Malaki 1:11 - Baibo Busansulushi Bwa Libuku Ili

¹¹ Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Malaki 1:11 Referans Kwoze

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Isaya 45:6

Ndaakucita boobo kwaamba ayi boonse kuswa kweela cishi akweela cishi banshiibe ayi ndime Mwaami Lesa alimwi taaku lesa aumwi kulekabo ndime.

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Sekaliya 8:7

Mwaami Lesa Shinkusu shoonse waamba ayi, “Ndaakupulusha bantu bangu kuswa kushishi sha kwicwe asha kumbo.

Kulumbaisha 50:1

Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

Kulumbaisha 67:2

kwaamba ayi bamucishi ca panshi coonse beshibe kuyanda kwanu, ee, kwaamba ayi mishobo yoonse ishibe lupulusho lwanu.

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Luka 1:10

Sekaliya ndyaakalinga kutenta tununkila kabotu, likoto lya bantu lyakalinga pansengwe kalipaila.

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Sefaniya 3:9

“Ono ndaakusandula bwikaalo bwa bantu ba mumishobo imwi kwaamba ayi boonse bakanoopaila kuli ndime akunoosebenselabo ndime neenka camoyo womwi.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Amosi 9:12

Munshila iyo bene Isilaeli balaakukoma baabo beshi bakacaaleewo pabene Edomu alimwi amishobo imwi yoonse yakalinga yangu. Nebo neMwaami Lesa ndaamba alimwi ici ndaakucicita cancinencine.”

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Kulumbaisha 113:3

Liina lya Mwaami Lesa alilumbaishikwe kuswa kwicwe kushikila akumbo.

Mateyo 8:11

Ntoomulwiita ayi bantu baanji balaakuswa kwicwe akumbo kwisa mukulya pantu pomwi aAbulaamu, Isaki alimwi aJakobo muBweene bwa kwiculu.

2 Bene Tesalonika 1:12

Mukucita boobo, liina lya Mwaami wesu Jesu lilaakupekwa bulemu ceebo canu. Amwebo ulaakumulengesha kuba abulemu. Shoonse ishi shilaakucitika ceebo ca luse lwakwe Lesa wesu alwa Mwaami Jesu Klistu.

Kulumbaisha 45:17

Ndaakumutola mpuwo akumashalane oonse acisa kunembo, paceebo ceeco bantu boonse balaakunoomulumbaisha kwamuyayaya.

Kulumbaisha 48:10

Ono bweenka liina lyanu mbolipukite, abalo bamulumbaisha mbobakumenebo cishi coonse ca panshi, mukwiinga lyaansa lyanu lyalulyo liliswitebo bululami.

Kulumbaisha 111:9

Wakapulusha bantu bakwe, wakapanga cipangano citamaani ambabo. Liina lyakwe lilisalalite alimwi lilaloondesha.

Isaya 12:4

Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

Isaya 12:5

Amwiimbile Mwaami Lesa ceebo wacita shintu shabulemu. Cikani ici acishibikwe mucishi coonse ca panshi.

Isaya 66:18

Miyeeyo yabo alimwi amicito yabo ndiishi. Ono ntoosa mukubunganya bantu ba mumishobo yoonse. Lyalo baakubungana, balaakubona shikonsha kucita nkusu shangu

Jelemiya 10:6

Taakuuwo muntu nabi womwi weelene andimwe noBaami baLesa. Mwebo mulicite nkusu. Ncakwiila liina lyanu lilicite nkusu shiindaawo.

Jelemiya 10:7

Anu ngani uteelete kumulemeka, mwebo noBaami ba mishobo yoonse? Ndushinisho bulemu bulyeelete ndimwe. Pabasongo boonse bamumishobo amumalelo abo oonse, taaku ngomweelenaakwe.

Danyelo 2:45

Mwakabona libwe mbolyakakomoka kuswa pakalundu lyeenkabo kwakubula amuntu wakalikomona ambolyakapwayoola cibumbwabumbwa cakabumbwa cakapangwa anshimbi, bulonse, bulongo bwakutenta, silifa alimwi agolodi. Nobaami, Lesa wiindaawo bulemu utoomulwiita sheshi shikacitike kunembo. Ndamulwiita bweenka mbomwakalota alimwi akumulwiita mbocaamba cakutashiyaawo nabi comwi.”

1 Makani 16:25

Mwaami Lesa uleendaawo alimwi ulyeelete kulumbaishikwa. Ncakwiila ulyeelete kulemekwa kwiinda balesa boonse.

Kulumbaisha 48:11

Kuli kusangalala muKalundu ka Siyoni. Muli kukondwa mumishi ya Juda, ceebo muloombolosha kabotu.

Kulumbaisha 65:9

Mulalama cishi kwiinda mukucipa mfula, mulacipa mboleshi shiinji abuumbi. Tulonga twanu mulatususha maanshi kwaamba ayi bantu babe ashilyo. Mboboobo mbomwakacibamba ayi cibe.

Kulumbaisha 86:9

NoBaami baLesa, mishobo yoonse njemwakalenga ilaakwisa mukumufukamina, alimwi balaakulumbaisha bulemu bwa liina lyanu.

Kulumbaisha 96:8

Amulumbaishe liina lyabulemu lya Mwaami Lesa. Amulete cipo akwisa muŊanda yakwe.

Kulumbaisha 138:5

Balaakwiimba shanshila shanu noBaami baLesa ceebo bulemu bwanu mbunene abuumbi.

Isaya 19:21

Mwaami Lesa ulaakuliyubulula kubene Ijipiti. Balaakumutambula akutalika kumulambila. Balaakunoobenga milambu akuleta shipo kuli nguwe alimwi balaakunooshomesha cakulumbila kuli nguwe akucita kweelana ambweshi bakanooshomesha.

Isaya 30:27

Amubone bulemu bwa Mwaami Lesa bulabonekelabo kulaale. Mwaami Lesa ulatondesha bukali bwakwe mumulilo, alimwi amulikumbi lya bwiishi. Milomo yakwe itootutumabo kubukali aalo maswi akwe alibo anga ngumulilo unyonyoola.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Malaki 3:3

Ulaakusalasha bantu bweenka shikusungulula silifa mbwaaubotesha mumunyumbi. Nkokwaamba ayi bweenka shikupanga sheela mbwaabotesha silifa agolodi mumunyumbi, mbweeke ubo muntu wa Mwaami Lesa uyo mbweshi akasalashe bapailishi ayi bakanoobenga milambu yeelete kuMwaami Lesa.