Matalikilo 18:12 - Baibo Busansulushi Bwa Libuku Ili

¹² Aboobo Saala wakaseka mwiine eenka akwaamba ayi, “Ono bulya mbondacembela akumana nkusu sa inga kukumana abamaandaangu kwankonda? Alimwi abalo bamaandaangu bakula.”

Matalikilo 18:12 Referans Kwoze

1 Pita 3:6

Sala mbwakalinga ubo. Wakalinga kunyumfwila Abulaamu akumwiita ayi, “Nkambo.” Aboobo inga mwaba anga mbana bakwe Sala kwiinda mukucita shiluleme alimwi akutaloonda cintu nabi comwi.

Matalikilo 17:17

Abulaamu wakafukama akushisha ciwa panshi, sombi wakatalika kuseka ndyaakayeeya ayi, “Sa musankwa ulakonsha kuba amwaana na waba amyaaka ili 100? Sa Saala inga washala mwaana bulya mbwaashisha myaaka ili 90?”

Matalikilo 18:13

Lyalo Mwaami Lesa wakeepusha Abulaamu ayi, “Ino Saala wasekelanshi akwaamba ayi, ‘Sa ncakwiila inga ndaba amwaana bulya mbondacembela?’

Bene Efeso 5:33

Nakubi boobo alaamba apali ndimwe. Musankwa uli woonse ulyeelete kusuna mukaakwe bweenka mbwaalisuni mwiine. Alakwe mwanakashi ulyeelete kulemeka ibaye.

Kulumbaisha 126:2

Twakasekelela abuumbi. Twakeemba cakusangalala. Mishobo imwi yakatalika kwaamba ayi, “Mwaami Lesa wabacitila shintu shinene.”

Kulumbaisha 45:11

Lyalo kubota kwako kulaakulengesha mwaami kukusuna. Ulyeelete kunoomupa bulemu ceebo bulya ngumwaami wako.

Boomboloshi 19:26

Mwanakashi uyo wakaya mukuwita mumulyango wa ŋanda umo mwakalinga ibaye. Wakekala apo kushikila lisuba lyaswa.

2 Baami 4:16

Lyalo Elisha waamba ayi, “Paciindi ceenka cino mwaaka utoosa ulaakunoocite mwaana musankwa pamaansa.” Mwanakashi wakaamba ayi, “Nkambo, mutambeci nemusebenshi wanu. Mwebo muli bantu ba baLesa!”