Maako 2:13 - Baibo Busansulushi Bwa Libuku Ili

¹³ Jesu wakaboolela alimwi kulubasu lwa Lweenge lwa Galili. Bantu baanji bakesa kuli nguwe, lyalo wakatalika kubeeisha.

Maako 2:13 Referans Kwoze

Maako 4:1

Jesu wakatalika alimwi kwiisha kulubasu lwa Lweenge lwa Galili. Likoto lyakabungana lyakakomena bunene cakwaamba ayi Jesu wakenjila mubwaato wekala. Bwaato bwakalinga pamaanshi, lyalo likoto kalili petala muloombe lwa lweenge.

Luka 21:38

Mpeeke macuunsacuunsa bantu baanji bakalinga kuya kuŊanda yakwe Lesa kwaamba ayi bakakutike kwiisha kwakwe.

Luka 19:48

Sombi tabakwe kwiicana mukwiinga bantu boonse bakalinga kusuni abuumbi kunyumfwa nshaakalinga kwaamba.

Maako 2:2

Bantu baanji bakayoboloka cakwaamba ayi kwakabula amusena wakacaala, apamulyango poonse pakesula. Lyalo Jesu wakabashimikila maswi akwe Lesa.

Maako 1:45

Ono lakwe uyo wakaba kabotu wakalingooyabo cishimika kubantu boonse. Ncakwiila kwaamba kwakwe kwakalenga ayi Jesu atalike kweenda cakuyubayuba mundabala alimwi wakalinga kwikala kulaale amishi. Nakubi boobo bantu bakalinga kuya kuli nguwe kuswa kumisena ipusenepusene.

Mateyo 13:1

Pabushiku bweenka ubo, Jesu wakaswa muŋanda akuya mukwikala muloombe lwa lweenge.

Mateyo 9:9

Jesu ndyaakaswaako uko, wakabona musankwa umwi wiitwa ayi Mateyo kaashiite mukaanda ka musonko. Mpeeke Jesu wakamwaambila ayi, “Nkonkele!” Alakwe wakanyamuka, wamukonkela.

Maako 10:1

Jesu wakaswaako kuKapenaumu akuya kucishi ca Judeya kwitala lya Mulonga wa Joodani. Bantu baanji baanji bakabungana alimwi kuli nguwe. Alakwe wakatalika kubeeisha kweelana ambwaakalinga kushibite.