Maako 1:41 - Baibo Busansulushi Bwa Libuku Ili

⁴¹ Ndishakamucata nkumbu Jesu, wakafungulula lyaansa lyakwe akumucata kaamba ayi, “Ee ndisuni, ba kabotu!”

Maako 1:41 Referans Kwoze

Mateyo 9:36

Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.

Bene Ebulu 4:15

Tatucite Mupailishi Munene utakoonshi kutunyumfwila nkumbu mukulefuka kwesu. Mupailishi wesu wakasunkwa munshila shoonse bweenka mbotusunkwa. Sombi lakwe taakwe kubishaawo.

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

Maako 6:34

Jesu ndyaakasubuka, wakabona bantu baanji kababungene. Lyalo wakabanyumfwila nkumbu mukwiinga bakalinga anga nimbelele shitacite mweembeshi. Lyalo wakatalika kubeeisha shintu shiinji.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Maako 5:41

Wakacata mulindu uyo palyaansa akwaamba ayi, “Talita kumi,” nkokwaamba ayi, “Kashimbi, ntokwaambila ayi, buka!”

Maako 4:39

Jesu wakabuka akukalalila cipuupu amaaba ayi, “Umuna! Cileke kupuupa!” Muuwo wakacileka kupuupa, lyalo kwakaboolabo tontolo.

Matalikilo 1:3

Mpeeke Lesa wakaamba ayi, “Akube mumuni.” Lyalo mumuni wakabaako.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Maako 1:40

Umwi musankwa mulwashi manata wakesa kuli Jesu, wafukama akusenga ayi, “Na kamusuni, inga mwanshilika.”

Maako 1:42

Mpomunyaawo manata akamana, wakaba kabotu alimwi.