Malilo 5:22 - Baibo Busansulushi Bwa Libuku Ili

²² NoBaami baLesa, sa mwatukaka kwamuyayaya? Sa bukali bwanu buyoosha teshi bukamaane?

Malilo 5:22 Referans Kwoze

Osiya 1:6

Goma wakamita alimwi akushala mwaana mwanakashi. Lyalo Mwaami Lesa wakaŋambila ayi, “Mwaana uyo mutumbe ayi Lo Luyama mukwiinga teshi nkatondeshewo bene Isilaeli tubili lusuno nabi kulekelela shibiibi shabo.

Esekelo 37:11

Mpeeke Mwaami Lesa Shinkusu shoonse wakandwiita ayi, “Webo omuntu, mafuwa aya ngumushobo wa bene Isilaeli woonse. Balo balaamba ayi, ‘Mafuwa esu akayuma, kulangila kwesu kwakamaninina. Ncakwiila twanyonyooka cakumaninina.’

Isaya 64:9

NoBaami baLesa mutakalalilibo limwi pali ndiswe cakutabooshamo myoyo. Muteebaluki shibiibi shesu kwamuyayaya mukwiinga soonse tuli bantu banu.

Kulumbaisha 44:9

Ono bulya mwatufutatila akutulekela mumaansa abalwani besu. Bulya mwakacileka kuya abashilumamba besu mukulwana.

Kulumbaisha 53:5

Ono bantu abo balaloonda abuumbi, banjilwa boowa mbobatana kubaabo kale. Lesa ulaakupalanganya shifuwa sha baabo boonse balwana bantu bakwe. Balaakulenshekwa nsoni mukubakoma ceebo Lesa wabakaka.

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Jelemiya 14:19

NoBaami baLesa, sa cishi ca Juda mwacikakilabo limwi? Sa bene Siyoni mulibapatite? Ceebonshi mwatucisa cakwaamba ayi tatukoonshi kushilikwa? Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa kuloondesha.

Kulumbaisha 74:1

Mwebo nobaLesa, nciinshi ncemwatufutatilila kwaciindi cilaamfu bobulya? Ino nciinshi ncemwakalalila bantu banu kwalyoonse alyoonse?

Kulumbaisha 79:5

NoBaami baLesa, sa munanookalalitebo kwalyoonse alyoonse? Citooba ciindi cilaamfu buyani busuba bwanu kabunyaka anga ngumulilo?

Jelemiya 6:30

Bantu aba baleetwa ayi, ‘Silifa ikakitwe’ ceebo Mwaami Lesa wabakaka.”

Esekelo 24:13

“Webo ondabala ya Jelusalemu bufuule bwako nshendalabwa. Ndakeelesha kukusansha ayi utube, sombi cakaala. Ono teshi ukatubeewo alimwi, sobwe, kushikila ukanyumfwe cilemeneshi ca bukali boonse.