3 Referans Kwoze

1 Samwelo 28:24

Mwanakashi uyo wakalinga kucite moombe wiinite abuumbi uyo ngwaakacaya peenka apo. Wakabwesa afulaulo, waukanda akupanga cimaande.

Boomboloshi 6:19

Mpomunyaawo Gidyoni wakaya kuŋanda mukuteleka mwanaampongo acimaande ca fulaulo ukwana makilogilamu ali likumi. Nyama wakaibika mumutaanga, musushi walo wakaubika mukanongo akuleta kunembo lya munjelo wa Mwaami Lesa munshaacisamu ca mubanga.

Bene Ebulu 13:2

Mutaluubi kutambula kabotu beensu mumaandaanu. Nkobali bamwi bakatambula beensu, sombi kabateshi ayi mbaanjelo bakwe Lesa.

1 Bene Kolinto 5:8

Aboobo tulyeelete kusekelela bushiku bwesu bwa Pasika cakushomeka alimwi mulushinisho isho shili anga ngushinkwa utacite cimena. Tatweelete kuba ashibiibi sha mushobo uli woonse isho shiimikaninwa ashinkwa ucite cimena.

Kulonga 12:39

Lyalo bakapanga cimaande ca fulaulo ngobakakusha muIjipiti. Bakatandwaamo calubilo muIjipiti, aboobo bakabula ciindi cakubamba cakulya nabi kukanda fulaulo ucite cimena.

2 Bene Kolinto 5:14

Lusuno lwakwe Klistu ndolutweendelesha ceebo tulashoma kwaamba ayi muntu womwi wakafwita bantu boonse, paceebo ceeco boonse bakafwa kwiinda muli nguwe.

Joni 12:2

Kundabala uko Jesu bakamubambila cakulya ca macolesha, Malita nguwakalinga kubapa. Lasalo wakalinga womwi wa baabo bakalinga kulya aJesu.

Luka 14:23

Lyalo mwaami wakwe wakakumbula ayi, ‘Koya mutushila amumikondo ya mumishi, ukaambile bantu cankusu ayi bese kwaamba ayi ŋanda yangu isule.

Luka 11:8

Ntoomulwiita ayi, nabi akabule kubuka akukupa shinkwa mukwiinga wa cibusa anguwe, ulaakubuka akukupa coonse ncoosuni mukwiinga wakakatila kumusenga.

Luka 5:29

Lefi wakabamba shakulya shiinji kwaamba ayi basekelele aJesu muŋanda yakwe. Kwakalinga beshikusonkesha abantu bamwibo bakacanikaawo akulya pantu pomwi ambabo.

2 Baami 4:8

Bumwi bushiku Elisha wakaya kuShunemu uko kwakalinga kwikala mwanakashi mubile. Mwanakashi uyo wakamutamba mukulyaakwe. Kuswa bushiku ubo Elisha lyoonse na waya kuShunemu wakalinga kulya kuŋanda ya mwanakashi uyo.

Kulonga 12:15

Mwaami Lesa wakaamba ayi, “Munshiku shili shosanwe ashobilo, tamweelete kulya shinkwa, sombibo cimaande. Pabushiku butaanshi munshiku ishi, mulyeelete kukusha cimena coonse mumaandaanu mukwiinga uyo woonse weshi akalye shinkwa munshiku shosanwe ashobilo ishi, ulaakukushikwa mubantu bangu bene Isilaeli.

Matalikilo 21:8

Mwaana wakakula, lyalo pabushiku ndyaakaleshekwa, Abulaamu wakabamba kusekelela kunene abuumbi.

Matalikilo 19:2

akwaamba ayi, “Nobamaami bangu, nebo ndiwaano kwaamba ayi mucaafwe. Ndasengesha ayi tushike kuŋanda yangu. Inga mwasambaako kushimpanta alimwi akoona kwaamba ayi ciilo mukafumebo kunooya palweendo lwanu.” Sombi bakakumbula ayi, “Ne, tutokoona pansengwe mweenka muno mundabala inene.”

Matalikilo 24:31

akwaamba ayi, “Katiya kuŋanda. Webo uli musankwa wapekwa coolwe kuswa kuMwaami Lesa. Tookoonshi kunokwiimfwi kokuno. Nkocili kale cipinda cabambilwa ndiwe muŋanda yangu alimwi amusena wa ngamela shako nkooli.”

Matalikilo 26:30

Isaki wakabamba shakulya kwaamba ayi basekelele, lyalo bakalya akunwa.