Matalikilo 13:8 - Baibo Busansulushi Bwa Libuku Ili

⁸ Aboobo Abulamu wakaambila Loti ayi, “Patabi kwaambana pakati kako anebo, nabi pakati ka beembeshi bako abaangu ceebo tuli bamukowa.

Matalikilo 13:8 Referans Kwoze

Milimo ya Batumwi 7:26

Bushiku bwakaboolaawo, Mose wakacana bene Isilaeli bobilo kabalwana. Mpeeke wakeelesha kubalamwita. Wakabaambila ayi, ‘Mwebo namata, bana muli bamukowa, anu mutoolwaninanshi?’

Kulumbaisha 133:1

Buumi ubu mbubotu abuumbi alimwi bulakondelesha. Ee, buumi bwa bantu bakwe Lesa bwakwikala mubwanabwankashi!

2 Pita 1:7

Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.

Bene Loma 12:10

Amusunane cancinencine mbuli banabankashi muli Klistu alimwi akunoolibambite kupaana bulemu.

Tushimpi 20:3

Cilapa bulemu kumuntu kutasuna nkondo, sombi muluya ulafwambaana kutalika kwaambana.

Tushimpi 15:1

Kukumbula kabotu kulabombya bukali, sombi kukumbula cakucenena kulabusonkomona.

Matalikilo 45:24

Wakabashindikila paniini, lyalo ndibakalinga kupansaana wakabaambila ayi, “Tabaambani munshila.”

1 Joni 4:7

Nomusunikwi, atusunane mukwiinga lusuno lulaswa kuli Lesa. Uyo woonse usuni mubye ngumwanaakwe Lesa alimwi ulimwishi.

1 Pita 2:17

Amulemeke bantu boonse. Amusunane abashominyinaanu. Kamuloonda Lesa. Amulemeke muleli munene wa kuLoma.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

Bene Ebulu 13:1

Amutolelele kusunana mbuli bamukowa.

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.

1 Bene Tesalonika 4:9

Taapu ceebo nceenga twalembelawo shalusuno lwanu kubashominyinaanu. Lesa wamwiisha kale mbomweelete kusunana.

Bene Filipi 2:14

Amucite shintu shoonse cakutatongooka alimwi akupikishanya.

Mateyo 5:9

“Balicite coolwe abo baleta lunyumfwano, mukwiinga balaakwiitwa ayi mbana bakwe Lesa.

Tushimpi 15:18

Muntu ucite kamoyo kaniini ulabusha kwaambana, sombi ushiite caamba ulaleta luumuno.

Kulonga 2:13

Bushiku bwakaboolaawo, wakaboolaako akucana basankwa bene Ebulu bobilo kabalwana. Mpeeke wakeepusha wooyo wakalinga kulubite ayi, “Utokuuminanshi mwine Ebulunyoko?”

Matalikilo 13:9

Ono atupansaane. Usale musena uli woonse ngoosuni. Nkokwaamba ayi webo uye kulubasu lumwi anebo luumbi.”

Matalikilo 46:34

mumwaambile cakushinisha ayi mwakalinga bafubi alimwi mucili bafubi bweenka mbuli bamashali banu bakulukulu. Na mwaambe boobo ndyeshi amusuminishe kwikala mumusena wa Gosheni.” Josefu wakaamba boobo mukwiinga bene Ijipiti tebakalinga kusunene abeembeshi.

Matalikilo 14:14

Abulamu ndyaakanyumfwa kwaamba ayi mwiicwa wakwe watolwa busha, wakabunganya basankwa beshikulwana pamisumba yakwe abo bakalinga kushika 318 boonse pantu pomwi. Mpeeke bakakonkela bamaami abo kuya mukushika akuDani.

Boomboloshi 9:26

Mpeeke Gaalu mwanaakwe Ebedi wakalongela kuShekemu abamakwabo. Abalo bantu ba kuShekemu bakamushoma.