Maako 5:7 - Baibo Busansulushi Bwa Libuku Ili

⁷ Wakoolobesha aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndaseenga muliina lyakwe Lesa ayi utampenshi.”

Maako 5:7 Referans Kwoze

Mateyo 8:29

Mpomunyaawo bakoolobesha ayi, “Ino twamucitanshi mwebo nobana bakwe Lesa? Sa mwesa mukutupensha ciindi kacitana kushikila?”

Milimo ya Batumwi 16:17

Uyu mwanakashi wakalinga kwisa cikonkela Paulo aswebo, kaaolobesha ayi, “Aba basankwa mbasebenshi bakwe Lesa wa kwiculu Wiindaawo! Batooshimikila mbweenga mwapulushikwa.”

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Ciyubululo 12:12

Paceebo ceeco, sekelela webo oliculu alimwi asheesho shoonse shikalaamo! Sombi mapensho kucishi ca panshi alimwi alweenge! Mukwiinga Mubiibi wesa kuli ndimwe abukali butaambiki ceebo ulishi ayi wacaashabo ciindi ciniini.”

Milimo ya Batumwi 19:13

Ono baJuda bamwi bakalinga kweendeenda kabaya bukusha bashikaswa, abalo bakeelesha kusebensesha liina lya Mwaami Jesu pakucita mulimo wabo. Bakalinga kwaamba ayi, “Ndamwaambila muliina lyakwe Jesu uyo ngwaashimikila Paulo ayi muswe!”

Luka 8:28

Ndyaakamubonabo Jesu, wakoolobesha akufukama kunembo lyakwe alimwi akwaamba aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndakusenga ayi utampenshi.”

Maako 3:11

Bantu bakalinga kucite bashikaswa kulilabo na bamubona, bakalinga kuwa panshi muliimfwa lyakwe akoolobesha ayi, “Uli Mwanaakwe Lesa!”

Mateyo 4:3

Ono alakwe Mubiibi shikusunka wakesa akumwaambila ayi, “Na uli Mwanaakwe Lesa, ambila mabwe aya asanduke cakulya.”

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

Maako 1:24

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi, ndimwe wooyo Usalalite uswa kuli Lesa!”

Mateyo 16:16

Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

1 Baami 22:16

Sombi Aabu wakaamba ayi, “Na utoondwiita cikani muliina lya Mwaami Lesa, amba calushinisho! Ulisuni nkaambe mankanda ongaye pacikani ici?”

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Bene Ebulu 7:1

Uyu Melikisedeki wakalinga mwaami wa kuSalemu alimwi wakalinga mupailishi wakwe Lesa wa kwiculu Wiindaawo. Ono Abulaamu ndyaakalinga kuswa kunkondo uko nkwaakakoma bamaami bone, Melikisedeki wakamukumanya akumupa coolwe.

Bene Ebulu 2:14

Ono mukwiinga baana aba mbantu bacite mibili alimwi abulowa, alakwe Jesu mwiine wakaba muntu mbuli mbabo. Wakacita boobo kwaamba ayi kwiinda mulufu lwakwe anyonyoole Mubiibi uyo ucite nkusu shakucaya.

Milimo ya Batumwi 8:36

Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Luka 6:35

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Luka 4:34

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi ndimwe wooyo Usalalite uswa kuli Lesa!”

Luka 1:32

Uyu mwaana ulaakuba mulemu alimwi ulaakunokwiitwa ayi Mwanaakwe Lesa wa kwiculu Wiindaawo. Mwaami Lesa ulaakumupa bwaami bweenka bwakalinga kucite Defedi ishi mukulukulu.

Maako 14:61

Sombi Jesu wakoomunabo tontolo, taaku ncakakumbulaawo. Mupailishi munene wakeepusha Jesu alimwi ayi, “Sa ndiwe Usalitwe, Mwanaakwe Lesa ulemekwa?”

Bene Loma 16:20

Lyalo Lesa upa luumuno, ulaakunyonyoola nkusu shakwe Satana kwaamba ayi mukamukoome. Luse lwa Mwaami wesu Jesu lube amwebo.

Maako 5:6

Ndyaakabonabo Jesu palaale, wakamucicilila akufukama muliimfwa lyakwe.

Maako 5:8

Uyu musankwa wakaamba boobo mukwiinga Jesu wakaamba ayi, “Swa mumusankwa uyu, webo oshikaswa!”

Jemusi 2:19

Mulashoma kwaamba ayi kulibo Lesa womwi. Ncakwiila, sombi abalo bashikaswa balashoma ubo alimwi balaloonda akututuma.