8 Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”
Anu ndaakunooli amwebo akuba Lesa wanu, amwebo mulaakuba bantu bangu.
Wakaamba ayi, “Ndaakukupa cishi ca Kenani kwaamba ayi cikabe caako.”
Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.
Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.
kwaamba ayi Mwaami Lesa ambilishe ayi sunu mwaba bantu bakwe, alakwe waba Lesa wanu kweelana ambwaakamushomesha akushomesha cakulumbila kubamashali banu bakulukulu Abulaamu, Isaki alimwi aJakobo.
Alakwe pabushiku bwasunu Mwaami Lesa, Lesa wanu wasumina ayi muli bantu bakwe mwiine, kweelana ambwaakashomesha. Paceebo ceeco wamwaambila ayi munoolama milawo yakwe yoonse.
Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.
Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.
Ulaakulama cipangano ncaakapanga aAbulaamu, kushomesha nkwaakaamba kuli Isaki.
Ceebo ca bamashali banu bakulukulu, wakamusala alimwi kwiinda munkusu shakwe shinene wakamukusha mucishi ca Ijipiti.
Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”
Ono koya ucishinguluke cishi coonse ici mukwiinga ntookupa coonse.”
“Mboboobo Lesa mbweshi akape coolwe bamulunyungu lwangu. Mukwiinga wakapanga cipangano camuyayaya anebo, cililamitwe kabotu alimwi cilaakunoolikobo. Ono nceceecobo nceensunishi, ndolupulusho lwangu, alimwi ndishi kwaamba ayi Lesa ulaakucita ubo.
Lesa wakwiculu Wiindaawo ndyaakapa mishobo shishi ayi nshinebo, ndyaakapansaanya bantu boonse, wakabika manyinsa pakati kabo kweelana akufula kwa bana bakwe Isilaeli.
Fineyasi alimwi abamulunyungu lwakwe boonse bananoolibo bapailishi lyoonse, mukwiinga taakwe kusumina ayi bantu balambile balesa bamwi alimwi akulengesha ayi bene Isilaeli balekelelwe cibiibi cabo.”
Ukabananike bweenka mbweshi ukananike ishiwabo kwaamba ayi bakansebensele mulimo wa bupailishi. Kunanikwa uko kulaakulengesha ayi bakanoolibo bapailishi lyoonse.”
Wakandwiita ayi, ‘Ndakukupa baana baanji kwaamba ayi bamulunyungu lwako bakabe mishobo iinji. Ndaakupa bamulunyungu lwako cishi ici cikabe caabo muyayaya.’ ”
“Nebo ndimuswamashi ushiitaanu kuno. Amungulisheewo musena mbikeewo bakaangu.”
Nceceeco Klistu ncaalengeshesha ayi cipangano cipya cibeewo, kwaamba ayi abo Lesa mbwaakeeta ayi bakatambule shoolwe shitamaani nshaakashomesha. Ishi inga shacitika ceebo ca lufu lwakwe Klistu ulo lufuna bantu kuswa mushibiibi nshibakacita muciindi ca cipangano cikulukulu.
Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.
Milawo iyi ilyeelete kunookonkelwa lyoonsebo. Kucita kweelana aMilawo uku kulyeeleete kunoocitwa linkanda lyomwi pamwaaka kwaamba ayi bene Isilaeli basalashikwe kuswa kushibiibi shabo shoonse.” Aboobo Mose wakacita kweelana abwakamwaambila Mwaami Lesa.
Lyalo mwaami wakwe uyo ulyeelete kumutola kumusena nkobanambilila neMwaami Lesa. Na bashika, ulyeelete kumwiimika kucisasa nabi kucisamu ca kumulyango akumutulula kutwi. Mpeeke ulaba musha wakwe wa nshiku shoonsebo.
Paciindi ico Lesa kaatana kumupa cishi naciceyi, sombi wakamushomesha ayi ulaakupa cishi ici kuli nguwe alimwi alunyungu lwakwe nakubi kwaamba ayi taakalinga kucite mwaana.
Uyo woonse eshi akakome, ulaakutambula cipo ici kuswa kuli ndime. Ndaakuba Lesa wakwe, alakwe ulaakuba mwanaangu.
Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”
Wakaswaako ceebo musena mpobakalinga kushiite aJakobo wakaceya kwaamba ayi boonse bobilo kabashiite pantu pomwi. Bakalinga kufubite abuumbi cakwaamba ayi cakayuma kwikala boonse.
Jakobo wakatolelela kwikala mucishi ca Kenani umo mwakalinga kwikala baishi.
“Mwaami Lesa ulaakumutola mucishi ca bene Kenani, ico ncaakashomesha ndimwe alimwi abamashali banu bakulukulu cakulumbila ayi ndaakumupa,
Lyalo ndaakwikala pakati ka bene Isilaeli akuba Lesa wabo.
Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”
Teshi kwaamba ayi muli bantu kabotu alimwi mulacita shiluleme Mwaami Lesa ncaatoomusuminishila kubwesa cishi cabo. Ulaakubatandaamo ceebo mbamucita shibi alimwi ceebo ulisuni kulama cipangano ncaakashomesha bamashali banu bakulukulu, nkokwaamba ayi Abulaamu, Isaki alimwi aJakobo.
Balaluki abo bakalinga kumwaambila ayi, ‘Noonse amuswe kunshila shanu shibiibi amicito yanu ibiibi, ingaawo mukanookala mucishi ico Mwaami Lesa ncaakamupa mwebo abamashali banu bakulukulu ayi ncanu kwalyoonse alyoonse.
Mwaami Lesa waamba ayi, “Ndaakuba Lesa wa shipani shoonse sha mumikowa ya bene Isilaeli, abalo balaakuba bantu bangu.
Mpeeke Jakobo wakaya kuli baishi baIsaki kuMamule, pafwaafwi aEbuloni, uko Abulaamu aIsaki nkobakekala.
Alimwi ndakapanganaabo ayi ndaakubapa cishi ca Kenani, umo mobakalinga kwikala anga mbaswamashi.
“Mwaakunjila mucishi ca Kenani ico ncendakamupa ayi ncanu, alimwi ndaakubika kubunda kuya ciindaawo muŋanda yomwi mucishi ico,
Mpomunyaawo Mose wakaambila Obabu mwanaakwe Luwelo mwine Midyani mupongoshi wakwe ayi, “Tuli pafwaafwi kuya kumusena uyo Mwaami Lesa ngweshi akatupe. Wakalasha kubilisha bene Isilaeli, anu kosa tuye soonse, alimwi tulaakubilila pantu pomwi awebo.”
Mpomunyaawo Mwaami Lesa wakaambila Mose ayi, “Utante paKalundu ka Abalimu akubona cishi ncentoopa bene Isilaeli.
“Koya mutulundu twa Abalimu, mucishi ca Moabu ico cilangene andabala ya Jeliko. Utante paKalundu ka Nebo, akubona cishi ca Kenani, ico ncentoopa bene Isilaeli.
Kuswawaawo Mwaami Lesa wakaambila Mose ayi, “Cilya ncecishi ncendakashomesha Abulaamu, Isaki aJakobo ayi ndaakupa bamulunyungu lwabo. Ndakubonesha, sombi teshi ukalyateemo napaceyi.”
“Mose musebenshi wangu wafwa. Ono webo nyamuka abene Isilaeli boonse, musubuke Mulonga wa Joodani akuya mucishi ico ncentoopa bantu bangu.
Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.
“Webo omuntu, bantu bekala mumatongo mucishi ca bene Isilaeli batokwaamba ayi, ‘Abulaamu wakalingabo eenka, nakubi boobo cishi ici cakalinga caakwe coonse. Ono swebo tuli baanji aboobo bulya cishi ici ncesu.’
Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”