Malilo 3:39 - Baibo Busansulushi Bwa Libuku Ili

³⁹ Ino ono ceebonshi muntu ulatongooka na wapekwa mulandu pashibiibi shakwe?

Malilo 3:39 Referans Kwoze

Mika 7:9

Ceebo cakwaamba ayi twakabishisha Mwaami Lesa, tulyeelete kunyumfwa bukali bwakwe paciindi cino. Sombi ulaakwisa mukutufuna akutucitila ciluleme mushintu nshetwakabishilwa. Lyalo ulaakutuboosha mumumuni. Ncakwiila lupulusho lwakwe tulaakulubona ameenso esu.

Tushimpi 19:3

Muntu ulalinyonyoosha kubuluya bwakwe mwiine, sombi moyo wakwe ulakalalila Mwaami Lesa.

Jelemiya 30:15

Amucileeke kutongooka pashilonda shanu, ee, pashicisa shanu shitacite abwakushishilika. Ndakamucita bobulya ceebo ca mulandu wanu unene ashibiibi shanu shiinji.

Malilo 3:22

Ceebo ca lusuno lwa Mwaami Lesa lutamaani, teshi tukalobeewo mukwiinga lakwe lusuno lwakwe ndwamuyayaya.

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Jobo 11:6

akukwaambila bushishi buli mubusongo bwiine bwiine. Mukwiinga busongo bwiine bwiine bulicite nshila shobilo. Ono shiba ayi Lesa taatookupensha kweelana abweelete milandu yako.

Esila 9:13

Anu isho shakacitika kuli ndiswe, shakacitika ceebo ca micito yesu ibiibi iyo italifulili. Nakubi boobo, nobaLesa besu mwatupa mulandu uniini kwiinda shibiibi shesu mbosheelete alimwi mwatusuminisha kunoocili boomi swebo sotwacaalaawo.

2 Baami 6:32

Mpomunyaawo wakatuma muntu ayi alete Elisha. Muciindi ico, Elisha wakalinga kuŋanda abamaloba abo bakalinga bamufwakashila. Shinkombe wa mwaami kaatana kushika, Elisha wakaambila bamaloba ayi, “Mucayi ulya watuma muntu kwisa mukunsutula mutwi! Ono na apole, mucalisheeko kumulyango kwaamba ayi atenjili. Lakwe mwaami unanooli kwisule lya muntu uyo, keesa.”

2 Baami 3:13

Mpeeke Elisha wakaambila mwaami wa bene Isilaeli ayi, “Ceebonshi mwesa kuli ndime? Tamukwe kuyitanshi kubalaluki ba baishiwanu abanyinawanu?” Jolamu wakakumbula ayi, “Sobwe, Mwaami Lesa ngoweeta swebo sobamaami sotatwe ayi atwaabe mumaansa a bene Moabu.”

Shakubelenga 17:12

Bene Isilaeli bakaambila Mose ayi, “Ono nditwamanaawobo soonse!

Shakubelenga 11:11

Lyalo wakeepusha Mwaami Lesa ayi, “Ceebonshi mwancitila shintu ishi? Ceebonshi tamutoosangalala muli ndime? Ceebonshi mwakampa mulimo wa kweendelesha bantu boonse aba?

Bene Lefi 26:43

Sombi cakutaanguna, nkukusha bantu bali mucishi ico kwaamba ayi cookeshe cakumaninina, alimwi ayi balipile mulandu wabo woonse wakukaka milawo alimwi amilasho yangu.

Bene Lefi 26:41

kunengesha ayi mbafutatile alimwi akubatuma mukwikala mucishi ca balwani babo. Ono kunembo na bamulunyungu lwanu bakaboneshekwe kubisha kwabo, akulipila pamulandu wabo,

Ciyubululo 16:9

Aboobo kulungula kwakabatenta abuumbi. Mpeeke bakacobola Lesa ucite nkusu shakuleta myaalu ili bobulya. Nakubi boobo tabakwe kusanduka kuswa kushibiibi shabo kwaamba ayi bamulumbaishe.

Shakubelenga 16:41

Ndibwakaca, bene Isilaeli bakatongooka kuli Mose aAloni. Bakaamba ayi, “Mwakacaya bantu ba Mwaami Lesa.”

Kulumbaisha 107:17

Bamwi bakaba baluya ceebo ca shibiibi shabo, alimwi bakapenga ceebo ca shilubo shabo.

2 Baami 6:33

Elisha kaatana kumanisha kwaamba makani aya, mwaami wakesa waamba ayi, “NguMwaami Lesa walengesha ayi mapensho aya kwisa pali ndiswe! Ino ono noolindililanshi lucafwo kuswa kuli nguwe?”

Jobo 15:13

Sa nkwaamba ayi ukalalile Lesa kwiinda mukwaamba maswi a mushobo uyo ngootokwaamba?

Jelemiya 10:19

Bene Jelusalemu bakumbula ayi, “Mapensho kuli ndiswe ceebo ca shilonda shesu. Ncakwiila ceebo ca shilonda shesu shitatoomanaawo. Twakalinga kuyeeya ayi inga twakonsha kuliyuminisha.