Matalikilo 1:1 - Baibo Busansulushi Bwa Libuku Ili

¹ Kumatalikilo Lesa wakalenga liculu acishi ca panshi.

Matalikilo 1:1 Referans Kwoze

Bene Ebulu 11:3

Kwiinda mulushomo, tulishi kwaamba ayi Lesa wakalenga cishi kwiinda mumaswi. Aboobo shintu nshetubona, shakalengwa kuswa mushintu shitaboneki.

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Ciyubululo 4:11

“NoBaami baLesa, baLesa besu, mulyeelete kupekwa bulemu, mucinshi, alimwi ankusu mukwiinga ndimwe mwakalenga shintu shoonse. Ncakwiila kwiinda mukuyanda kwanu shoonse shakaba bweenka mboshibete alimwi shakaba abuumi.”

Bene Ebulu 1:10

Alimwi Lesa wakaamba ayi, “Webo, oMwaami, ndiwe wakalenga cishi ca panshi kumatalikilo, alimwi wakalenga liculu amaansaako.

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Kulonga 20:11

Munshiku shosanwe abomwi, nebo neMwaami Lesa ndakalenga cishi ca panshi, liculu, lweenge alimwi ashintu shoonse shili muli nshisho. Sombi pabushiku bwasanu ashobilo ndakookesha. Nceceeco nebo neMwaami Lesa, ncendakapeta coolwe bushiku bwakookesha bwa Cibelu akubusalasha.

Jobo 38:4

“Sa wakalingaako ndindakalinga kuyaka lwiimbi lwa cishi? Ndwiite tubone na ulicite lushibo luunji.

Milimo ya Batumwi 17:24

Lesa uyo wakalenga cishi ashintu shoonse shiliimo, ngoMwaami weendelesha kwiculu acishi ca panshi. Aboobo taakali mumaanda akayaka bantu, sobwe.

2 Pita 3:5

Balakaka kashanga kushoma ayi kale kale Lesa, kwiinda mumaswi akwe wakalenga liculu alimwi acishi. Wakalenga inshi kuswa mumaanshi ndyaakapansaanya inshi amaanshi.

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Jelemiya 51:15

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Tushimpi 3:19

Mwaami Lesa wakalenga cishi kwiinda mubusongo bwakwe akubika liculu mumusena wa ndilyo kwiinda mumaano akwe akunyumfwisha shintu.

Ciyubululo 14:7

Wakoolobesha ayi, “Amulemeke akulumbaisha Lesa mukwiinga ciindi nceelete koombolosha bantu boonse cashikila! Amumulambile uyo wakalenga liculu, cishi ca panshi, lweenge alimwi atuntupu twa maanshi!”

Kulumbaisha 115:15

Aamupe coolwe Mwaami Lesa uyo wakalenga liculu acishi ca panshi.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Kulumbaisha 136:5

Wakalenga liculu mubusongo bwakwe, ee, mukwiinga lusuno lwakwe ndwamuyayaya.

Jelemiya 10:12

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Kulumbaisha 8:3

Ndimbona mwiculu umo momwakalenga, mweenshi anyenyeenshi nshimwakabika mumisena,

Kulumbaisha 102:25

Kumatalikilo mwakakaba lwiimbi lwa cishi ca panshi, alyalo liculu ngumulimo wa maansaanu.

Bene Ebulu 3:4

Ncakwiila, ŋanda yoonse ilayakwa aumwi muntu, sombi Lesa ngomuyaki wa shintu shoonse.

Kulumbaisha 124:8

Lucafwo lwesu lulaswa kuMwaami Lesa uyo wakalenga liculu acishi ca panshi.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

Tushimpi 16:4

Mwaami Lesa wakabamba meelelesho a shintu shoonse. Meelelesho a bamucita shibi nkunyonyoolwa.

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Kulumbaisha 121:2

Lucafwo lwangu lulaswa kuMwaami Lesa uyo wakalenga liculu acishi ca panshi.

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Isaya 40:28

Sa tamwishi? Sa tamukwe kunyumfwaawo kale? Mwaami Lesa ngoLesa wamuyayaya uyo wakalenga cishi ca panshi coonse. Taaleemi nabi kukopoka alimwi taaku ukonsha kwishiba peela miyeeyo yakwe.

Kulumbaisha 104:24

NoBaami baLesa, mwakalenga shintu shiinji! Ncakwiila shoonsebo mwakashilenga amaano! Ee, cishi ciliswitebo shilengwa shanu.

Kulumbaisha 96:5

Balesa ba mishobo imwi yoonse nshibumbwabumbwabo, sombi Mwaami Lesa ngowakalenga liculu.

Ciyubululo 10:6

akulumbila muliina lyakwe Lesa muumi kwalyoonse alyoonse, wakalenga liculu, cishi ca panshi, lweenge alimwi ashintu shoonse shiliimo. Munjelo wakaamba ayi, “Ciindi ono camana!

Bene Loma 11:36

Ceebo shintu shoonse nguLesa wakashilenga, ngooshibamba alimwi nshuumi ceebo ca nguwe. Kuli Lesa akube bulemu lyoonse. Ameni!

Milimo ya Batumwi 4:24

Ono bashomi ndibakanyumfwa makani aya, boonse bakapailila pantu pomwi amoyo womwi ayi, “Nkambo Lesa, mwebo nomwakalenga kwiculu, cishi amilonga alimwi ashintu shoonse shiliimo.

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Isaya 37:16

“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Kulumbaisha 146:6

Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.

Kulumbaisha 134:3

Mwaami Lesa uyo wakalenga liculu acishi ca panshi aamupe coolwe kuswa kuSiyoni.

Ciyubululo 22:13

Nebo ndime Alufa alimwi aOmega, nkokwaamba ayi Mutaanshi alimwi aWakweelaako, ndime Matalikilo aMamanino.”

1 Joni 1:1

Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.

Maako 13:19

Mukwiinga mapensho eshi akabeeko ciindi ico taakwe kubonekaawo kale, kuswabo Lesa ndyaakatalika kulenga cishi ca panshi kushikila asunu. Ncakwiila teshi akabooleewo.

Isaya 40:26

Amwiinune mitwi akulanga kwiculu. Ngani wakalenga shintu shoonse ishi shiliimo? Bana ndime alimwi ndime ŋensha nyenyeenshi anga ndikoto lya bashilumamba. Nyenyeenshi yomwi ayomwi ndiishi liina lya njiyo. Ceebo ca nkusu shangu shinene alimwi abulemu, taaku nyenyeenshi nabi yomwi yakasoweka.”

Kulumbaisha 104:30

Sombi na mwashipa muuya wanu shilaba abuumi. Ncakwiila mulapa buumi kucishi ca panshi coonse.

1 Makani 16:26

Balesa ba mishobo imwi yoonse nshibumbwabumbwabo, sombi Mwaami Lesa ngowakalenga liculu.

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.

Bene Efeso 3:9

Wakampa amulimo wakusansulwita bantu boonse Lesa mbweshi akalengeshe muyeeyo wakwe wa bushishi kucitika. Lesa, uyo wakalenga shintu shoonse, walinga kushisite cikani ici kuswabo kale kale.

Isaya 51:13

cakwaamba ayi mulube ndime neMwaami Lesa, uyo wakamulenga? Nebo neMwaami Lesa ndime ndakafungulula liculu akuyaka lwiimbi lwa cishi ca panshi. Ceebonshi mutookala aboowa lyoonse kuloonda bukali bwa baabo bamulyatilila alimwi balibambite kumunyonyoola? Bukali bwabo bulya tabukoonshi kushika pali ndimwe.

Isaya 65:17

Mwaami Lesa waamba ayi, “Ntoolenga liculu lipya acishi ca panshi cipya. Shintu shikulukulu shilaakulubwa alimwi teshi shikeebalukweewo napaceyi.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.

Jobo 26:13

Muuya wakwe ngowakalengesha ayi liculu litube. Lyaansa lyakwe ndilyakoma mulongolo wa mulweenge wakalinga kucica.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Jobo 9:8

Lakwe eenka ngowakafungulula liculu alimwi ngookonsha kulyatoola maaba a palweenge.

Isaya 40:21

Sa tamwishi? Sa tamukwe kunyumfwaawo? Sa tamukwe kushimikilwaawo kuswa kumatalikilo? Ee, sa tamukwe kunyumfwaawo kuswabo cishi ndicakalengwa?

2 Baami 19:15

akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

2 Makani 2:11

Ilamu mwaami wa kuTaya wakakumbula Solomoni munkalata. Wakalemba ayi, “Ncakwiila nceebo cakwaamba ayi Mwaami Lesa ulisuni bantu bakwe, ncaakubikila pabwaami kwaamba ayi ube muleli wabo.

Kulumbaisha 8:4

anu muntu nciinshi ngweenga kamuyeeya? Muntubo nciinshi cakwaamba ayi kamumulama?