Maako 2:8 - Baibo Busansulushi Bwa Libuku Ili

⁸ Mpomunyaawo Jesu wakeshiba nshibakalinga kuyeeya mumyoyo yabo. Lyalo wakabaambila ayi, “Ino mutooyeeyelanshi shintu sha mushobo uyu mumyoyo yanu?

Maako 2:8 Referans Kwoze

Milimo ya Batumwi 8:22

Paceebo ceeco, sanduka kuswa kucibiibi ici ncootooyeeya. Senga kuMwaami kwaamba ayi mpashi inga wakulekelela.

Milimo ya Batumwi 5:3

Sombi Pita wakamwiipusha ayi, “Webo Ananiyasi, nceebonshi wasuminisha Satana ayi enjile mumoyo wako kwaamba ayi ubece Mushimu Usalashi, pakucaasha maali amwi ngowakoolisha buboni bwako?

Joni 6:64

Nakubi boobo nobamwi tamushomi.” Mukwiinga Jesu wakalinga kwishi kuswabo kumatalikilo, abo beshi bakabule kumushome alimwi awooyo weshi akamwaabe.

Luka 24:38

Lakwe wakabaambila ayi, “Ino mutoopenshekwanshi akutonsha mumyoyo yanu?

Luka 6:8

Sombi wakalinga kwishi ncebakalinga kuyeeya. Mpeeke wakaambila musankwa uyo wakalinga kuyuminite lyaansa ayi, “Kosa wiimikane kunembo kuno.” Alakwe wakanyamuka akuya mukwiimikana kunembo.

Luka 5:22

Lyalo Jesu wakeshiba ncibakalinga kuyeeya mumyoyo yabo wakabeepusha ayi, “Ino mutooyeeyelanshi shintu sha mushobo uyu mumyoyo yanu?

Mateyo 9:4

Sombi Jesu wakeshiba ncebakalinga kuyeeya, lyalo wakaamba ayi, “Mutooyeeyelanshi shintu shibiibi mumyoyo yanu?

Esekelo 38:10

Mwaami Lesa Shinkusu shoonse waamba ayi, “Bushiku ubu ulaakuba amuyeeyo ubiibi.

Kulumbaisha 139:2

Mulanshiba ndyeenkala nabi ndyeembuka, muleshiba miyeeyo yangu kamuli kooko kulaale.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Maako 7:21

Ceebo mumyoyo ya bantu momuswa miyeeyo ibiibi, ya bufuule, bwiipi, bucayi,

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Tushimpi 24:9

Miyeeyo ipanga muluya nkucita shibiibi, alimwi bantu balipatite muntu shikucelebula.

Tushimpi 15:26

Mwaami Lesa ulipatite miyeeyo ya bamucita shibi, sombi miyeeyo ya bantu basalalite ilamusangalasha.

1 Makani 29:17

Ndishi kwaamba ayi mulabonabona mumoyo wa muntu uli woonse alimwi mulakondwa bantu bacite myoyo yakushomeka. Shintu shoonse ishi ndashipa cakulyaaba alimwi amoyo womwi. Ono bulya ndasangalala kubona abalo bantu banu baliiwo pano mbobapa cakulyaaba.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Mateyo 12:15

Ono Jesu ndyaakeshiba miyeeyo yabo, wakaswaako uko. Mpomunyaawo bantu baanji baanji bakamukonkela, lyalo wakashilika baabo boonse bakalinga kuciswa.

Mateyo 16:7

Mpomunyaawo bashikwiiya bakatalika kwaamba ayi, “Ncaambila boobo ceebo tatukwe kuyumuna shinkwa.”

Maako 2:7

“Ino uyu muntu utokwaambilanshi bobulya? Nkucobola Lesa uku! Ngani weenga walekelela shibiibi? Sa te nguLesa eenkabo?”

Maako 2:9

Ncili cuubu kwaambila muntu uyu ayi, ‘Shibiibi shako shalekelelwa’, nabi kwaamba ayi, ‘Nyamuka, bwesa macila ako unooya’?