Malaki 4:6 - Baibo Busansulushi Bwa Libuku Ili

⁶ Lakwe ulaakulengesha bamashali basankwa ayi batalike alimwi kunyumfwana abana babo. Na bakabule kucita boobo, ndaakwisa mukunyonyoola cishi canu.”

Malaki 4:6 Referans Kwoze

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Danyelo 9:11

Bene Isilaeli boonse bakapwaya milawo yanu akukaka kunyumfwila sheesho nshemwakaamba. Twakamubishisha, aboobo mwakatuletela mashingo alembetwe muMilawo yakwe Mose musebenshi wanu.

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.

Luka 1:76

Webo omwanaangu ulaakwiitwa ayi ndiwe mulaluki wakwe Lesa wa kwiculu Wiindaawo, mukwiinga webo ulaakululamikila Mwaami nshila, lakwe kaatana kwisa.

Isaya 65:15

Bantu bangu mbondakasala balaakunosebensesha liina lyanu pakushingana. Nebo neMwaami Lesa Shinkusu shoonse ndaakubanyonyoola. Sombi basebenshi bangu balo ndaakubapa liina limwi.

Isaya 61:2

Wantuma akwaambilisha ayi uno ngomwaaka uyo Lesa ngweshi apulushe bantu bakwe akuboosha cishole kwakwe Lesa. Wakantuma kwaamba ayi ngumbulushe bantu boonse batoolila.

Ciyubululo 22:3

Mundabala iyo teshi mukacanike cintu nabi comwi ico Lesa ncaakashingana. Cuuna ca bwaami cakwe Lesa alimwi aMwanaambelele cilaakunooli mundabala inene iyi, mpeeke basebenshi bakwe balaakumulambila.

Sekaliya 14:12

Mwaami Lesa ulaakuleta mwaalu uyoosha kubamumishobo yoonse abo balwana ndabala ya Jelusalemu. Mibili yabo ilaakuboola kabacili boomi. Ncakwiila meenso abo alaakuboolela mumakobo ayalo milaka yabo ilaakuboolela mumilomo yabo.

Sekaliya 14:2

Lyalo Mwaami Lesa ulaakubunganya bantu ba mishobo yoonse kwaamba ayi bese balwane ndabala ya Jelusalemu. Bantu abo balaakukoma ndabala iyo akusaala maanda oonse. Banakashi balaakukumanishikwa cakukakatishikwa. Musa wa bantu ba mundabala iyo balaakutolwa busha, sombi bamwi balaakucaala mweenka umo.

Sekaliya 13:8

Shipansha shobilo sha shotatwe sha bantu mucishi coonse, balaakufwa. Ee, kulaakucaalabo cipansha comwi.

Sekaliya 5:3

Lyalo wakandwiita ayi, “Mucakulembelaawo umo mulilembetwe lishingo litooya mucishi coonse. Kulubasu lumwi kulilembetwe maswi akwaamba ayi mwiipi uli woonse ulaakutandaanishikwa alimwi kulubasu lumwi kulilembetwe ayi uyo woonse weshi anooshomesha cakulumbila cabubeshi alakwe ulaakutandaanishikwa.

Isaya 43:28

Abalo baleli banu bakabisha musena wangu usalalite. Paceebo ceeco ndakalengesha bene Isilaeli kunyonyoolwa. Ncakwiila ndakalekelesha bantu bangu ayi bacobolwe.”

Isaya 24:6

Mwaami Lesa washingana cishi ca panshi. Bantu bekala mumo bapekwa mulandu paceeco ncebakacita. Aboobo bantu bamana kuloba cakwaamba ayi kwacaalabo baniini.

Maako 11:21

Mpeeke Pita wakeebaluka cakacitika, lyalo wakaambila Jesu ayi, “Nkambo, amubone cisamu ca mukuyu cilya ncemwakashingana cayuma!”

Mateyo 22:7

Mpomunyaawo mwaami wakakalala abuumbi. Mpeeke wakatuma bashilumamba bakwe kuya mukunyonyoola bacayi abo akutenta ndabala yabo inene.

Sekaliya 11:6

Paceebo ceeci teshi nkabanyumfwilewo nkumbu bantu ba mucishi ici. Muntu woonse ndaakumwaaba kuli shikamukobonyina akumwaami wakwe. Bantu aba balaakubalyatilila, sombi nebo teshi nkabafuneewo sobwe. Nebo neMwaami Lesa ndaamba.”

Bene Ebulu 6:8

Sombi na mumuunda umo kamumena myuumfwa alimwi atulembwelembwe taucite mpindu alimwi ingayi Lesa uli pafwaafwi kuushingana, pesule akuunyonyoola mumulilo.

Isaya 40:3

Muntu utokoolobesha ayi, “Muluyanga amubambeemo nshila ya Mwaami Lesa! Ee, amululikile mukwakwa Lesa wesu muluyanga.