Matalikilo 1:10 - Baibo Busansulushi Bwa Libuku Ili

¹⁰ Lesa wakatumba bulongo buyumu ubo ayi, “Inshi,” aalo maanshi akabunganishikwa pantu pomwi ayi, “Lweenge.” Mpeeke Lesa wakabona kwaamba ayi shintu ishi nshibotu.

Matalikilo 1:10 Referans Kwoze

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Kulumbaisha 104:31

Bulemu bwa Mwaami Lesa abukalilile kwalyoonse alyoonse! Mwaami Lesa aasangalale pashintu nshaakalenga!

Matalikilo 1:4

Lesa wakabona kwaamba ayi mumuni ngubotu, lyalo wakapansaanya mumuni amunshinshe.

Kulumbaisha 33:7

Maanshi a mulweenge wakaabunjika anga ngalya ali munongo. Mwaami Lesa mwiine ngowakaashinkila kuba mumisena njaabeteemo.

Kulumbaisha 95:5

Ulalela maanshi a mulweenge ayo ngaakalenga alimwi ulalela cishi coonse ncaakabumba mwiine.

Kulumbaisha 146:6

Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.

Jona 1:9

Jona wakakumbula ayi, “Ndi muEbulu. Ndalambila Mwaami Lesa, uli ngoLesa wa kwiculu uyo wakalenga inshi alweenge.”