Maako 10:47 - Baibo Busansulushi Bwa Libuku Ili

⁴⁷ Ndyaakanyumfwa ayi nguJesu wa kuNasaleti utokwiinda, wakatalika koolobesha ayi, “BaJesu, nobana babo baDefedi, amunyumfwileko nkumbu!”

Maako 10:47 Referans Kwoze

Maako 1:24

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi, ndimwe wooyo Usalalite uswa kuli Lesa!”

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

Mateyo 9:27

Jesu ndyaakaswaako uko, basankwa boofu bobilo bakamukonkela, kaboolobesha ayi, “NoBana babo baDefedi, amutunyumfwileko nkumbu!”

Joni 7:52

Balo bakamukumbula ayi, “Sa awebo uli wa kuGalili? Calula muMalembo akwe Lesa, utoocana kwaamba ayi taaku mulaluki uswa kuGalili.” [

Mateyo 26:71

Cilya Pita ncaakaamba ayi aswe mulubansa lwa ŋanda, aumwi mwanakashi musebenshi wakamubona, akutalika kulwiita baabo bakalingaawo ayi, “Alakwe muntu uyu wakalinga aJesu wa kuNasaleti.”

Mateyo 15:22

Mpeeke kwakesa mwanakashi kuli Jesu wa kuKenani uyo wakalinga kwikala kweenka uko. Wakoolobesha ayi, “Amunyumfwileeko nkumbu Nkambo, nobana bakwe Defedi! Mwanaangu mwanakashi ulicite bashikaswa.”

Milimo ya Batumwi 6:14

Mukwiinga twakamunyumfwa kaamba ayi, uyo Jesu wa kuNasaleti ulaakunyonyoola Ŋanda yakwe Lesa akusandula shishiyashiya shakatupa Mose!”

Joni 19:19

Pilato wakalemba cishibisho akucibika pamucilingano wakwe Jesu cakalinga kulembetwe ayi, “Jesu wa kuNasaleti, mwaami wa baJuda.”

Joni 7:41

Bamwi bakaamba ayi, “Uyu muntu ngoUsalitwe wakwe Lesa,” sombi bamwi bakalinga kwiipusha ayi, “Sa Usalitwe wakwe Lesa ulaakuswa kuGalili?

Joni 1:46

Natanaelo wakeepusha Filipo ayi, “Sa muNasaleti amwalo inga mwaswa cintu cibotu?” Filipo wakakumbula ayi, “Kosa, ukalibonene omwiine.”

Luka 4:16

Jesu wakashika kuNasaleti uko nkwaakakulila. Mpeeke kweelana ambwaakalinga kushibite, pabushiku bwakookesha bwa Cibelu wakaya kucoonde ca baJuda. Wakanyamuka kwaamba ayi abelenge Malembo akwe Lesa kubantu.

Mateyo 21:11

Bantu baanji baanji balya bakakumbula ayi, “Uyu nguJesu mulaluki wa kuNasaleti mucishi ca Galili.”

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

Mateyo 20:30

Ono basankwa bobilo boofu bakalinga kushiite mweela nshila, ndibakanyumfwa ayi nguJesu utokwiinda, bakoolobesha ayi, “Nkambo, nobana babo baDefedi amutunyumfwileko nkumbu!”

Mateyo 12:23

Lyalo bantu boonse bakakankamana akwaamba ayi, “Sa uyu inga waba mwanaakwe Defedi?”

Mateyo 2:23

Lyalo wakaya mukwikala mundabala ya Nasaleti, bweenka mbuli mbobakaamba balaluki bakulukulu ayi, “Ulaakunokwiitwa ayi wakuNasaleti.”

Mateyo 1:1

Jesu Klistu wakashalwa mulunyungu lwakwe Defedi aAbulaamu.

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.