Malilo 2:4 - Baibo Busansulushi Bwa Libuku Ili

⁴ Weeleka buta bwakwe bweenka mbuli mulwani. Ncakwiila lyaansa lyakwe lyalulyo lyalibambila. Wakamana kucaya bantu boonse balinga kutukonda bweenka bucita mulwani. Wakapukula bukali bwakwe anga ngumulilo pandabala inene ya Siyoni.

Malilo 2:4 Referans Kwoze

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Esekelo 24:25

Mpeeke Mwaami Lesa wakaamba ayi, “Ono webo omuntu, ndaakubanyaya Ŋanda yangu, ee, ciyubilo ncebalisumpwitaawo ico cibapa bulemu, ncebasangalalilaamo alimwi cisangalasha meenso abo. Ndaakutola busha bana babo basankwa abanakashi.

Jelemiya 21:5

Lyalo ndaakumulwana nebo nemwiine alyaansa litandabikitwe licite nkusu shiinji mubukali bwangu buyoosha amubukali bwangu bwa mishobo umwi bwiindaawo.

Isaya 42:25

Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Jelemiya 30:14

Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Jobo 6:4

Mifwi yakwe Lesa Shinkusu shoonse ilinjasite. Bukali bwa njiyo butokweendeenda mumubili. Shintu shiyoosha shakwe Lesa sheelekwa kuli ndime.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Esekelo 36:18

Aboobo ndakabalengesha kunyumfwa cilemeneshi ca bukali bwangu buyoosha ceebo ca bulowa mbobakatila mucishi alimwi mukwiinga bakacibisha kushibumbwabumbwa shabo.

Esekelo 22:22

Bweenka silifa mboosungululwa mumunyumbi, mbweeke ubo mbweshi mukasungululwe mundabala ya Jelusalemu. Lyalo mulaakwishiba ayi nebo neMwaami Lesa ndime ndatila bukali bwangu pali ndimwe.’ ”

Esekelo 6:12

Abo bali kulaamfu balaakufwa kumwaalu. Abo bali pafwaafwi balaakufwa kunkondo. Abalo abo beshi bakapuluke akucaalaawo, balaakufwa kunsala. Anu ubo mbweshi nkabalengeshe kunyumfwa cilemeneshi coonse ca bukali bwangu.

Esekelo 5:13

“ ‘Cilemeneshi ca bukali bwangu buyoosha boonse mulaakucinyumfwa ndaakumana kuboosha cishole. Pakumana kubatondesha bukali bwangu buyoosha, ndyeshi bakeshibe kwaamba ayi nebo neMwaami Lesa ndaamba kuli ndimwe ceebo ndikalalite abuumbi pakutashomeka kwanu.

Malilo 4:1

Ino golodi wabica buyani? Golodi wiine wiine wacileka buyani kubekabeka? Mabwe amakwebo a Ŋanda yakwe Lesa apalanganina mumikwakwa ya ndabala yoonse.

Malilo 3:3

Ndushinisho wakanguma lyobilo lyobilo. Ee, wakanguma cakubula kunyumfwila nkumbu.

Malilo 2:5

Mwaami Lesa wakanyonyoola Isilaeli bweenka mbuli mulwani. Ee, wakamana kunyonyoola maanda a bwaami ashiyubilo sha mumo shoonse. Ncakwiila wakanungilako kulila akuungumana mucishi ca Juda.

Jelemiya 36:7

Mpashi inga bapaila kuMwaami Lesa akusanduka kuswa kunshila shabo shibiibi mukwiinga Mwaami Lesa wakaloondesha bantu aba kubukali bwakwe buyoosha abuumbi.”

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

Isaya 63:6

Ndakabalyatoola paciindi ndindakalinga kukalalite. Ceebo cakufundililwa kwangu ndakabalengesha kukolwa akutila bulowa bwabo panshi.”

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

2 Makani 34:21

“Kamuya mukeepushileko ndime abene Juda boonse kuMwaami Lesa pasheesho shilembetwe mulibuku lya Milawo ili lyacanikwa. Mwaami Lesa ulikalalite abuumbi pali ndiswe mukwiinga bamashali besu bakulukulu tabakwe kukonkela maswi a Mwaami Lesa mukutacita kweelana asheesho shoonse shilembetwe mulibuku ili.”

Kulumbaisha 37:14

Bamucita shibi balasomona mipeeni yabo akweeleka mata abo, kwaamba ayi bacaye bakandu, bataaku mbobabete alimwi abaabo beenda cabululami.

Jelemiya 10:20

Matente esu anyonyoolwa antaambo sha ngawo shoonse shasutoolwa. Bana besu boonse batupalangana teshi tukababonewo tubili. Taaku awacaala weenga watupopelako matente alimwi nabi weenga watuyakilako shimpaka.”

Esekelo 20:34

Ndaakumuboosha kuswa kumishobo imwi alimwi amushishi umo momwakapalanganina alyaansa lyangu lyankusu, lyaansa litambitwe alimwi abukali buyoosha.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

1 Samwelo 28:16

Samwelo wakaamba ayi, “Ino utoonjipushishanshi oobwene ayi Mwaami Lesa taabete awebo alimwi waba mulwani wako?

Jobo 19:11

Lesa utoosuntabo kubukali pali ndime. Ncakwiila nebo ulambelengela pabalwani bakwe.

Kulumbaisha 7:13

Wabamba kale shilwanisho shicaya, amifwi yakwe ya mulilo.

Jelemiya 42:18

“Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Bweenka bukali bwangu bwiindaawo mbobwakapoomokela pali baabo bakalinga kwikala kuJelusalemu, mbweeke ubo mbweshi bukapoomokele ndimwe mwaakuya kuIjipiti. Lyalo mulaakuba cintu ceelete kushinganwa, kuloondwa, kushibulukwa akusekwa. Cishi cino teshi mukacibonewo tubili.’ ”

Malilo 1:13

“Wakatuma mulilo kuswa kwiculu kwiine. Ee, wakatuma mulilo mumafuwa angu. Kuswawaawo wakanteya koose kumyeendo akungwishisha panshi. Wakanshiya kaampenga, ndushinisho kupenga cakunoowisookabo bushiku boonse.

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.

Esekelo 7:14

Nabi bakalishe lupeenga akubamba shoonse, taaku nabi womwi weshi akaye kunkondo ceebo bukali bwangu buli pamuntu woonse.

Esekelo 13:13

“Paceebo ceeco Mwaami Lesa Shinkusu shoonse ndaamba ayi, ‘Mubukali bwangu buyoosha, ndaakutuma cipuupu cinene, mfula ya mabwe alimwi amfuula inene abuumbi ilaakwisa mukunyonyoola lubumbu.