Matalikilo 12:6 - Baibo Busansulushi Bwa Libuku Ili

⁶ Abulamu wakeenda mucishi ico akushika kumubanga wa kuMole muShekemu. Paciindi ico bene Kenani bakalinga kunoocikala mucishi ceenka ico.

Matalikilo 12:6 Referans Kwoze

Bene Ebulu 11:9

Kwiinda mulushomo ndomunya, wakekala anga ngumuswamashi mucishi ico Lesa ncaakamushomesha. Isaki aJakobo abo abalo bakatambula kushomesha kwakwe Lesa, bakalinga kwikala mumatente mbuli Abulaamu.

Dutolonomi 11:30

Tulundu tobilo utu tuli kumbo lya Mulonga wa Joodani, mucishi ca bene Kenani bekala muCinyika ca Joodani. Tuli cakumbo pafwaafwi ashisamu shinene sha kuMole pafwaafwi andabala ya Gilugala.

Matalikilo 35:4

Aboobo bakapa Jakobo balesa beensu boonse amasikiyo ngobakalinga kufwete. Mpeeke lakwe wakashifukila muunshi lya mubanga pafwaafwi andabala ya Shekemu.

Boomboloshi 7:1

Ono macuunsacuunsa Jelubaali, nkokwaamba ayi Gidyoni, abashilumamba bakwe boonse bakaya mukuyaka misumba kulubasu lwa Kantupu ka Alodi. Ayalo misumba ya bene Midyani yakalinga kumatwa lyabo kufwaafwi aKalundu ka Mole.

Matalikilo 13:7

Alimwi kwaambana kwakatalika pakati ka beembeshi bakwe Abulamu abakwe Loti. Paciindi ico bene Kenani abene Pelisi abalo bakalinga kunoocikala mucishi ceenka ico.

Milimo ya Batumwi 7:16

Mituntu yabo yakatolwa kuShekemu uko nkobakeefukila mushuumbwe isho nshakoola maali Abulaamu kubana bakwe Amo.

Joni 4:5

Mpeeke wakashika mundabala ya muSamaliya iitwa ayi Saika, pafwaafwi amuunda Jakobo ngwaakapa Josefu mwanaakwe.

1 Baami 12:1

Ono Leoboamu wakaya kuShekemu uko bantu boonse ba kumatwa lya Isilaeli nkubakabungana ayi bamupe bwaami.

Boomboloshi 9:1

Kuswawaawo Abimeleki mwanaakwe Gidyoni wakaya kuShekemu uko kwakalinga kwikala beshikamukowa ba banyina boonse akubaambila ayi

Joshuwa 24:32

Mafuwa akwe Josefu, ayo bene Isilaeli ngobakakusha kuIjipiti, akabikwa kuShekemu, mukapansha ka cishi Jakobo nkaakoola amaali asilifa ali mwaanda, kuswa kubana bakwe Amoli ishi Shekemu. Musena uyo wakaba cishi ca bamulunyungu lwakwe Josefu.

Joshuwa 20:7

Aboobo kumbo lya Joodani bakasala ndabala ya Kadeshi muGalili mucishi ca tulundu cakwe Nafutali, Shekemu mucishi ca tulundu cakwe Efuleemu, Kilyati Aaba nabi ayi Ebuloni mucishi ca tulundu cakwe Juda.

Matalikilo 34:2

Ono Shekemu mwanaakwe Amo mwine Ifi, uyo wakalinga mwaami wa musena uyo ndyaakamubona, wakamucata akukumanaakwe.

Matalikilo 33:18

Pakuboolela kuswa kuMesopotamya wakashikabo kabotu pandabala inene ya Shekemu mucishi ca Kenani akuyaka misumba mumuunda wakalinga pafwaafwi andabala inene iyo.

Matalikilo 10:15

Bana bakwe Kenani basankwa nguSidoni munenebantu, aEti.

1 Baami 12:25

Mwaami Jeloboamu mwine Isilaeli wakayaka lilinga kundabala ya Shekemu mucishi ca tulundu ca Efuleemu akwikalaako ciindi ciniini. Lyalo wakaswaako akuya mukuyaka lilinga kundabala ya Penuwelo.

Kulumbaisha 60:6

Ono Lesa waamba kuswa kuŋanda yakwe isalalite ayi, “Cakukoma ndaakubaanya ndabala ya Shekemu, acalo cinyika ca Sakoti ndaakucibaanya bantu bangu.

Matalikilo 34:30

Lyalo Jakobo wakaambila Simyoni aLefi ayi, “Mwaleta makatasho pali ndime. Bulya bene Kenani, bene Pelisi, abamwi boonse mucishi batoompata. Nshicite basankwa baanji. Na bakalibuunge kwaamba ayi bandwaane, nebo amwebo noonse nobamuŋanda yangu tulaakunyonyoolwa.”

Osiya 6:9

Ono bweenka bacayi mbobabelamina bamwi muluundu, mbweeke ubo bapailishi mbobalibunganya akucita. Abalo balacaya bamwi munshila iya kuShekemu. Ncakwiila balacita shibiibi shilensha nsoni abuumbi.