Maako 12:9 - Baibo Busansulushi Bwa Libuku Ili

⁹ Mpeeke Jesu wakabeepusha ayi, “Ino mwine muunda wa minyansa uyu ulaakucita buyani? Ncakwiila ulaakwisa mukucaya balimi boonse abo akubweleka bamwi muunda.

Maako 12:9 Referans Kwoze

Bene Loma 10:20

Lesa wakaamba alimwi cankusu kwiinda muli Isaya ayi, “Nebo bakancana, mbantu batakalinga kunyandoola, ndakaboneka kubantu batakalinga kunsenga ayi bamboone.”

Luka 19:27

Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”

Mateyo 21:43

“Paceebo ceeco ntoomulwiita ayi mulaakunyaikwa Bweene bwakwe Lesa. Bulaakupekwa kumushobo umwi weshi ukacate shisepo sheelete. [

Mateyo 22:7

Mpomunyaawo mwaami wakakalala abuumbi. Mpeeke wakatuma bashilumamba bakwe kuya mukunyonyoola bacayi abo akutenta ndabala yabo inene.

Mateyo 12:45

Lyalo ulaya mukuletelaawo abamwi bali bosanwe abobilo babiibi kwiinda pali nguwe. Mpeeke balenjila akwikala mumuntu uyo. Aboobo bwikaalo bwa muntu uyo bulabica kwiinda bwakutaanguna. Mbweshi cikabe akubantu babiibi ba cecino ciindi.”

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Jelemiya 17:3

Buboni bwanu abubile bwanu boonse ndaakubuleka ayi bukasaalwe. Bulaakusaalwa pantu pomwi amisena yanu yakulambililaako ya patulundu ceebo ca shibiibi shanu shakacitwa mucishi canu coonse.

Isaya 65:15

Bantu bangu mbondakasala balaakunosebensesha liina lyanu pakushingana. Nebo neMwaami Lesa Shinkusu shoonse ndaakubanyonyoola. Sombi basebenshi bangu balo ndaakubapa liina limwi.

Isaya 29:17

Muciindi ciniini cishi ca Lebanoni cilaakuba muunda wa mboleshi. Awalo muunda wa mboleshi ulaakuba musaansa.

Joshuwa 23:15

Ono bweenka mbwaakamupa shintu shibotu shoonse kweelana ambwaakashomesha, mbweeke ubo ulaakucita kuli ndimwe shibiibi isho shoonse nshaakaamba na mukamufutatile kushikila akamane kumunyonyoola kuswa mucishi cibotu cino ncaakamupa.

Mateyo 21:34

Ono ciindi cakutebula shisepo ndicakashika, muntu uyo wakatuma basebenshi bakwe kubalimi ayi bakamupeewo shisepo sha mumuunda wakwe.

Maako 12:8

Mpomunyaawo bakamucata, bamucaya akuwaala mutuntu pansengwe lya muunda wa minyansa.”

Maako 12:10

Sa tamukwe kubelengawo kale Malembo akwe Lesa akwaamba ayi, ‘Libwe bayaki ndibakakaka lyakaba ndyelibwe lya mulikonko lya ŋanda, libwe lisuniki abuumbi.