Malilo 2:3 - Baibo Busansulushi Bwa Libuku Ili

³ Mubukali bwakwe buyoosha wakanyaya Isilaeli nkusu shoonse. Wakakaka kubacafwa balwani babo ndibakesa. Wakanyaka kubamulunyungu lwakwe Jakobo, bweenka bubilima mulilo utenta shintu shoonse shili pafwaafwi.

Malilo 2:3 Referans Kwoze

Kulumbaisha 74:11

Nciinshi ncemwakakila kutucafwa alyaansa lyanu lyalulyo? Amufungulule lyaansa lyanu akubanyonyoola?

Isaya 42:25

Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Kulumbaisha 75:10

Nkusu sha bamucita shibi ulaakushikoma. Sombi nkusu sha baluleme shilaakufushikwa.

Kulumbaisha 75:5

Mutalisumpuli pankusu shanu kuli Lesa. Mutanokwaamba cakulinaamuna.’ ”

Jelemiya 48:25

Nkusu sha mucishi ca Moabu shatimbulwako, lyaansa lyankusu lya Moabu lyanyonyoolwa. Nebo neMwaami Lesa ndaamba.”

Kulumbaisha 89:46

NoBaami baLesa, mutootola nciindi cilaamfu buyani kamulishisa? Ino citooba ciindi cilaamfu buyani bukali bwanu kabunyaka anga ngumulilo?

Kulumbaisha 79:5

NoBaami baLesa, sa munanookalalitebo kwalyoonse alyoonse? Citooba ciindi cilaamfu buyani busuba bwanu kabunyaka anga ngumulilo?

Luka 3:17

Lakwe ulicite kale acakuululushishako maila kwaamba ayi akaaululushe akwaalongela mubutala. Lyalo ulaakutenta buungu boonse mumulilo utashimiki.”

Luka 1:69

Watupa Mupulushi ucite nkusu kuswa mulunyungu lwakwe Defedi musebenshi wakwe.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Jelemiya 21:14

Ndaakumupa mulandu kweelana abweelete micito yanu. Ndaakukumika mulilo muŋanda yanu ya bwaami uyo weshi ukateente shintu shoonse nshimushingulukite. Nebo neMwaami Lesa ndaamba.”

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Isaya 1:31

Ono bweenka kalilo kaniini mbokatenta bwiisu buyumu, mbweeke ubo beshinkusu mbweshi bakanyonyoolwe kububi bwabo. Ndushinisho taaku weshi akakonshe kumanisha kunyonyooka kwabo.

Kulumbaisha 132:17

Uko nkweshi nkabike womwi pabamulunyungu lwakwe Defedi mwaami shinkusu. Anu ndaakulengesha bwaami bwa mwaami ngondakasala kutolelela pabamulunyungu lwakwe.

Kulumbaisha 89:24

Ndaakunoomusuni cakushomeka. Ndaakumupa nkusu shakunookoma lyoonsebo.

Jobo 16:15

“Ntoolila akufwala masaka kutondesha buumba. Ndatondesha kulibombya kwiinda mukwikala mulusuko.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

Malilo 1:13

“Wakatuma mulilo kuswa kwiculu kwiine. Ee, wakatuma mulilo mumafuwa angu. Kuswawaawo wakanteya koose kumyeendo akungwishisha panshi. Wakanshiya kaampenga, ndushinisho kupenga cakunoowisookabo bushiku boonse.

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.

Esekelo 7:14

Nabi bakalishe lupeenga akubamba shoonse, taaku nabi womwi weshi akaye kunkondo ceebo bukali bwangu buli pamuntu woonse.

Esekelo 13:13

“Paceebo ceeco Mwaami Lesa Shinkusu shoonse ndaamba ayi, ‘Mubukali bwangu buyoosha, ndaakutuma cipuupu cinene, mfula ya mabwe alimwi amfuula inene abuumbi ilaakwisa mukunyonyoola lubumbu.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.