Maako 9:25 - Baibo Busansulushi Bwa Libuku Ili

²⁵ Lyalo Jesu ndyaakabona ayi batooya cifulilaako bantu, wakakalalila shikaswa uyo ayi, “Webo oshikaswa, nookasha kunyumfwa akwaamba, ntookulwiita ayi uswe mumusankwa uyu alimwi utakaboolimo lyobilo.”

Maako 9:25 Referans Kwoze

Milimo ya Batumwi 16:18

Wakalinga kucita boobo kwanshiku shiinji. Mpeeke Paulo wakakalala akupiluluka kwaambila shikaswa wakalinga mumwanakashi uyo ayi, “Kwiinda munkusu shakwe Jesu Klistu ntookwaambila ayi swaamo mumwanakashi uyu!” Paciindi ceenka ico shikaswa wakaswaamo.

Luka 9:42

Mwaana uyo ndyaakalinga kuya kuli Jesu shikaswa wakamuwaala panshi akumunyukumuna. Sombi Jesu wakakalalila shikaswa akushilika mwaana uyo. Mpeeke wakamuboosha kuli baishi.

Maako 9:15

Ndibakabona Jesu, bantu boonse bakakankamana abuumbi, mpeeke bakamucicilila kuya mukumwaansha.

Mateyo 17:18

Mpomunyaawo Jesu wakakalalila shikaswa uyo wakalinga mumusankwa uyo, mpeeke wakaswaamo. Lyalo wakaba kabotu paciindi ceenka ico.

Judi 1:9

Nabi munene wa baanjelo Mikayelo, ndyaakalinga kupikishanya aMubiibi pacikani cakubwesa mutuntu wakwe Mose, taakwe kupa mulandu Mubiibi ulya camucobwe, sombi wakaambabo ayi, “Mwaami Lesa akupe mulandu!”

Luka 11:14

Jesu wakalinga kukusha shikaswa wakalinga kukasha musankwa umwi kwaamba. Shikaswa ndyaakaswaamo, muntu uyo wakatalika kwaamba. Mpeeke bantu boonse bakalingaawo bakakankamana.

Luka 8:29

Wakaamba boobo mukwiinga Jesu wakaambila shikaswa ayi asweemo muli nguwe. Mankanda aanji shikaswa uyo wakalinga kumucata. Ono nabi bamwaanga ncetani anshimbi kumaansa akumyeendo ayi bamulaame, wakalinga kusutoola. Lyalo shikaswa wakalinga kumutola muluyanga.

Luka 4:41

Bashikaswa bakaswa mubantu baanji kaboolobesha ayi, “Ndiwe Mwanaakwe Lesa!” Sombi lakwe wakabakalalila akubakasha kwaamba mukwiinga balo bakalinga kumwishi ayi ngoUsalitwe wakwe Lesa.

Luka 4:35

Lyalo Jesu wakakalalila shikaswa ayi, “Umuna swa muli nguwe!” Shikaswa wakamuwisha panshi pakati ka bantu akuswa muli nguwe cakutamucisaawo.

Sekaliya 3:2

Mpeeke munjelo wa Mwaami Lesa wakaambila Satana ayi, “Mwaami Lesa aakukalalile. Ncakwiila Mwaami Lesa uyo usunishi ndabala ya Jelusalemu aakukalalile! Musankwa uyu ulibo anga ndukuni lwayokolwa mumulilo.”

Mateyo 12:22

Mpomunyaawo bantu bamwi bakaleta musankwa moofu wakalinga kutaamba kuli Jesu ceebo wakalinga kucite shikaswa. Peenka wakamushilika, aboobo wakatalika kwaamba akubona.

Maako 9:24

Mpeeke baishi mwaana ulya bakaponsomoka akwaamba ayi, “Ndashoma, sombi ntoosenga ayi muncaafwe ayi nshome cancinencine!”

Maako 9:26

Ndyaakamana koolobesha shikaswa, wakamunyukumuna cankusu, mpeeke wakaswaamo. Mpomunyaawo mwaana uyo wakaboolabo anga ngumuntu ufwite, lyalo bantu baanji bakatalika kwaamba ayi, “Wafwa ono!”