Maako 15:10 - Baibo Busansulushi Bwa Libuku Ili

¹⁰ Mukwiinga Pilato wakalinga kwishi ayi bamatanjilili ba bapailishi bakatola Jesu kuli nguwe ceebo bakamufwita munyono.

Maako 15:10 Referans Kwoze

Tushimpi 27:4

Bukali mbubiibi, kukalala ca lushinga kulanyonyoola, sombi munyono walo uleendaawo kubica.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

Mateyo 27:18

Mukwiinga Pilato wakalinga kwishi ayi bakatola Jesu kuli nguwe ceebo bakamufwita munyono.

1 Joni 3:12

Tatweelete kuba anga nguKaini uyo wakalinga kulubasu lwa Mubiibi akucaya Abelo mwanike wakwe. Ino nciinshi ncaakamucaila? Mukwiinga nshaakalinga kucita lakwe mwiine shakalinga shibiibi, sombi mwanike wakwe kaacita shiluleme.

Jemusi 4:5

Mutayeeyi ayi Malembo akwe Lesa alabeca ndyaamba ayi, “Muuya Lesa ngwaakabika muli ndiswe ulayandishisha shamubili.”

Milimo ya Batumwi 13:45

Ono baJuda ndibakabona bantu baanji baanji abo, bakafwa munyono abuumbi. Bakatalika kupikisha shakalinga kwaamba Paulo akunoomucobola.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Matalikilo 37:11

Bamakwabo Josefu bakafwa munyono, sombi baishi, cikani ici bakalinga kuciyeeya lyoonse.

Maako 15:9

Lyalo Pilato wakabeepusha ayi, “Sa mulisuni ayi mwaangulwite Mwaami wa baJuda?”

Maako 15:11

Sombi bamatanjilili ba bapailishi bakayungoola bantu kusenga Pilato ayi abaangulwite Balabasi mumusena wakwe Jesu.