Matalikilo 19:25 - Baibo Busansulushi Bwa Libuku Ili

²⁵ wanyonyoola mandabala ayo alimwi aliwesa pantu pomwi abantu boonse bakalingaamo alimwi asheesho shoonse shakalinga kumeneteemo.

Matalikilo 19:25 Referans Kwoze

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Matalikilo 14:3

Aba bali bosanwe bacaalila bakabungana pantu pomwi akupanga likoto lyomwi lya bashilumamba mucinyika ca Sidimu ico bulya ciitwa ayi Lweenge lwa Mwiinyo.

Matalikilo 13:10

Loti wakalangalanga akubona kwaamba ayi cinyika coonse ca Joodani, kuyabo akuSowa, cakalinga kucite maanshi abuumbi, anga ngumuunda wa Mwaami Lesa nabi cishi ca Ijipiti. Ici cakalinga nciindi Mwaami Lesa kaatana kunyonyoola mandabala anene a Sodoma a Gomola.

2 Pita 2:6

Abalo bantu ba mumandabala anene a Sodoma aGomola Lesa wakaboombolosha akubapa mulandu. Wakabanyonyoola amulilo. Ici cakaba citondesho ca sheesho sheshi shikacitike kubantu beshi bakabule kumunyumfwila kunembo.

Matalikilo 13:12

Abulamu wakekala muKenani alakwe Loti wakekala pakati ka mandabala anene akalinga munyika ya Joodani. Misumba yakwe wakaiyakila pafwaafwi aSodoma

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.

Isaya 13:19

Babiloni mbulelo bubotu abuumbi apo bantu ba mumo mpobalisumpwita. Sombi nebo neMwaami Lesa ndaakunyonyoola Babiloni bweenka mbondakanyonyoola Sodoma aGomola!

Jelemiya 20:16

Muntu uyo aabe bweenka mbuli mandabala ayo Mwaami Lesa ngaakanyonyoola cakutaanyumfwila nkumbu. Aanyumfwe mibila macuunsacuunsa akooloma kwa nkondo lisuba ndyeliba pakati ka mutwi.

Jelemiya 49:18

Bweenka ndabala inene ya Sodoma aya Gomola mbwaakanyonyoolwa pantu pomwi amandabala akalinga kwaashingulukite, mbweeke ubo cishi ca Edomu mbweshi cikacitwe. Taaku muntu nabi womwi weshi akekaleemo tubili. Nebo neMwaami Lesa ndaamba.

Jelemiya 50:40

Bweenka nebo neLesa mbondakanyonyoola Sodoma aGomola pantu pomwi amandabala akalinga kushingulukite cakwaamba ayi taaku muntu wakekalaamo tubili, mbweeke ubo taaku weshi akekale muBabiloni tubili. Nebo neMwaami Lesa ndaamba.”

Malilo 4:6

Mulandu wakapekwa bantu bangu wakeenda wooyo wakapekwa Sodoma, ndabala iyo yakanyonyoolwa cakufwambaana, ncakwiila kwakubula awiifunaako.

Esekelo 16:50

Bakalinga beshikulisumpula akucita shintu shilensha bunya pameenso angu. Paceebo ceeco ndakabanyonyoola kweelana ambooshi.

Amosi 4:11

“Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Jelemiya 23:14

Pakati ka balaluki bene Jelusalemu apalo ndakabonaawo kubisha kwiinditewo, Balacita bulale alimwi mbabeshi. Balayuminisha bamucita shibi, cakwaamba ayi taaku nabi womwi ucileka kucita bubi. Boonse mbabiibibo anga mbene Sodoma kuli ndime. Ndushinisho bene Jelusalemu balibo anga mbene Gomola.”

Sefaniya 2:9

Bweenka mbocibete lushinisho ayi Nebo neMwaami Lesa Shinkusu shoonse, Lesa wa bene Isilaeli ndi muumi, ntooshomesha cakulumbila ayi bene Moabu balaakuba anga mbene Sodoma abalo bene Amoni balaakuba anga mbene Gomola. Shishi shabo shilaakuba musena wa nsaku alimwi ashikanda sha mwiinyo, ee, shilaakuba shishi umo mutekaali bantu kwalyoonse alyoonse. Bantu bangu beshi bakacaaleewo, balaakusaala akubwesa shishi shabo.”