Maako 13:9 - Baibo Busansulushi Bwa Libuku Ili

⁹ “Sombi amwebo mulyeelete kucenjela. Mukwiinga bantu balaakumutola munkuta. Balaakumukwipila mushoonde sha baJuda. Mulaakwiimikana kunembo lya baleli ba shishi alimwi abamaami ceebo ca liina lyangu kwaamba ayi mupe bukamboni pameenso abo.

Maako 13:9 Referans Kwoze

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Maako 13:5

Lyalo Jesu wakabaambila ayi, “Amucenjele kwaamba ayi kutakabi muntu nabi womwi eshi akamucenjeeke.

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

2 Bene Tesalonika 1:5

Ishi shoonse shitootondesha calushinisho kwaamba ayi Lesa uloombolosha cabululami. Aboobo citokwaamba ayi mulyeelete kwinjila muBweene bwakwe Lesa ubo mboomutoopengela.

Bene Filipi 1:29

Mwebo mwakapekwa coolwe cakusebensela Klistu, kuteshi kushomabo muli nguwe, sombi amukumupengela.

Milimo ya Batumwi 21:11

Lyalo wakesa kuli ndiswe akubwesa laamba wakwe Paulo, akulyaanga kumaansa akumyeendo akwaamba ayi, “Mushimu Usalashi utokwaamba ayi, ‘Mwine laamba uyu baJuda balaakumwaanga muJelusalemu bweenka mbondalyaanga akumwaaba mumaansa a baswamashi bakunsengwe.’ ”

Milimo ya Batumwi 9:16

Aboobo, nebo nemwiine ndaakumubonesha shoonse nshaaelete kupenga ceebo ca ndime.”

Milimo ya Batumwi 7:54

Ono beendeleshi ba nkuta ndibakanyumfwa maswi akaamba Sitifini, bakakalala abuumbi, kababimbabo.

Joni 15:20

Amwiibaluke maswi ngondakamwaambila ayi, ‘Musebenshi taindi mwaami wakwe.’ Na nebo bakampensha amwebo balaakumupensha. Na bakakonkela kwiisha kwangu amwebo kwiisha kwanu balaakukukonkela.

Luka 9:5

Uko koonse nkweshi bakabule kumutambula, pakuswaamo mundabala iyo, mukalipampe lusuko kumyeendo. Ici cilaakuba citondesho cakwaamba ayi balicite mulandu.”

Maako 6:11

Na mwashika mundabala imwi bantu bakaka kumutambula akunyumfwa makani anu, mukalipaampe lusuko kushimpanta pakuswa mundabala umo. Ici cilaakuba citondesho cakwaamba ayi balicite mulandu.”

Maako 1:44

“Nyumfwa, utalwiiti muntu nabi womwi pacikani ici. Sombi ululamebo kuya kumupailishi, ukalitondeshe kuli nguwe ayi waba kabotu. Koya upe cipo kweelana abwakaamba Mose kwaamba ayi bantu bashome ayi waba kabotu.”

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Maako 13:8

Mushobo umwi ulaakubukila ubye, abwalo buleelo bulaakubukila bulelonyina. Kulaakuba shitentanshi mumisena ipusenepusene alimwi ansala. Shoonse ishi ngamatalikilobo a mapensho.

2 Joni 1:8

Amucenjele kwaamba ayi mutasowi ceeco ncemwakasebensela, sombi mukatambule cilambu canu coonse.