Maako 4:34 - Baibo Busansulushi Bwa Libuku Ili

³⁴ Taakwe kubalwiitaawo maswi akwe Lesa kwakubula shikoshanyo, sombi wakalinga kusansulwita bashikwiiya bakwe shoonse na bacaala beenka.

Maako 4:34 Referans Kwoze

Joni 16:25

“Ndamwaambila shintu ishi mumapinda. Nakubi boobo ciindi cilaakushika ndyeshi nkabule kwaambila mumapinda, sombi ndaakumusansulwita cakutashisa shapali baTa.

Maako 4:10

Bantu ndibakamwaika, bashikwiiya bakwe bali likumi abobilo abantu bamwi bakacaala, bakamusenga ayi asansulule shikoshanyo.

Luka 24:27

Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.

Mateyo 13:34

Jesu wakaambila bantu shoonse ishi mushikoshanyo. Taaku cintu nabi comwi ncaatakwe kwaamba mucikoshanyo.

Maako 4:33

Jesu wakashimikila bantu maswi akwe mushikoshanyo shiinji sha mbuli sheeshi kweelana akunyumfwa kwabo.

Joni 10:6

Jesu wakasebensesha cikoshanyo ici, sombi tabakwe kunyumfwishisha.

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.