Matalikilo 17:1 - Baibo Busansulushi Bwa Libuku Ili

¹ Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 17:1 Referans Kwoze

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Efeso 3:20

Ono bulemu bube kuli Lesa, lakwe kwiinda munkusu shakwe shisebensa muli ndiswe, ulakonsha kucita shiinda pasheesho nsheenga twaseenga nabi kuyeeya.

Matalikilo 6:9

Ici ncikani cakwe Nowa. Nowa wakalinga muntu ululeme pabantu bamuciindi cakwe, alimwi wakalinga kweenda mubushicibusa aLesa.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Kulumbaisha 116:9

Aboobo ndeenda pameenso a Mwaami Lesa mucishi cino ca bantu boomi.

Mateyo 5:48

Anu mwebo mulyeelete kuba bantu basalalite, bweenka bubete Ishiwanu uli kwiculu.

Isaya 38:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Jobo 1:1

Mucishi ca Usi mwakalinga muntu wakalinga kwiitwa ayi Jobo. Musankwa uyu taakalinga kucitewo kampenda nabi komwi alimwi wakalinga kululeme. Wakalinga kulemeka Lesa alimwi wakalinga kushomeka kuli nguwe.

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

Dutolonomi 18:13

Mwebo mulyeelete kuba bantu batacite kampenda pameenso a Mwaami Lesa, Lesa wanu.”

Mateyo 19:26

Jesu wakabalanga akubaambila ayi, “Kubantu ici inga tacicitikiiwo, sombi kuli Lesa inga cacitika mukwiinga shoonse shintu shilakonsheka kuli nguwe.”

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Matalikilo 28:3

Lesa Shinkusu shoonse aakape coolwe cikwati cako akukupa baana baanji kwaamba ayi ukabe mushali mukulukulu wa mishobo iinji!

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

1 Baami 3:6

Solomoni wakakumbula ayi, “Lyoonse mwakalinga kutondesha lusuno kuli bata baDefedi basebenshi banu mukwiinga bakalinga babotu, bashomeka alimwi baluleme mubushicibusa bwabo amwebo. Mwatolelela kubatondesha lusuno lwanu lunene alimwi lutamaani kwiinda mukubapa mwaana uyo utoopyana bwaami bwabo sunu.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Matalikilo 35:11

Lyalo Lesa wakaamba ayi, “Ndime Lesa Shinkusu shoonse. Koba abaana baanji. Mishobo iinji ilaakuswa mulunyungu lwako alimwi ulaakuba mushali wa bamaami.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Ebulu 12:28

Alimwi ceebo tulatambula bweene ubo butatenkaanishikwi, tulyeelete kulumba Lesa, kumulambila munshila imukondelesha alimwi akumulemeka abuumbi.

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Matalikilo 48:15

Mpeeke wakapa coolwe Josefu ayi, “Lesa uyo bata baAbulaamu abaIsaki ngobakalinga kusebensela aape coolwe baana aba! Lesa uyo wakantanjilila kushikila asunu aabape coolwe!

Matalikilo 12:1

Mwaami Lesa wakaambila Abulamu ayi, “Shiya cishi cine mishaanu, bamakwanu alimwi aŋanda ya baiso, uye kumusena ngweshi nkakutondeshe.

Matalikilo 5:24

Enoki wakeenda mubushicibusa aLesa buumi bwakwe boonse. Mpeeke wakashiminganabo ceebo Lesa wakamutola.

Milimo ya Batumwi 23:1

Mpomunyaawo Paulo wakalangilishisha beshinkuta akwaamba ayi, “Nobamakwesu, nshintootonsha mumoyo wangu kwaamba ayi ndekala buumi bululeme lyoonse pameenso akwe Lesa kushikila asunu.”

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Jobo 11:7

“Sa inga wakonsha kwishiba shabushishi shakwe Lesa? Sa inga ulakonsha kwishiba peela busongo bwakwe Lesa Shinkusu shoonse?

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

Shakubelenga 11:23

Alakwe Mwaami Lesa wakeepusha ayi, “Sa nkusu shangu nebo shileela? Onoonobo utoobona na nceendaamba citoocitika nabi sobwe!”

Kulonga 6:3

Ndakaboneka kuli Abulaamu, Isaki alimwi aJakobo ayi ndime Lesa Shinkusu shoonse. Sombi nshikwe kuliyubulula kuli mbabo ayi banshiibe liina lyakwaamba ayi Mwaami Lesa.

Matalikilo 18:1

Mwaami Lesa wakaboneka kuli Abulaamu pamibanga ya kuMamule. Abulaamu ndyaakalinga kushiite pamulyango wa tente yakwe muciindi ca malumwi ndikupya bunene,

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

1 Baami 8:25

Ono bulya noBaami baLesa, baLesa ba bene Isilaeli, ndaseenga kwaamba ayi mucite acalo cimwi cilya ncemwakashomesha bata ndimwakabaambila ayi bamaami ba bene Isilaeli lyoonse bananooli bamulunyungu lwabo kulilabo na kabamunyumfwila cakukonkotanya mbweeke mbobakalinga kucita balo.

Matalikilo 16:16

Paciindi ico Abulamu wakalinga kucite myaaka ili 86.

Matalikilo 5:22

Kuswawaawo wakekala myaaka ili 300 kaaenda mubushicibusa aLesa, alimwi wakashala baana abamwi.

Matalikilo 24:40

Bakakumbula ayi, ‘Mwaami Lesa uyo ngonyumfwila lyoonse ulaakukutumina munjelo kwaamba ayi akakulengeshe kukonsha kucita ubo. Mwanakashi weelete kweeba mwanaangu ulyeelete kuswa kubene misheesu pakati ka bamulunyungu lwa bata.

Matalikilo 26:2

Mwaami Lesa wakaboneka kuli Isaki akwaamba ayi, “Utayi kuIjipiti, ukale mucishi muno mondakakwaambila.

Matalikilo 43:14

Lesa Shinkusu shoonse aalengeshe mweendeleshi uyo kuba ankuumbu kwaamba ayi amuboosheshe Benjameni amukwabanu umwi. Ono kuli ndime, na citokwaamba kusowekelwa baana, akube mbweeke ubo.”

Matalikilo 46:3

Lyalo Lesa wakaamba ayi, “Ndime Lesa, Lesa wa baiso, utaloondi kuya kuIjipiti. Bamulunyungu lwako ndaakubalengesha kuba mishobo inene uko kweenka.

Dutolonomi 30:20

Ono amusune Mwaami Lesa, Lesa wanu, munoomunyumfwila alimwi akushomeka lyoonse kuli nguwe. Na munoocita boobo, mulaakwikala myaaka iinji mucishi ico ncaakashomesha cakulumbila kupa bamashali banu bakulukulu Abulaamu, Isaki alimwi aJakobo.”

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Matalikilo 48:3

Jakobo wakaambila Josefu ayi, “Lesa Shinkusu shoonse wakaboneka kuli ndime kuLusi mucishi ca Kenani akumpa coolwe.

Shakubelenga 24:16

makani awooyo unyumfwa maswi akwe Lesa, utambula lushibo luswa kuli Lesa Wiindaawo, uyo ubona shintu anga muciloto kuswa kuli Lesa Shinkusu shoonse, uyo uwa panshi ameenso kaalasha.

Tushimpi 10:9

Muntu ushomeka uleenda cakubula kulisukama, sombi uyo ucite nshila shipilingene, ulaakushibikwa.