Maako 15:21 - Baibo Busansulushi Bwa Libuku Ili

²¹ Ndibakalinga kuya munshila, bashilumamba bakakumanya musankwa umwi wiitwa ayi Simoni wa kuSailini kaaswa mumishi. Mpeeke bashilumamba bakamukakatisha ayi anyamune mucilingano wakwe Jesu. (Simoni wakalinga ngoishi Alekisanda aLufasi.)

Maako 15:21 Referans Kwoze

Luka 23:26

Ndibakalinga kutola Jesu mukumupopa, bakakumanya Simoni wa kuSailini kaaswa mumishi. Bakamucata akumunyamwisha mucilingano ayi anooyawo mwisule lyakwe Jesu.

Mateyo 27:32

Ndibakaswa bakakumanya musankwa wiitwa ayi Simoni wa kuSailini. Mpomunyaawo bashilumamba bakamukakatisha kunyamuna mucilingano wakwe Jesu.

Bene Loma 16:13

Ndaansha Lufasi musebenshi muyumu abuumbi mumilimo ya Mwaami alimwi ndaansha banyina abo bakalinga kuncafwa anga ndimwaana wakulishalila beene.

Milimo ya Batumwi 13:1

Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo.

Milimo ya Batumwi 11:20

Sombi bamwi basankwa bashomi ba kuSaipulasi akuSailini, bakaya kuAntyoki kabaya bushimikila Makani Abotu aamba paMwaami Jesu akubaswamashi bakunsengwe.

Milimo ya Batumwi 6:9

Sombi bamwi bantu bakatalika kumupikisha. Aba bakalinga ba mulikoto lya coonde ca baJuda ca Basankwa Bakaangululwa (kweelana ambocakalinga kwiitwa), umo mwakalinga abaJuda ba kuSailini alimwi akuAlekisandiliya. Kwakalinga abamwi baJuda baswa kuSilisiya alimwi aEsha bakamupikisha.

Milimo ya Batumwi 2:10

Bamwi balaswa kucishi ca Fuligiya akuPamfilya, kuIjipiti alimwi akumisena ili mucishi caLibya kufwaafwi aSailini. Swebo sobamwi tuli beensu tulaswa kuLoma,

Luka 14:27

Uyo woonse utanyamuni mucilingano wakwe akunkonkela, inga taabi shikwiiya wangu.

Maako 15:20

Ndibakamana kumuseka akumuweluluka boobo, bakamufuula cisani cifubelafubela cilya akumufwalika shakufwala shakwe. Lyalo Jesu bakamutola kuya mukumupopa pamucilingano.

Joni 19:17

Wakaswa mundabala ilya kaayumwite mucilingano wakwe kuya kumusena wiitwa ayi, “Cifuwa ca mutwi.” (MuciEbulu balaamba ayi, “Gologota.”)

Mateyo 5:41

Na umwi muntu wakukakatisha kuyaakwe mushinso ulaampa mailo yomwi, anu yaakwe mushinso wa mamailo obilo.