Matalikilo 18:26 - Baibo Busansulushi Bwa Libuku Ili

²⁶ Mwaami Lesa wakakumbula ayi, “Na ncane bantu bali makumi osanwe batacite milandu, teshi nyonyoole ndabala yoonse ceebo cabo.”

Matalikilo 18:26 Referans Kwoze

Jelemiya 5:1

“Amwiindaane mumikwakwa ya muJelusalemu. Mucenceente akubona. Mulangoole mumansa sha njiyo. Na mucane muntu nabi womwi ushomeka alimwi uyandoola lushinisho, ngayi ntoolekelela ndabala ya Jelusalemu.

Mateyo 24:22

Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.

Esekelo 22:30

“ ‘Mpeeke ndakayandoola muntu pakati kabo uyo weenga wayaka lubumbu akwiimikana kunembo lyangu mumusena apo lubumbu mpolwakamwayuluka ayi afune cishi kwaamba ayi ntakacinyonyooli. Sombi ndakacana kwaamba ayi taakuuwo nabi womwi.

Isaya 65:8

Mwaami Lesa wakaamba ayi, “Kulilabo maanshi kaaciliimo muminyansa bantu balaamba ayi, ‘Muteenyonyooli, mise moicili.’ Mbweeke ubo anebo mbweshi nkacite ceebo ca basebenshi bangu. Ncakwiila teshi nkanyonyoole bantu bangu boonse.

Isaya 19:24

Ciindi ico caakushikila bene Isilaeli, bene Ijipiti abene Asilya balaakulambilila pantu pomwi. Munshila iyo mishobo iyo ilaakuleta coolwe kucishi coonse ca panshi.

Isaya 10:22

Ncakwiila nabi bene Isilaeli bulya mbaanji, ee, mbaanji anga ngumuseese wa kuloombe lwa lweenge, mbaniinibo beshi bakacaaleewo akuboola. Bamwi baanji babambilwa kunyonyoolwa ceebo beelela kwaamba ayi banyonyoolwe.

Isaya 6:13

Ono nabi bantu baniini bakacaaleewo, abalo balaakunyonyoolwa. Sombi bweenka bucaala cishiki apo patemwa cisamu ca telebinti nabi ca mubanga, mbweeke ubo imbuto isalalite mbweshi ikacaaleemo anga ncishiki mucishi ici.”

Matalikilo 18:17

Mwaami Lesa wakalyaamboosha ayi, “Teshi mushiise Abulaamu ncentooyanda kucita.