Matalikilo 1:6 - Baibo Busansulushi Bwa Libuku Ili

⁶ Ono Lesa wakaamba ayi, “Akube musena ufongomene kwiculu kwaamba ayi upansaanye maanshi.”

Matalikilo 1:6 Referans Kwoze

Jobo 37:18

ono sa inga wacikonsha kucafwa Lesa kuyala liculu cakwaamba ayi lyayuma nta mbuli cilola ca bulonse wakateshimishikwa?

Jelemiya 51:15

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Kulumbaisha 104:2

Mulalifweka mumuni anga ncakulifweka. Mulafungulula liculu anga nitente.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Kulumbaisha 148:4

Amumulumbaishe noliculu lya maculu, amwebo nomaanshi ali kwiculu.

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Kulumbaisha 19:1

Liculu lilatondesha bulemu bwakwe Lesa. Ee, shili mwiculu shilashibisha milimo ya maansaakwe.

Matalikilo 1:20

Kuswawaawo Lesa wakaamba ayi, “Mumaanshi amube shintu shuumi shipusenepusene, alimwi abayuni bauluka mwiculu.”

Jobo 26:13

Muuya wakwe ngowakalengesha ayi liculu litube. Lyaansa lyakwe ndilyakoma mulongolo wa mulweenge wakalinga kucica.

Kulumbaisha 150:1

Amulumbaishe Mwaami Lesa! Amulumbaishe Mwaami Lesa mumusena wakwe usalalite. Amumulumbaishe uyo uli mwiculu lyakwe lyankusu.

Jobo 37:11

Ulalengesha makumbi kusula maanshi akulengesha kubeka mumakumbi ayo moonse.

Shikushimikila 11:3

Na makumbi kaacite maanshi, alalosha mfula pacishi ca panshi. Nabi cisamu cawita kumalenge nabi kumatwa, ciloona pamusena peenka apo mpocawita.

Matalikilo 1:14

Kuswawaawo Lesa wakaamba ayi, “Akube mimuni mumusena ufongomene kwiculu ayi ipansaanye malumwi amashiku, alimwi akwaamba ayi shibe shitondesho sha shiindi, inshiku amyaaka.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

2 Pita 3:5

Balakaka kashanga kushoma ayi kale kale Lesa, kwiinda mumaswi akwe wakalenga liculu alimwi acishi. Wakalenga inshi kuswa mumaanshi ndyaakapansaanya inshi amaanshi.

Isaya 40:22

Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Kulumbaisha 19:2

Malumwi alalwiita malumwinyina cikani ici aalo mashiku alabandikila mashikunyina mbweeke ubo.