Maako 5:13 - Baibo Busansulushi Bwa Libuku Ili

¹³ Ncakwiila wakabasuminisha. Abalo bakaswa mumusankwa uyo akwinjila munkumba. Lyalo litanga lyoonse lyakalinga kucite nkumba mpashi shuulu shobilo, lyakoondomokela kunkunamo lya kalundu akuya mulweenge mulyakaya mukulobela.

Maako 5:13 Referans Kwoze

Jobo 2:6

Mpeeke Mwaami Lesa wakaambila Satana ayi, “Ncibotu, ndamubika mumaansaako, sombi kubuumi bwakwe kutacataako.”

Ciyubululo 20:7

Ono na myaaka ili cuulu ikamaane, Satana ulaakwaangululwa kuswa muntolongo mwaakalinga.

Ciyubululo 9:11

Shakalinga kucite amwaami shikusheendelesha, uli ngomunjelo shikubona pacilindi cilya citeeli. Liina lyakwe muciEbulu nguAbadoni, muciGiliki nguApolyoni, (nkokwaamba ayi, “Shikunyonyoola”).

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Mateyo 8:32

Jesu wakabaambila ayi, “Kamuya.” Mpeeke bakaswaamo akuya mukwinjila munkumba, lyalo litanga lyoonse lyakoondomokela kunkunamo lya kalundu akuya mulweenge molyakaya mukulobela.

Jobo 1:12

Mpeeke Mwaami Lesa wakaambila Satana ayi, “Ncibotu, buboni bwakwe boonse ndabubika mumaansaako, sombi lakwe mwiine kuteelesha kumukumya.” Mpomunyaawo Satana wakaswaawo pameenso a Mwaami Lesa.

1 Baami 22:22

Mwaami Lesa wakeepusha ayi, ‘Ulaakumucenjeeka buyani?’ Mushimu wakakumbula ayi, ‘Ndaakuya mukulengesha balaluki bakwe Aabu kwaamba shabubeshi.’ Mwaami Lesa wakaamba ayi, ‘Koya ukamucenjeeke. Ulaakucikonsha.’ ”

Mateyo 7:6

“Mutapi bakabwa shintu shisalalite mukwiinga inga bamupilukila bamuluma. Mutapi nkumba shintu shamakwebo ceebo inga shalyatooloobo myeendo.

Maako 5:12

Mpeeke bashikaswa bakasenga Jesu ayi, “Amututandile mulitanga lya nkumba isho kwaamba ayi twinjile muli nshisho.”

Maako 5:14

Lyalo abo bakalinga kweembela nkumba isho, bakacica akuya mukulwiita bantu bakalinga kwikala mundabala amumishi makani aya. Abalo bantu bakayoboloka kwisa mukubona ceeco cakacitika.