Matalikilo 18:14 - Baibo Busansulushi Bwa Libuku Ili

¹⁴ Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

Matalikilo 18:14 Referans Kwoze

Luka 1:37

Mukwiinga kuli Lesa taaku ciyumu.”

Mateyo 19:26

Jesu wakabalanga akubaambila ayi, “Kubantu ici inga tacicitikiiwo, sombi kuli Lesa inga cacitika mukwiinga shoonse shintu shilakonsheka kuli nguwe.”

Maako 10:27

Jesu wakabalanga akubalwiita ayi, “Kubantu ici inga tacicitikiiwo, sombi kuli Lesa inga cacitika mukwiinga shoonse shintu shilakonsheka kuli nguwe.”

Jelemiya 32:27

“Nebo ndime Mwaami Lesa, Lesa wa bantu boonse. Taaku cintu cinjumina kucicita.

Bene Efeso 3:20

Ono bulemu bube kuli Lesa, lakwe kwiinda munkusu shakwe shisebensa muli ndiswe, ulakonsha kucita shiinda pasheesho nsheenga twaseenga nabi kuyeeya.

Jobo 42:2

“NoBaami baLesa, ndishi kwaamba ayi mwebo mulicite nkusu shoonse alimwi ayi taakuuwo muyeeyo wanu weenga wabula kuswitilila.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Bene Loma 4:21

Abulaamu wakalinga kushoma cancinencine ayi Lesa ulakonsha kucita kweelana ambwaakashomesha.

Shakubelenga 11:23

Alakwe Mwaami Lesa wakeepusha ayi, “Sa nkusu shangu nebo shileela? Onoonobo utoobona na nceendaamba citoocitika nabi sobwe!”

2 Baami 4:16

Lyalo Elisha waamba ayi, “Paciindi ceenka cino mwaaka utoosa ulaakunoocite mwaana musankwa pamaansa.” Mwanakashi wakaamba ayi, “Nkambo, mutambeci nemusebenshi wanu. Mwebo muli bantu ba baLesa!”

Dutolonomi 7:21

Aboobo mutabaloondi, Mwaami Lesa, Lesa wanu uli amwebo. NguLesa wiindaawo alimwi weelete kuloondwa.

Mateyo 14:31

Mpomunyaawo Jesu wakamucata akumwaambila ayi, “Nciinshi ncewatonshesha? Kuceya lushomo ndoocite webo omuntu!”

Sekaliya 8:6

Mwaami Lesa Shinkusu shoonse waamba ayi, “Ici inga caboneka kuyuma kubaabo beshibakacaaleewo, sombi tacikoonshi kunjumina anebo. Nebo neMwaami Lesa Shinkusu shoonse ndaamba.”

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Kulumbaisha 95:3

Mukwiinga Mwaami Lesa ngoLesa wiindaawo, alimwi nguMwaami wiinda pabalesa boonse.

Dutolonomi 30:3

lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.

Matalikilo 18:10

Lyalo Mwaami Lesa wakaamba ayi, “Ncakwiila ndaakwisa kuli ndiwe paciindi ceenka cino mwakali, alimwi Saala mukaako ulaakushala mwaana musankwa.” Ico ciindi Saala kaalibo kwisule lyakwe pamulyaango wa tente alimwi kaakutika.

Luka 1:13

Sombi munjelo uyo wakamwaambila ayi, “Utaloondi Sekaliya, Lesa wanyumfwa kupaila kwako, aboobo mukaako Lisabeti ulaakushala mwaana musankwa uyo ngweshi ukatumbe ayi Joni.

Jobo 36:5

“Lesa ngushinkusu, sombi taaku muntu ngwaanyansha. Taaku cintu nabi comwi ncaateshi.

Matalikilo 17:21

Sombi cipangano cangu ndaakucilama amwanaako musankwa Isaki, uyo Saala ngweshi akashale paciindi ceenka cino mwakali.”

Bene Ebulu 11:19

Abulaamu wakalinga kushoma ayi Lesa ulakonsha kubusha Isaki kuswa kubafu. Aboobo inga twaamba ayi Abulaamu wakatambula Isaki anga wabushikwa kuswa kubafu.

Luka 8:50

Jesu ndyaakanyumfwa makani ayo wakaambila Jailosi ayi, “Utaloondi, shomabo, mwanaako utooba kabotu.”

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”

Bene Filipi 3:21

Lakwe ulaakusandula mibili yesu ilefukite ya buntu kwaamba ayi ikabe mbuli mubili wakwe wa bulemu. Ulaakucita boobo munkusu shakwe isho shikoma shintu shoonse akushilela.

Luka 1:18

Sekaliya wakeepusha munjelo ayi, “Ino ndaakwishiba buyani ayi ici ncalushinisho? Mukwiinga nebo ndacembela alakwe mukaangu wacembela.”

Mateyo 3:9

Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba bamulunyungu lwakwe Abulaamu.

Kulumbaisha 93:1

Mwaami Lesa ngoolela ulifwete bwaami, ulifwete bwaami alimwi ulicite nkusu. Cishi ca panshi ciliimfwi mumusena womwi, aboobo tacitenkaani.

Kulumbaisha 90:13

Ino bukali bwanu butootola ciindi cilaamfu buyani? NoBaami baLesa, amube ankuumbu pabasebenshi banu!

Matalikilo 18:13

Lyalo Mwaami Lesa wakeepusha Abulaamu ayi, “Ino Saala wasekelanshi akwaamba ayi, ‘Sa ncakwiila inga ndaba amwaana bulya mbondacembela?’

Matalikilo 18:15

Ono mukwiinga Saala wakaloonda, wakakaka ayi, “Nshikwe kusekaawo nebo.” Sombi lakwe wakakumbula ayi, “Ee waseka, utakaki.”

Matalikilo 21:1

Mwaami Lesa wakapa coolwe Saala kweelana ambwaakalinga walasha.

Matalikilo 21:2

Wakamita akushala mwaana musankwa wakwe Abulaamu kubucembele. Wakashalwa paciindi peenka Lesa mpaakalinga walasha.

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Danyelo 6:20

Ndyaakashika wakeeta Danyelo campwampwa moyo ayi, “Danyelo omusebenshi wakwe Lesa muumi, sa Lesa uyo ngoosebensela cakushomeka wakonsha kukupulusha kunkalamu?”

Matalikilo 17:16

Ndaakumupa coolwe alimwi ndaakukupa mwaana kwiinda muli nguwe. Ndaakumupa coolwe, alimwi ulaakuba mushali mwanakashi wa mishobo iinji. Pakati ka bamulunyungu lwakwe palaakuba abamaami.”

Boomboloshi 13:3

Mpeeke munjelo wa Mwaami Lesa wakesa kuli nguwe akumwaambila ayi, “Bona, uli ŋumba, sombi ulaakumita akushala mwaana musankwa.