Biblia Todo Logo
Bib sou entènèt

- Piblisite -




Matalikilo 15:1 - Baibo Busansulushi Bwa Libuku Ili

1 Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Gade chapit la Kopi




Matalikilo 15:1
65 Referans Kwoze  

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.


Mwebo ndimwe ciyubilo aliyawo lyangu. Mumaswi anu momuli kulangila kwangu.


NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.


Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”


Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.


Aboobo ndalyaamboosha ayi, “Mwaami Lesa mbobuboni bwangu. Paceebo ceeco ndaakunoolangila kuli nguwe.”


“Mwebo nolitanga liniini, mutaloondi mukwiinga Ishiwanu camukonda kumupa bwaami.


Ncakwiila noBaami baLesa ndimwe mupa coolwe kubaluleme. Lusuno lwanu ulo luli anga ndiyawo lulabacingilisha.


Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.


Mwaami Lesa aakupe coolwe pasheesho shoonse nshewakacita. Mwaami Lesa, Lesa wa bene Isilaeli uyo ngowesa mukulishisaako aakupe cilambu cinene!”


Sombi munjelo uyo wakamwaambila ayi, “Utaloondi Sekaliya, Lesa wanyumfwa kupaila kwako, aboobo mukaako Lisabeti ulaakushala mwaana musankwa uyo ngweshi ukatumbe ayi Joni.


Mutabi aboowa, ndi amwebo! Ndaakuleta bamulunyungu lwanu kuswa kushishi sha kwicwe alimwi ndaakuyobolola boonse bali kushishi sha kumbo.


NoBaami baLesa, ndamulilila ayi muncaafwe. Ndaamba ayi, “Ndimwe ciyubilo cangu, ndimwe buboni bwangu boonse mubuumi bwangu buno.”


Sombi mwebo noBaami baLesa muli liyawo lyangu, mulamfwalika bulemu bwanu, mulanjumyayumya akunsumpula.


Lesa wakanyumfwa kulila kwa mwaana uyo. Lyalo kuswa kwiculu munjelo wakwe wakaambila Aga ayi, “Nciinshi cakupensha Aga? Utaloondi, Lesa wanyumfwa kulila kwa mwanaako.


Mpomunyaawo munjelo wakamwaambila ayi, “Utaloondi Maliya, mukwiinga Lesa wakubeta luse.


Lyalo bantu balaakwaamba ayi, “Anu ncakwiila nkocili cilambu ca baluleme. Ndushinisho nkwaali Lesa woombolosha nsengwe yoonse.”


Jesu wakabaambila ayi, “Anu mutooloondanshi? Kuceya lushomo ndomucite mwebo nobantu!” Mpomunyaawo wakabuka akukalalila cipuupu amaaba ayi shuumune. Mpeeke kwakaboolabo tontolo.


Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,


Mwaami Lesa ngomumuni alimwi ngoompulusha, taaku muntu nabi womwi ngoonoonda. Mwaami Lesa ndyelilinga lya buumi bwangu, taaku muntu nabi womwi ngoonoonda,


Bamucita shibi taaku mpindu njebapekwaawo, sombi bacita shiluleme balapekwa shilambu.


Ulaakumufwekelela mumapapaminwa akwe, ee, mumapapaminwa akwe mweshi mukabe ciyubilo canu. Kushomeka kwakwe kulaakumutabilila anga ndiyawo nabi lubumbu lwa ndabala.


Anu amuyume akulishoma. Mutabaloondi nabi kututuma ceebo Mwaami Lesa, Lesa wanu unanooli amwebo. Teshi akamushiyeewo nabi kumusuula.”


Mpomunyaawo wakaŋambila ayi, “Webo omuntu, ono koya kubene Isilaeli ukabaambile maswi angu.


Nebo ndime Mwaami Lesa uyo wakamulenga, ee, Lesa uyo wakabumba womwi awomwi pakati kanu mumala muli banyina alimwi Lesa uyo weshi akanoomucafwa. Mutaloondi nobasebenshi bangu bamulunyungu lwakwe Jakobo. Mwebo muli bantu abo mbondakasala alimwi mboonsuni.


Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.


Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”


Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.


Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.


Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.


Paulo, Apolosi aPita, cishi cino, buumi nabi lufu, shiliiwo asheesho sheshi shikabeeko, shoonse nshanu.


Basankwa aba bakakumbula ayi, “NguKonelyasi, munene wa bashilumamba bali mwaanda, watutuma. Ngumuntu ululeme, ulambila Lesa alimwi ulalemekwa bumbi abaJuda. Munjelo wakwe Lesa ngowakalwiita Konelyasi ayi akwiite kuŋanda yakwe mukunyumfwa ceeco nceshi ukamulwiite.”


“Maswi a Mwaami Lesa oonse ngalushinisho. Lakwe ndyeliyawo lya baabo bacicila kuli nguwe.


Amubone liyawo lyesu, nobaLesa. Amunyumfwile nkumbu uyo ngomwakasala kuba mwaami!


Ono paciindi ico muIsilaeli, mulaluki wakalinga kwiitwa ayi shikubona. Aboobo muntu wayanda kuya mukwiipusha Lesa mwiipusho, wakalinga kwaamba ayi, “Tiya tukabone shikubona.”


Lyalo mucili anga nciloto ico, Mushimu wakwe Lesa wakanyamuna akumboosha kubaabo bakatolwa mubusha bakalinga kuBabiloni. Pesule cili anga nciloto ico cakashimingana.


Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.


Mumwaaka wamakumi otatwe, mumweenshi wane pabushiku bwasanu ndindakalinga kwikala abasha kulubasu lwa Mulonga wa Keba mucishi ca Babiloni, liculu lyakacaluka. Mpeeke ndakabona shili anga nshiloto shakaswa kuli Lesa.


Mpomunyaawo munjelo wakaambila banakashi balya ayi, “Mutaloondi! Ndishi kwaamba ayi mutoolangoola Jesu uyo ngobakapopa pamucilingano.


Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”


Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.


Sombi Abulamu wakakumbula ayi, “NoBaami Beshinkusu shoonse, nebo nshiciteewo mwaana, ino cilambu canu cilicite mpindunshi kuli ndime? Eliyasa eenkabo wa kuDamasikasi njempyani yangu.


Lyalo wakanyumfwa Mwaami Lesa kaamba alimwi kuli nguwe ayi, “Musha uyu Eliyasa, teshi ngweshi akabwese buboni bwako waakufwa. Mwaana musankwa wakushala omwiine ngweshi akabwese buboni bwako.”


Ono bakancenjeeka akusandula malipilo angu mankanda likumi. Sombi Lesa taakwe kubasuminisha ayi banciise.


Mpomunyaawo Mwaami Lesa wakaambila Aloni ayi, “Taaku cishi nceshi ukapekwe ayi ncaako mucishi ca Isilaeli, alimwi taaku shintu nsheshi ukapekwe anga njimikowa imwi. Nebo neMwaami Lesa ndime cipansha cako alimwi abuboni mboweelete kupyana pabene Isilaeli.”


makani awooyo unyumfwa maswi akwe Lesa, uyo ubona shintu anga muciloto kuswa kuli Lesa Shinkusu shoonse, uyo uwa panshi ameenso kaalasha.


Mpeeke Mwaami Lesa wakaambila Samwelo ayi,


Lesa wangu ngomwaandami wangu, shikumfuna. Ulantabilila anga ndiyawo, Ee, ulamfuna akundama kabotu. Ncakwiila ngumupulushi wangu. Ulandama akumpulusha munkondo.


Mukuya kwanshiku Lesa wakeelesha lushomo lwakwe Abulaamu. Wakamwiita ayi, “Abulaamu!” Alakwe wakakumbula ayi, “Nkambo!”


Bumwi bushiku kunembo Abulaamu wakesa weshiba ayi Milika mulamu wakwe wakashala baana bali bosanwe abotatwe kuli Nawoli.


Teshi bakapekweewo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.


Munjelo wa Mwaami Lesa wakaambila Elija ayi, “Koya anguwe, utaloondi.” Lyalo Elija wakaya amutanjilili wa bashilumamba uyo kumwaami


Ndalilila Mwaami Lesa ayi ancaafwe, alakwe ulankumbula kuswa kukalundu kakwe kasalalite.


Amucinke manungo muMwaami Lesa mwebo nobamulunyungu lwakwe Aloni, ngoomucafwa alimwi ndyeliyawo lyanu.


Amubone Mwaami Lesa Shinkusu shoonse utoosa ankusu alimwi lyaansa lyakwe ndyelilela. Ulicite ashilambu mulyaansa lyakwe ayi ese alambule bantu bakwe.


Sombi webo ndaakukupulusha bushiku ubo, teshi ukaabwe mumaansa a baabo mbooloonda. Nebo neMwaami Lesa ndaamba.


Swiv nou:

Piblisite


Piblisite